ජනපති අනුර සහෝදරයාට සුබ පතමින්, ජනපතිවරණ ප්‍රතිඵල වලින් ගම්‍ය වන වැදගත් කරුණු සමාලෝචනයක්...
ඉතාම දැඩි විරෝධයකින් මාලිමවේ ප්‍රතිපත්ති හා දේශපාලන ව්‍යාපාරය නිර්දය ලෙස විවේචනය කල අයෙක් වශයෙන් පළමුව සඳහන් කල යුත්තේ අනුර සහෝදරයාගේ ජයග්‍රහණය ගැන මගේ හිතේ අබමල් රේණුවක් තරම්වත් අහිතක් හෝ කුහක කමක් නෑ කියාය.
මා කිසිඳු අපේක්ෂකයෙකුට මැතිවරණයේදී සහය නොදුන්නා මෙන්ම චන්දය ප්‍රකාශ කලේ නැත. අනුර කුමාර මහතා ජයග්‍රහණය අමුතු සියුම් සතුටක් නම් හිතේ ඇත. එය මගේ පැරණි දේශපාලන දිවියෙන් උරුම වූ දෙයක් වන්නට ඇත. පළමුව අපේ රටේ නවවන විධායක ජනපති තුමාට අපේ රට වෙනුවෙන් අමිල මෙහෙවරක් කරන්නට හැකි වේවා, සිත් පහළවේවා, කියා ප්‍රර්ථනා කොට ඉදිරියට යමු….
2024 ජනපතිවරණයෙන් අනුර සහෝදරයා ගේ ජයග්‍රහණයේ ප්‍රධාන බලවේගය වුයේ, දකුණු පළාත, කොළඹ කැලණි මිටියාවත හා කඩුවෙල කැස්බෑව , ගම්පහ, කළුතර දිසාවන් වලින් ඔහු ලබාගත් අතිබහුතර චන්ද ප්‍රතිශතය හා ප්‍රමාණයයි.
අප විසින් අපේක්ෂා කල පරිදි මොනරාගල දිසාව ඔහුට සහය පළකර තිබුනේ නැත. ඊට අමතරව අම්පාර, කොලොන්න මැතිවරණ කොට්ඨාශ වල හොඳ බහුතරයක් දැකිය හැකිවිය. මේවා සිංහල බෞද්ධ ජනතාව ඇති බහුතරයක් වෙසෙන, 2005 සිට මහින්ද රාජපක්ෂ මහතාගේ හා 2019 ගෝඨාභය රාජපක්ෂ ගේ ජයග්‍රහණයේ ඇති ප්‍රභල සාධකයන් වූ කලාප වේ. රාජපක්ෂලා ලබාගත් තරම් ප්‍රතිශත ලබනොගත්තත් අනුර සහෝදරයට ඒ ලැබුණු පරතරය නිසා නොවෙන්නට මෙවර මැතිවරණයෙන් ඔහු පසු බහිනවා නියතය.
2019 දී අනුර කුමාර මහතා, ඔහු එවකට අනියමින් සහය පලකල යහපාලන රජයේ වැඩ පිලිවලට (ඔරුමිත්තනාඩු ව්‍යවස්ථා වැඩ පිළිවෙල ඇතුළු ) එරෙහි ව මේ ප්‍රදේශවල ජනතාව ඉතා විශාල බහුතරයක් ගෝඨාභයට ලබා දුන්නේ, ඒකීය රටක් හා ජාතික විමුක්ති යාන්ත්‍රණයක් වෙනුවෙන්ය.
2005 සිට ( එවකට ජවිපෙ ද එම මැතිවරණ ව්‍යාපාරයේ සිටියේය) මේ ප්‍රදේශ ජයගත් රාජපක්ෂලා ඒ ජය ලබාගත්තේද ජාතික චින්තනය සිංහල බෞද්ධ කම අලෙවි කරලාය. මහින්ද රාජපක්ෂ පාලනය ඒ වෙනුවෙන් යම් වැඩකොටසක් කලාවුවද අවංක සාධනීය ඔවුන්ට කරන්නට හැකියාව තිබු තරමින් යමක් කලේ නැත. ගෝඨා පාලනය කලේ ඒ ජාතික සංකල්ප උස්සා පොලවේ ගැසීමය. ඉන් ඇතිවූ අපේක්ෂාභංග ජනමනස විකල්ප වෙනසක් බලාපොරොත්තුවෙන් මෙවර ඒ විශ්වාසය ලබා දෙන්නේ අනුර කුමාර මහතාටය.
මෙහි ඇති අරුමැසි කරුණ වන්නේ,
2019 දී ඔහු හා යහපාලනය සමග සිටි සිංහල බෞද්ධ විරෝධී ව්‍යාපාරය, ඔරුමිත්තනාඩු ව්‍යවස්ථාව රැගෙන එන බෙදුම්වාදී බලවේගද අද ඔවුන්ගේ අරමුණු වෙනුවෙන් රිංගගෙන ඉන්නේ මාලිමාව තුලට වීමය. මාලිමාව ප්‍රතිපත්ති ප්‍රකාශනයේ 230 පිටිවේ දක්වා ඇත්තේද 2015-2019 කාලයේ සාකච්ඡාවූ ආන්ඩුක්‍රම ව්‍යවස්ථාව ගෙන ඒමට කටයුතු කරන බවයි.
එතනින් එහාට ගොස්, ප්‍රතිස්ථායිකරණ (Anti Establishment) වැඩ පිලිවලවලවල්, කඩාකප්පල්කාරී අරගල මගින් මගින් රටක කිසිඳු ජාතික ප්‍රතිපත්ති ක්‍රියාත්මක කිරීමට ඉඩ නොදෙන, ක්‍රමයෙන් අසමත් රජයන් බවට රටවල් පත්කොට ලෝක බලවතුන්ගේ යටත් විජිත බවට ලංකාව වැනි කුඩා රටවල් බිලිදෙන සංවිධාන හා සිවිල් ක්‍රියාකාරීන්ද රිංගාගෙන ඉන්නේ මලිමාව අතුලටය.
(මා මලිමාවට එරෙහිව හඬ නගන්නට ප්‍රධානතම හේතුව එයය)
ඒකීය රටක් හා ජාතික වැඩපිළිවෙලක් විශ්වාස කරන ජනතාවක් සිය අපේක්ෂාව මෙවර බාරදී ඇත්තේ 2019 දී ඔවුන් පිලිකෙවූ කල දේශපාලන ව්‍යාපාරයකටය. ඒ ඔවුන්ගේ අපේක්ෂා උස්සා පොලවේ ගසා රට උකස්කළ ගෝඨා පාලනය ඇති කල අපේක්ෂභංග බව නිසාය.
නව ජනපති තුමා මේ ගැන සංවේදී වනු ඇති බවට අප අපේක්ෂා කරමු. 2005 එතුමාද අද එතුමා හා සිටින ජවිපෙ inner core එකේ සාමාජිකයින් ද බහුතරයක් ද මහින්ද රාජපක්ෂ බලයට ගෙන්න උදවු කලේ බෙදුම්වාදී එවකට රනිල් වික්‍රමසිංහ ගෙන බෙදුම්වාදී වැඩ පිලිවලට එරෙහිවය.
දැන් අපි සිටින්නේ 2024 ය. වඩා smart හා පුළුල් හා දේශපාලන ප්‍රතිසංස්කරණයක් මගින් මේවාට විසඳුම් ලබාදිය හැකිය. ඒ ගැන අවධානය යොමුකර සිදු කරන ඕනෑම කට යුත්තකදී නව ජනපති තුමාට හැකි සෑම සහයක්ම ලබාදීමට අපේක්ෂා කරමු.
දැන්වත් අපේ රට නිසි මාවතකට වැටෙවා. ආර්ථික අර්බුදය නිමවී නැතුවුවද, දැනට අපේ රට යම් ස්ථාවරයක ඇත. වත්මන් විදෙස් සංචිත හා විනිමය අනුපත මට්ටම පහලින් පලකොට මෙය මින් ඉදිරියට ගෙනයාමට නව ජනපතිතුමාගෙ පාලනයට හැකිවේවා යැයි පතමු.
එසේම නව ජනපතිගේ සාධනීය ප්‍රතිසංස්කරණ වලට කඩාකප්පල්කාරී අකුල් හෙලීම් නොකරන මෙන් විශේෂයෙන් රාජ්‍යය නිලධාරීන්ගෙන් හා අලුත් විපක්ශ කණ්ඩායම් වලින් ඉල්ලා සිටිමු.
- වෛද්‍ය රුවන් ජයසුරිය
සම්බන්ධිත පුවත් | Related News
ප්‍රධාන පුවත්
සර්වඥ ධාතුන් වහන්සේලා අළෙවි කළ නොහැකියි... වෙසක් සතියේ ධාතු වෙන්දෙසිය වහා නවත්වන්න. ඉන්දියාවට බාර දෙන්න.
මෙතෙක් ප්‍රකාශිත ප්‍රතිඵල මෙන්න
විවෘත වරෙන්තු පිට සිටි, හිටපු රාජ්‍ය ඇමති ප්‍රසන්න අධිකරණයට භාරවෙයි
ඉන්දීය ජෙට් යානා දෙකකට සහ ඩ්‍රෝන යානයකට ප්‍රහාර එල්ල කළා - පාකිස්ථාන හමුදා මාධ්‍ය ප්‍රකාශක කියයි
පළාත් පාලන ආයතන ඡන්ද විමසීම ඇරඹෙයි
දේශීය ඖෂධ කර්මාන්තය බිඳවැටෙන අවදානමක් - ඇමති නලින්දගේ හැසිරීම ගැන සංගම් තුනකින් විරෝධය..
දැඩි බෞද්ධ විරෝධය මැද ශාක්‍යයන්ට අයත්ව තිබූ බෞද්ධ ධාතු හොංකොංවලදී වෙන්දෙසි කිරීමේ සූදානමක්..
ජවිපෙ අත්හැරපු ඉන්දියන් විරෝධී සටන විජේවීරගේ පුතා අතට ගනී.. (වීඩියෝ)
අනුර - මෝදි ගිවිසුම්වලින් රටේ ආරක්ෂාවට දැඩි තර්ජනයක් එල්ලවිය හැකියි - වෛද්‍ය අනුලා විජේසුන්දර (වීඩියෝ)
අනුර - මෝදි අත්සන් කළ ගිවිසුම් රටේ ව්‍යවස්ථාවට සහ ජාත්‍යන්තර සම්මුතීන්ට පටහැනියි... ජනාධිපති ලේකම් වගකීම් පැහැරහැරියා - වෛද්‍ය වසන්ත බණ්ඩාරගෙන් චෝදනා (වීඩියෝ)
අනුර සමග හොර ගිවිසුම් අත්සන් කිරීමට විරෝධය දක්වා ජාතික සංවිධාන විසින් ඉන්දීය මහාකොමරිස් කාර්යාලයට මහජන පෙත්සම භාර දුන් අවස්ථාව (වීඩියෝ)
ආණ්ඩුව ඉන්දියාව සමග ගිවිසුම් අත්සන් කර ඇත්තේ රටේ ස්වාධීනත්වයට, නීතියට සහ ආණ්ඩුක්‍රම ව්‍යවස්ථාවට පටහැනි ලෙසයි - නීතිඥ මධුමාලි අල්විස් (වීඩියෝ)
ඉන්දියාව සමග ආණ්ඩුව අත්සන් කළ ගිවිසුම් නීති විරෝධීයි.. ඒ ගිවිසුම්වලින් රටේ ස්වෛරීත්වය පාවා දීලා - ආචාර්ය ගුණදාස අමරසේකර (වීඩියෝ)
ඉන්දියාවත් එක්ක ගැසූ හොර ගිවිසුම් ගැන කරුණු කියන්න ජනපති ලේකම් කාර්යාලයට ගිය ජාතික සංවිධාන නියෝජිතයන්ට කුඩම්මාගේ සැලකිලි..
අනුර සමග හොර ගිවිසුම් අත්සන් කිරීමට විරෝධය දක්වා ජාතික සංවිධාන විසින් ඉන්දීය මහාකොමරිස් කාර්යාලයට පෙත්සමක් භාරදෙයි..
ඉන්දියාව අසල්වාසී රාජ්‍යයක් මිස ලොකු අයියා නොවෙයි.. ඉන්දියාවේ උපකාර පිටුපස සැඟවුණු යටි අරමුණු වටහාගත යුතුයි - මහාචාර්ය පූජ්‍ය ඉඳුරාගාරේ ධම්මරතන හිමි (වීඩියෝ)