ඊයේ(27) පැවති නාගරික මැතිවරණයේදී නගරාධිපති ධුර 335 න් 285 ක් පමණ පාලක සයිමන් බොලිවර් මහා දේශප්‍රේමී ධ්‍රැවය (GPPSB) දිනා ගත් බව නිවේදනය කිරීමෙන් පසු, වෙනිසියුලානු ජනාධිපති නිකොලස් මදුරෝ අද(28) අලුයම ප්‍රකාශ කළේ "අද, විප්ලවවාදී ජනප්‍රිය කණ්ඩායමේ ඓතිහාසික ජයග්‍රහණය තහවුරු කර තිබෙනවා" යනුවෙනි.

තායිලන්තය සහ කාම්බෝජය අතර සාම සාකච්ඡාවලින් පසු දෙපාර්ශ්වය ක්ෂණික සහ කොන්දේසි විරහිත සටන් විරාමයකට එකඟ වී තිබේ.

පාර්ලිමේන්තු මන්ත්‍රී නාමල් රාජපක්ෂ මහතා අත්අඩංගුවට ගැනීම සඳහා වරෙන්තුවක් නිකුත් කර තිබේ.

පාස්කු ඉරු දින ත්‍රස්ත ප්‍රහාරයක් එල්ල වීමට නියමිත බවට බුද්ධි තොරතුරු ලැබී තිබියදීත් එය වළක්වා ගැනීමට කටයුතු නොකිරීම තුළින් සාපරාධී ලෙස රාජකාරිය පැහැර හැරීම ඇතුළු චෝදනා එල්ල වී සිටින හිටපු ආරක්ෂක ලේකම් හේමසිරි ප්‍රනාන්දු සහ හිටපු පොලිස්පති පූජිත් ජයසුන්දර යන මහත්වරුන්ට එරෙහිව ගොනුකර තිබෙන නඩුව සැප්තැම්බර් 18 වැනිදා යළි කැඳවන ලෙස කොළඹ ත්‍රිපුද්ගල මහාධිකරණ විනිසුරු මඩුල්ල නියම කළහ.

සිය ගැටලුවලට විසඳුම් නොලැබුණ හොත් පැය 48ක සංකේත වැඩවර්ජනයක් සිදුකරන බව දුම්රිය ලොකොමෝටිව් ඔපරේටින් ඉංජිනියර්ස් සංගමය පවසයි.

පොලිස්පති ධුරය සඳහා ජ්‍යෙෂ්ඨත්වයෙන් ඉහළ ජ්‍යෙෂ්ඨ නියෝජ්‍ය පොලිස්පතිවරුන් හය දෙනෙකු අතර උද්ගත වී ඇති තරගකාරී තත්ත්වයක් පිළිබඳව පොලිස් ආරංචි මාර්ග වාර්තා කරයි.

ආනයනික ලුණු කන්ටේනර් 400ක් පමණ කොළඹ වරායේ රේගුවේ රැඳී තිබියදී ඉන් ලුණු කන්ටේනර් 06ක් අදිසි හස්තයකින් රේගුවෙන් පිටකර ඇතැයි රේගු අභ්‍යන්තර ආරංචිමාර්ග පවසයි.

හෝමාගම අධිකරණයේ නිලධාරියෙකුගේ රාජකාරියට බාධා කිරීම සම්බන්ධයෙන් තිලිණි ප්‍රියමාලිව අත්අඩංගුවට ගෙන තිබේ.

ඇමරිකාව විසින් පනවා ඇති තීරු බදු සම්බන්ධයෙන් වන සාකච්ඡා සෙසු ප්‍රබල රටවල් සමග සාපේක්ෂව සාර්ථක කරගැනීමට ශ්‍රී ලංකාවට ඇත්තේ සීමිත හැකියාවක් බව කර්මාන්ත නියෝජ්‍ය ඇමති චතුරංග අබේසිංහ මහතා සඳහන් කරයි.