ජනාධිපති අනුර කුමාර දිසානායක මහතා ත්‍රිකුණාමලය තෙල් ටැංකි සංකීර්ණය පිලිබදව සිය ආණ්ඩුවේ අළුත් වැඩක් ලෙසින් ඉදිරිපත් කරන ව්‍යාපෘතිය මින් වසර තුනකට පෙර තමන් බලශක්ති අමාත්‍යධූරය දරන සමයේ සම්පූර්ණ කල ව්‍යාපෘතියක් බව පිවිතුරු හෙළ උරුමය නායක නීතිඥ උදය ගම්මන්පිල මහතා පවසයි. මේ සම්බන්ධ ගිවිසුම 2022 වසරේ අත්සන් කල බවත් එවකට එයට දැඩිව බාධා කලේ ජාතික ජන බලවේගය බවත් ඒ මහතා වැඩි දුරටත් සදහන් කර සිටීයි.

ජාතික ජන බලවේගයේ මන්ත්‍රීවරුන්ගේ, ඇමතිවරුන්ගේ වැටුප්, දීමනා තනි ගිණුමකට බැර කරන බව පාර්ලිමේන්තු මන්ත්‍රී සුනිල් වටගල මහතා පවසයි.

ආණ්ඩුව ඉල්ලා සිටින ඕනෑම අවස්ථාවක හිටපු ජනාධිපති මහින්ද රාජපක්ෂ මහතාගේ නිල නිවස භාරදීමට සූදානම් බව පාර්ලිමේන්තු මන්ත්‍රී නාමල් රාජපක්ෂ මහතා පවසයි.

හිටපු අමාත්‍ය විජිත් විජයමුණි සොයිසා මහතාට ඇප නියමව තිබේ. ‍

mothers of sri lanka සංවිධානය විසින් සංවිධානය කරනු ලබන උද්ඝෝෂණයක් හෙට )21) සවස දෙකට ඇමෙරිකානු තානාපති කාර්යාල ඉදිරිපිට දී පැවැත්වීමට නියමිතව ඇති බව වාර්තාවේ.

දකුණු කොරියවේ රැකියා ලබාදීමේ සිද්ධිය සම්බන්ධයෙන් හිටපු අමාත්‍ය මනුෂ නානායක්කාර මහතා හෙට (21) දින අපරාධ පරීක්ෂණ දෙපාර්තමේන්තුවේ පෙනී සිට ප්‍රකාශයක් ලබාදීමට සූදානම් බව ඔහුගේ නීතිඥවරයා අද (20) කොළඹ මහෙස්ත්‍රාත් අධිකරණයට දැනුම් දී තිබේ.

සරණාගතයන් ලෙස මෙරටට පැමිණෙන සංක්‍රමණිකා නිසා මෙරට ජාතික ආරක්‍ෂාවට බලවත් තර්ජනයක් වී ඇති බව සමාජ ක්‍රියාකාරී ආශ්චර්යා ගුණරත්න අධිකාරී පවසයි. ඔහු මේ අදහස් පළ කළේ පසුගියදා පැවැති විරෝධතාවයකට එක් වෙමිනි.

තාක්ෂණික ව්‍යවසායකත්වය මත පදනම් වූ ආර්ථිකයක් නිර්මාණය කිරීම සහ 2021 දී ශ්‍රී ලංකාව කෘෂිකර්මාන්තය මත යැපීම අඩු කිරීම සඳහා සැලසුම් කළ ව්‍යාපෘතියක් මූල්‍ය අවභාවිතය, අක්‍රමිකතා සහ මෙහෙයුම් අරමුදල් නොමැතිකම හේතුවෙන් ආරම්භ කිරීමට නොහැකි වී තිබේ.

මේජර් ජෙනරාල් ජානක පෙරේරා ඇතුළු 31 දෙනකු ඝාතනය කරමින් 2008 ඔක්තෝබර් 06දා අනුරාධපුරයේදී මරාගෙන මැරෙන බෝම්බ ප්‍රහාරය එල්ල කළ බෝම්බකරු හිටපු අමාත්‍ය කෙහෙළිය රඹුක්වැල්ලගේ ආරක්ෂකයකු බව හෙළිදරව් කරමින් උතුරු මැද පළාතේ හිටපු පළාත් සභා මන්ත්‍රී නිශ්ශංක දිසානායක නීතිය හා සාමය පිළිබඳ අමාත්‍යාංශයට ඊයේ (16) පැමිණිල්ලක් ඉදිරිපත් කළේය.