පනිවිඩ කරුවාට වෙඩිතැබිම

Oct 23, 2024 at 10:48 AM

|

Lanka Leader

විශ්‍රාමික විනිශ්චකාරවරුන් ගෙන්  සැදුම්ලත් ජනාධිපති විමර්ශණ  වාර්ථා දෙකකින් එකක නිර්දේශ ඊයේ  දින (21.10.24)  උදය ගම්මන්පිළ සමාජගත කරන ලදි.

එම වාර්තාව මගින් පාස්කු ප්‍රහාරය සිද්ධවෙන අවස්ථාවේ රටේ ආරක්ෂාව සම්බන්ධව වගකිවයුතු  රාජ්‍ය නිළධාරින් වගකීම් පැහැර හැරිම නිසා දඩුවම් ලැබිය යුතු බවට නිර්දේශ කරන ලද පුද්ගලයෙක් වර්තමාන රජයේ  මහජන ආරක්ෂාව පිළිබද අමාත්‍යංශයේ ලේකම් ලෙස සිටීම සාධාරණ යැයි  කාදිනල්තුමා සිතන්නේද?

උදය ගම්මන්පිල ඉදිරිපත් කල වාර්ථාවට අනුව පාස්කු ප්‍රහාරය සිදු කරන කන්ඩායම පුහුණු විම් ලැබු ස්ථානයන්, ප්‍රහාරක සැළසුම්, අන්තවාදීන්ගේ දුරකථන අංක, කරන ලද වෙනත් අපරාද එයට සම්බන්ධ පුද්ගල නම් වැනි  සියල්ල ඇතුලත් අතිශයින් රහසිගත  වෙනත් රටක බුද්ධි අංශයක් විසින්  ලබා දුන්  තොරතුරු දින ගනනාවකට පෙර ලැබුනත් අදාල අංශ ක්‍රියාත්මක නොවිම කාඩිනල්තුමාට ගැටළුවක් නොවේද ?   

තමන්  විදේශ ගතවන බැවින් රාජකාරි ආවරණය කරන්නාට  " රහසිගත " යැයි සදහන් ලිපි නොදි තම කාර්‍යාලයෙ තබන බවට නියෝග දී ඇති බව කියවේ, රාජකාරි ආවරණය කරන නිළධාරියාට බලය තිබුනේනම් අදාල ලිපිය  විවෘත කර  ජාතික ආරක්ෂක කවුන්සිලයට යොමු කිරිමටත්  ජිව්ත සිය ගනනක් බේරා ගැනීමට තිබු බව කාඩිනල් තුමාට සිතෙන්නේම නැත්ද? 

නිවාඩු අවසන්ව පැමිණියත් එම ලිපි අදාළ අංශවලට යොමු කිරීම ප්‍රමාද වූයේ මන්ද  එම අවස්ථාවේදී ක්‍රියාත්මක වූවානම් අදාළ ප්‍රහාරය වළක්වා ගත හැකිව තිබුණා නේද යන්න කාදිනල්තුමා ට අමතක වූයේ ඇයිද යන්න ප්‍රශ්නයක් නෙමෙයිද ???

රටේ මුදල් රැපියල් කෝටි ගණනක් වියදම් කරමින් කාඩිනල් තුමා ඇතුලු කිසිවෙක් විරුද්ධත්වය ප්‍රකාශ නොකල පිලිගත්  විශ්‍රාමික  විනිසුරුවරුන් යොදවා විශාල පිරිසකගේ  සාක්ෂි කැදවමින් ලබා ගත් කමිටු වාර්ථා දෙකක සදහන් කරුනු පිලිනොගැනිමට තරම් වැදගත් වෙනත් තොරතුරු  කාඩිනල්තුමා සතුව තිබේනම් ඒ මොනවාද?

සිදුවිය යුත්තේ...., කාඩිනල්තුමා බලාපොරොත්තු වන කරුනු ඇතුලත් වාර්තාවක් ඉදිරිපත් කිරිමද .... කිසිදු කුකුසකින් තොරව ජනතාවට පිලිගත හැකි වාර්තාවක් සුදුසු පුද්ගලයන් යොදවා ඉදිරිපත් කිරිමද? මෙම වාර්තාවල සදහන් පුද්ගලයන් පිලිබදව කාඩිනල් තුමාට ඇති දැඩ් විශ්වාසය ගොඩනැගුනේ කුමන කරුනු පදනම් කරගෙනද?..

පසුගිය කාලයේ කාඩිනල් තුමන් තම පිරිස වෙනුවෙන් ඉතාමත් සංවේදිව හා දැඩිව ක්‍රියා කරත් ලැබෙන ඕනැම තොරතුරක් හෝ ඉගියක්  පසුපස හඹා ගියත් විමර්ශනයන්ට බලපෑම් කලහැකැයි කියනා බලගතු පුද්ගලයන් පිලිබදව කිසිදු සංවේදීතාවයක් නොමැත්තේ මන්දැයි කිව හැක්කේ කාදිනල් තුමාටම පමනි.

- ශර්මිලා ගෝනවෙල