ජනාධිපති පුටින්ගේ දැවැන්ත ජයග්‍රහණය බටහිර මැදිහත්වීමේ අසාර්ථක බව සනාථ කරනවා - ශ්‍රී ලංකාවේ රුසියානු තානාපති ලිවාන් එස් දගාරියන්

Mar 21, 2024 at 01:43 PM

|

Lanka Leader

(ද අයිලන්ඩ් පුවත්පතේ ඊයේ(20) දින පළ වූ, ශමින්ද්‍ර ෆර්ඩිනැන්ඩෝ  විසින් මෙරට රුසියානු තානාපති ලිවාන් එස් දගාරියන් මහතා සමග පැවැත් වූ සම්මුඛ සාකච්ඡාවේ සිංහල පරිවර්තනය - පරිවර්තනය කළේ, ජීවන්ත ජයතිස්ස)

ශ්‍රී ලංකාවේ රුසියානු තානාපති ලිවාන් එස් දගාරියන් ඊයේ (20) පළවූ "දි අයිලන්ඩ් පුවත් පත" සමඟ සම්මුඛ සාකච්ඡාවකට එක් වෙමින් පවසා සිටියේ යුක්‍රේන යුද්ධය පදනම් කර ගනිමින් රුසියානු ජනාධිපතිවරණයේ ප්‍රතිඵලයට බලපෑම් කිරීමට එක්සත් ජනපදය ගනු ලැබූ සියලු ප්‍රයත්නයන් සහමුලින්ම අසාර්ථක වූ බව පසගියදා  අවසන් වූ රුසියානු ජනාධිපතිවරණයෙන් වත්මන් නායක ව්ලැඩිමීර් පුටින් දැවැන්ත ජයග්‍රහණයක් ලබා ගැනීම මගින් ඔප්පු කළ බවයි.

ශ්‍රී ලංකාව ඇතුළු විවිධ රටවල මැතිවරණ වලදී සිදුවන බාහිර කූටෝපායන් සම්බන්ධයෙන් සඳහන් කළ රුසියානු තානාපතිවරයා, බටහිර අපේක්ෂාවන්ට පටහැනිව රුසියානු ඡන්දදායකයින් ඔවුන්ගේ වත්මන් ජනාධිපතිවරයාට සහය දැක්වීම සඳහා ඔවුන්ගේ ඡන්ද බලය පාවිච්චි කළ බව අවධාරණය කළේය.

රුසියානු නායකයාට වසර හයක නැවුම් ධූර කාලයක් ලබා දුන් පෙර නොවූ විරූ ජයග්‍රහණය සහ රුසියානු යුක්‍රේන ගැටුම සම්බන්ධයෙන් අදහස් පළ කරමින්,“ රුසියාව සිදු කරන්නේ යුක්රේනයට එරෙහි යුද්ධයක් නොවේ. එම යුද්ධය යුක්රේනයේ වියදමින් යුක්රේන භූමියේ රුසියාව සහ සාමූහික බටහිර අතර යුද්ධයක්. යුක්රේනය රුසියාව පරාජය කිරීමට ලීවරයක් ලෙස භාවිතා කරනවා." යනුවෙන් පැවසීය.

රුසියාව යටපත් කිරීමේ මිල අධික නමුත් ව්‍යසනකාරී බටහිර ව්‍යාපෘතිය සම්බන්ධයෙන් රුසියානු ජනතාව එකඟ නොවන නිසා ජනතාව පුටින් ජනාධිපතිවරයා වටා රොක් වූ බව තානාපතිවරයා අවධාරණය කළේය.

බටහිර රාජ්‍යන් විසින් ප්‍රකාශ කරන ලද සැක මුසු කළ ව්‍යාජ මත බැහැර කරමින් රුසියානු තානාපතිවරයා “බටහිර රටවල ජනාධිපති පුටින් තරම් ජනප්‍රිය නායකයින් කිසිවෙක් නැහැ. එය සැම දෙනාම දන්නවා. රුසියාව ගත් ස්ථාවරයට ගෝලීය දකුණේ සහ එක්සත් ජනපදයේ සහ යුරෝපයේ සාමාන්‍ය ජනයාගේ ප්‍රතිචාරය ඉතා ඉහළයි.අපි බහු ධ්‍රැවීය ලෝකයක් සඳහා පෙනී ඉන්නවාඅ. රුසියාව සහ එක්සත් ජනපදය අතර විශාල වෙනස එයයි," යනුවෙන් පැවසීය.

ගෝලීය දකුණ එනම් ආසියාව, අප්‍රිකාව සහ ලතින් ඇමරිකාව සම්බන්ධයෙන් අදහස් දක්වමින් රුසියානු තානාපතිවරයා පැවසුවේ රුසියාව ගෝලීය දකුණ සමඟ හොඳ සබඳතාවක් පවත්වාගෙන යන බවත් ඔවුන් බටහිර ආධිපත්‍යය ප්‍රතික්ෂේප කරන බවත්ය. පසුගිය ජූලි මාසයේදී ශාන්ත පීටර්ස්බර්ග් හි පැවති රුසියානු-අප්‍රිකා සමුළුවේ ඇති මුලික වැදගත්කම අවධාරනය කරමින්,රුසියානු තානාපතිවරයා ප්‍රකාශ කළේ රුසියාව සහ අප්‍රිකානු ජාතීන් අතර දේශපාලන, ආරක්ෂාව, ආර්ථික සබඳතා, විද්‍යාව, තාක්ෂණය, සහ සංස්කෘතික හා මානුෂීය ක්ෂේත්‍ර  ඇතුළු සමාජයේ සෑම ක්ෂේත්‍රයකම විස්තීර්ණ හා සමාන සහයෝගීතාව වැඩි දියුණු කිරීමට අදහස් කරන බවයි. .

බටහිර මාධ්‍ය සහ වෙනත් විවිධ  පාර්ශ්ව විසින් පවසන පරිදි යුක්රේනයේ රුසියාව සහ බටහිර අතර යුද්ධය රුසියානු ආර්ථිකය දුර්වල කළේ දැයි නැගූ ප්‍රශ්නයට පිළිතුරු දෙමින් රුසියානු ආර්ථිකය ශක්තිමත් බව අවධාරණය කළේය. දළ දේශීය නිෂ්පාදිතය අනුව රුසියාව අංක 5 ස්ථානයට පත්ව ඇති අතර එක්සත් ජනපදය, චීනය, ඉන්දියාව සහ ජපානය ඔවුන්ට වඩා ඉදිරියෙන් සිටින බව තානාපතිවරයා පෙන්වා දුන්නේය. "යුරෝපයේ, අපි අංක එකේ ආර්ථිකය බවට පත්වී තිබෙනවා", බටහිර සම්බාධක ඔවුන්ගේ නායකයින් බලාපොරොත්තු වූ දේ සාක්ෂාත් කර නොගත් බවඅවධාරණය කරමින් තානාපතිවරයා පැවසීය.

රුසියාවට පැනවූ සම්බාධකවලින්  අපේක්ෂිත ප්‍රතිඵල අත්කර ගැනීමට බටහිරට නොහැකි වූ බව ප්‍රකාශ කළ තානාපතිවරයා, බටහිර සම්බාධක වලින් ශ්‍රී ලංකාව ද ප්‍රතිලාභ ලැබූ බව පැවසීය. “යුරෝපීය සම්බාධක හේතුවෙන් රුසියානුවන්ට යුරෝපයට යා නොහැකි වුනා. ඒ නිසා ඔවුන් තායිලන්තය, ඉන්දුනීසියාව, එක්සත් අරාබි එමීර් රාජ්‍යය, තුර්කිය, ශ්‍රී ලංකාව සහ ඉන්දියාව යන රටවල සංචාරය සඳහා තෝරා ගත්තා. සම්බාධක පැනවීමට තීරණය කළ අයට ශ්‍රී ලංකාව ද කෘතඥ විය යුතුයි.” තානාපතිවර්යා පැවසීය

2022 පෙබරවාරි අගදී ජනාධිපති පුටින් බටහිර 'බොරු අධිරාජ්‍යයක්' ලෙස හැඳින්වූ බව රුසියානු තානාපතිවරයා සිහිපත් කළේය. එලෙස කරනු ලැබුවේ ඔවුන්ගේ මූලෝපාය බොහෝ දුරට පදනම් විරහිත චෝදනා මත රඳා පැවතීම නිසා බව පැවසූ තානාපතිවරයා රුසියානු ජනාධිපතිවරණය අඩපණ කිරීමට ඔවුන් ගත් උත්සාහයන් පරාජය වූ පසු ජනාධිපති පුටින්ගේ අතිවිශිෂ්ට ජයග්‍රහණය සමච්චලයට ලක් කිරීමට උත්සාහ කර බව පෙන්වා දුන්නේය.

2003 දී එක්සත් ජනපදය ඉරාකය ආක්‍රමණය කිරීම සම්බන්ධයෙන් සඳහන් කළ ඔහු ජනාධිපති සදාම් හුසේන් සතුව "මහා විනාශකාරී අවි"  ඇති බවට අසත්‍ය ප්‍රකාශයන් පදනම් කරගනිමින් එලෙස ආක්‍රමණ්ය කළ බව ප්‍රකාශ කළේය. ඔවුන් මේ දක්වා අවම වශයෙන්  "මහා විනාශකාරී අවි" එකක්වත් සොයාගෙන තිබෙනවාද යනුවෙන් ප්‍රශ්න කළේය.

යුද අපරාධ සම්බන්ධයෙන් ශ්‍රී ලංකාවට වගවීම ඉල්ලා සිටින අතරවාරයේ ගාසා තීරයේ ඊශ්‍රායල ම්ලේච්ඡ හමුදා ප්‍රහාරයට එක්සත් ජනපදය ප්‍රමුඛ බටහිර ප්‍රතිචාර නොදැක්වීම ඔවුන්ගේ කුහකකම හෙළිදරව් කරන බව රුසියානු තානාපතිවරයා  අවධාරණය කළේය. 

රුසියාව සහ ශ්‍රී ලංකාව අතර සබඳතා පිළිබඳව අදහස් දක්වමින් තානාපතිවරයා 2022 ජූනි මාසයේදී කටුනායක ගුවන් තොටුපලේදි එරොෆ්ලොට්  ගුවන් යානය ගුවන්ගත කිරීමට ඉඩ නොදීම සම්බන්ධයෙන් සිය කනස්සල්ල නැවත අවධාරණය කළේය. එම සිදුවීම කිසිදු තත්වයක් යටතේ සාධාරණීකරණය කළ නොහැකි බව පෙන්වා දුන් තානාපතිවරයා සිදුවීම සම්බන්ධයෙන් කනස්සල්ල පළ කරන ව්‍ය්වස්ථාදයකයින්  ඇතුළු බොහෝ ශ්‍රී ලාංකිකයන් අගය කිරීමටද කටයුතු කළේය.

කෙසේ වුවද එරොෆ්ලොට් ගුවන් සේවය  2022 ඔක්තෝබර් මස නැවත සේවා ආරම්භ කිරීමෙන් පසු රුසියානුවන් 230,000 කට වැඩි පිරිසක් ශ්‍රී ලංකාවට පැමිණ ඇති බව පෙනවා දුන් රුසියානු තානාපතිවරයා ප්‍රකාශ කළේ ශ්‍රී ලංකාව එම වැරැද්ද නැවත නොකරනු ඇතැයි තමා අවංකවම බලාපොරොත්තු වන බව අවධාරණය කළේය.

රුසියාව, චීනය, ඉන්දියාව සහ බ්‍රසීලය විසින් 2006 දී දියත් කරන ලද BRICS සංවිධානයේ වර්ධනයෙහි  වැදගත්කම පිළිබඳව රුසියානු තානාපතිවර්යා සාකච්ඡාවේදී කරුණු දැක්වීය. 2011 දී දකුණු අප්‍රිකාව BRICS හා සම්බන්ධ වූ අතර එක්සත් අරාබි එමීර් රාජ්‍යය, ඉරානය, ඉතියෝපියාව සහ ඊජිප්තුව ඇතුළත් වීමත් සමඟ සමූහය තවදුරටත් පුළුල් වී ඇති බව තානාපතිවරයා පැවසුවේය.ලෝකයේ මුළු දළ දේශීය නිෂ්පාදිතයේ (DDP ) BRICS සාමාජිකයන්ගේ 2020 වසරේ ප්‍රතිශතයන් උපුටා දක්වමින්  මිලදී ගැනීමේ බල සමානාත්මතාවය (PPP) අනුව සංවිධානයේ ශක්තිය අවධාරණය කළේය.

තනාපතිවරයාට අනුව ජනාධිපති පුටින්ගේ ජයග්‍රහණය BRICS වෙත විශාල ශක්තියක් ලැබී තිබේ.

ශ්‍රී ලංකාව එක්සත් ජනපදය සමඟ යම් තරමකට පෙලගැසී ඇති බවට ඇති මතයට එරෙහිව රුසියාව ශ්‍රී ලංකාව සමඟ ඇති සබඳතාවේ තත්ත්වය පිළිබඳව අදහස් දක්වමින් තානාපතිවරයා කියා සිටියේ බටහිර රටවල් මෙන් රුසියාව දේශීය කටයුතුවලට මැදිහත් නොවන බවයි. "අපි මාර්ගගත ආරක්ෂණ පනත් කෙටුම්පත සහ අනෙකුත් ගැටළු පිළිබඳව අපගේ මතය ප්‍රකාශ කර නොමැති අතර දේශීය ගැටලුවලට මැදිහත් නොවන ලෙස අනෙකුත් රටවලින් ඉල්ලා සිටීමට කැමැත්තෙමු." යනුවෙන් පැවසීය.

 යුක්රේනය තුළ ප්‍රංශ පාබල හමුදාවන් යෙදවීමට සූදානම් බව ප්‍රංශ ජනාධිපතිවරයා පසුගියදා ප්‍රකාශ කිරීම සම්බන්ධයෙන් අදහස් දක්වමින් රුසියානු තානාපතිවරයා ප්‍රකාශ කළේ ඒ වෙනුවට ප්‍රථමයෙන් ප්‍රංශ ගොවි ප්‍රජාව විසින් මතු කරන ගැටලුවලට විසඳුම් ලබාදිය යුතු බවත් පැරිස් සහ අනෙකුත් ප්‍රංශ නගරවලින් කුණු ඉවත් කළ යුතු බවත්ය.

යුක්රේනය ඇතුළු විවිධ ප්‍රශ්න සම්බන්ධයෙන් මෙතෙක් දැක්වූ සමබර මධ්‍යස්ථ ප්‍රතිපත්තිය  ශ්‍රී ලංකාව දිගටම පවත්වාගෙන යනු ඇතැයි රුසියාව අපේක්ෂා කරන බව තානාපතිවරයා පැවසීය. ශ්‍රී ලංකාව සමඟ කටයුතු කිරීමට රුසියාව සූදානම් බව පැවසූ තානාපතිවරයා, කවුරුන් දේශපාලන බලය දැරුවද ශ්‍රී ලංකාව සමඟ කටයුතු කිරීමට සූදානම් නමුත් කොළඹපරිපාලනය මධ්‍යස්ථ ප්‍රතිපත්තියක් අනුගමනය කිරීමේ වැදගත්කම අවධාරණය කළේය.

"බටහිර රටවල දැඩි බලපෑම් මධ්‍යයේ වුවද ශ්‍රී ලංකාව එක්සත් ජාතීන්ගේ සංවිධානයේදී රුසියාවට එරෙහිව ඡන්දය දීමෙන් වැළකී සිටියා. ඉන්දියාව ද යුක්රේන ප්‍රශ්නයේදී පාර්සහවයකට නතුව කටයුතු කිරීම ප්‍රතික්ෂේප කළා. අපි කැමතියි ශ්‍රී ලංකාව මිත්‍රශීලී රටවල් අතරට සිටිනවා දකින්න." තානාපතිවර්යා පැවසුවේය.

නවදිල්ලිය එක්සත් ජනපදය ප්‍රමුඛ ‘ක්වාඩ්’ සංවිධානයට එක්වීමේ පසුබිමට එරෙහිව රුසියාව-ඉන්දියා සබඳතා පිළිබඳව අදහස් දක්වමින් තානාපතිවරයා පැවසුවේ දෙරට ශක්තිමත් සබඳතා පවත්වාගෙන යන බවයි. රුසියාවට එරෙහි සම්බාධකවලට සම්බන්ධ නොවීම නිසා ඉන්දියාවට වාසි වූ බව පැවසූ තානාපතිවරයා චීනය මෙන්ම ඉන්දියාව ද රුසියානු තෙල් ප්‍රධාන ආනයනකරුවෙක් වූ බවත් ඉන්දියාව වෙනත් රටවල් සමඟ සබඳතා පවත්වමින් මොස්කව් පරිපාලනය සමඟ කටයුතු කිරීම අගය කරන බව පෙන්වා දුන්නේය.

එක්සත් ජනපදය සහ අනෙකුත් නේටෝ රටවල් ඇෆ්ගනිස්ථානය අතහැර දැමූ ආකාරය සිහිපත් කරමින්,තානාපතිවරයා කියා සිටියේ ඇෆ්ඝනිස්ථානය රැක ගන්නා බවට පොරොන්දු වී බටහිර බලවතුන් කාබුල් නගරයෙන් පලා ගිය ආකාරය මුළු ලෝකයම තේරුම් ගත්තද යුක්රේනය පාඩමක් ඉගෙන ගෙන නොමැති බව අවධාරණය කළේය.

කියෙව් වෙත පියාසර කළ  එක්සත් රාජධානියේ හිටපු අගමැති බොරිස් ජොන්සන්ගේ මැදිහත්වීම  හේතුවෙන්  යුද්ධය දිගටම කරගෙන යාමට යුක්‍රේනයේ රූකඩ පාලනය තල්ලු නොකළේ නම් යුක්රේන යුද්ධය වළක්වා ගත හැකිව තිබූ බව රුසියානු තානාපතිවරයා පැවසීය. එසේ නොවුණා නම් සාම ගිවිසුමක් අත්සන් කිරීමට තුර්කිය ගත් උත්සාහය සාර්ථක වීමට ඉඩ තිබූ බවද තානාපතිවරයා  පැවසීය.

NEWSPrez Putin’s massive victory proves failure of Western intervention – Russian envoy