ජනපතිගේ කාලය දිගුකර ගැනීමේ සංශෝධණයක් සරල බහුතරයෙන් සම්මත කර කතානායක අත්සන් කලොත් මැතිවරණ සිතියම සදා කාලයට අතුරුදහන් කිරීමේ අවධානමක් - ගම්මන්පිල හෙළිකරයි
ජනපතිගේ කාලය දිගුකර ගැනීමේ සංශෝධණයක් සරල බහුතරයෙන් සම්මත කරලා කතානායක අත්සන් කලොත් අධිකරණය ඉදිරියේ අභියෝග කල නොහැකි නිසා මැතිවරණ සිතියම සදා කාලයට අතුරුදහන් කිරීමේ අවධානමක් මේතුල තිබෙනවා’ යයි පිවිතුරු හෙළ උරුමයේ නායක නීතිඥ උදය ගම්මන්පිල මහතා පවසයි.
ඒ මහතා මේ බව සදහන් කර සිටියේ පාර්ලිමේන්තුවේ පැවති කතානායකවරයාට එරෙහි විශ්වාසභංග යෝජනාව පිලිබද විවාදයට එක්වෙමිනි.
ඔහු එහිදී වැඩිදුරටත් මෙසේ අදහස් දැක්වීය.
‘වර්තමාන කතානායකවරයා නිහතමානි වැදගත් මහත්මයෙක් ලෙස අපි කාගේත් ගෞරවය දිනා ගත් පුද්ගලයෙක්. ඒ නිසා තමයි කිසිම තරගයකින් තොරව ආණ්ඩු පක්ෂයෙන් නම යෝජනා කරලා විපක්ෂයෙන් ස්ථිර කරලා සමස්ත පාර්ලිමේන්තුවම එකතු වෙලා එතුමාව කතානායක තනතුරට පත් වුණේ. ඒක දුර්ලභ අවස්ථාවක්. සාමාන්යයෙන් පරදින්න හරි විපක්ෂයෙන් අපේක්ෂකයෙක් ඉදිරිපත් කරනවා. මේ විශ්වාස භංග විවාදයෙන් පෙන්නුම් කරන්නේ එදා සමස්ත පාර්ලිමේන්තුවම එතුමා ගැන තිබූ විශ්වාසය දැන් භංග වෙලා කියන එකයි.
ඊයේ දවසේ ආණ්ඩුව පැත්තෙන් විශ්වාස භංග යෝජනාවට එරෙහිව තර්ක හතරක් ඉදිරිපත් කලා. පළමු තර්කය වුණේ ශ්රේෂ්ඨාධිකරණයේ තීන්දුවට පටහැනිව කතානායකතුමා කටයුතු කරලා නෑ කියන එක. දෙවන තර්කය වුණේ සුමන්තිරන් මන්ත්රිතුමාගේ මූලික අයිතිවාසිකම් නඩුව ඇසීම ප්රතික්ෂේප කිරීමෙන් තමන්ගේ තීන්දුවට පටහැනි යමක් පාර්ලිමේන්තුව කරලා නෑ කියලා ශ්රේෂ්ඨාධිකරණයත් පිලිගත්තා කියන එක. තුන්වන තර්කය වුණේ රටේ මෙතරම් ප්රශ්න තිබිය දී නැති ප්රශ්න මතු කරලා තිබෙන ප්රශ්න අමතක කරනවා කියන එක. හතරවෙනුව අපට බහුතරය තිබෙන නිසා අපි කොහොමත් අපේ කතානායක රකිනවා කියන එක. ලැබිලා තිබෙන සීමිත කාලය අනුව ඉතා කෙටියෙන් මේ තර්ක හතරටම පිලිතුරු දෙන්න අපි බලාපොරොත්තු වෙනවා.
කතානායකතුමා ශ්රේෂ්ඨාධිකරණ නිර්ණය උල්ලංඝණය කළා කියලා විපක්ෂයේ හැමෝම කිව්වත් උල්ලංඝණය කලේ කොහොමද කියලා කවුරුත් කියන්නේ නෑ. ඇත්තටම කතානායකතුමා උල්ලංඝණය කලේ කොහොමද කියලා අපි සොයා බලමු.
පනත් කෙටුම්පතේ 11(ඈ) වගන්තියේ සඳහන් ආකාරයට තහනම් ප්රකාශයක් ජනතාව දකින එක වැලැක්වීමට පියවර ගන්නා ලෙස කොමිසම විසින් අන්තර්ජාල සේවා සපයන්නන්ට නියෝග කරන්න පෙර මහෙස්ත්රාත් අධිකරණයෙන් නියෝගයක් ලබා ගත යුතු බවට ශ්රේෂ්ඨාධිකරණය තීන්දු කරලා තිබෙනවා. නමුත් ඒ සංශෝධනය පනතට ඇතුළු කරලා නෑ. ඒ වගේම ශ්රේෂ්ඨාධිකරණය විසින් 27(6) වගන්තිය ඇතුළු සෑම තැනකම සතියක් කල් දීලා තිබෙන තැන් වල දී සති දෙකක් හෝ ඊට වඩා වැඩි කාලයකට ඒක සංශෝධනය කරන මෙන් උපදෙස් දීලා තිබුණත් ඒකට අනුගත වෙලා නෑ. මේ වගේ අවස්ථා ගණනාවක් පනත පුරා දකින්න පුළුවන්.
ශ්රේෂ්ඨාධිකරණය ඉතා පැහැදිලිව කියලා තිබෙනවා ශ්රේෂ්ඨාධිකරණය යෝජනා කරන දේ නොකර ඉන්න පුළුවන්. නමුත් එහෙම නම් සම්මත කර ගන්න තුනෙන් දෙකේ බහුතරය ඕනි. සංශෝධනයත් නොකර තුනෙන් දෙකේ බහුතරයත් නැතිව තමයි මම කලින් කිව්ව වගන්ති දෙක සම්මත කර ගත්තේ. මේ ගැන විපක්ෂය පෙන්වා දුන්නත් කතානායකතුමා ඒක නොසලකා හැරියා. ඔන්න ඔහොමයි කතානායකතුමා ශ්රේෂ්ඨාධිකරණ තීන්දුව කඩ කලේ.
එහෙම නම් මේ පිළිබඳ සුමන්තිරන් මන්ත්රිතුමා ඉදිරිපත් කළ මූලික අයිතිවාසිකම් පෙත්සම ශ්රේෂ්ඨාධිකරණය විසින් ප්රතික්ෂේප කලේ ඇයි? කතානායකතුමා ශ්රේෂ්ඨාධිකරණ නියෝගය කඩ නොකළ නිසා ද? නෑ. නීතිමය බාධාවන් නිසා. එක පැත්තකින් මූලික අයිතිවාසිකම් නඩු දාන්න පුළුවන් ආණ්ඩුවට නැතිනම් විධායකයට එරෙහිව. කතානායක ව්යවස්ථාදායකයේ ප්රධානියා මිස විධායකයේ කොටසක් නොවේ. අනිත් පැත්තෙන් ලෝකයේ බොහෝ රටවල ආණ්ඩුක්රම ව්යවස්ථාවේ විධිවිධානයක් තිබෙනවා සම්මත වුණු පනතක් ව්යවස්ථාවට පටහැනි නම් ඒක අධිකරණයේ අභියෝගයට ලක් කරන්න පුළුවන්. අපි ඒකට පෝස්ට් ජුඩීෂල් රිවිව් කියලා කියනවා. නමුත් අපේ රටේ ඒක නෑ. ව්යවස්ථාවේ 80 වගන්තිය කියනවා, කතානායකවරයා යම් නීතියක් යථා පරිදි සම්මත වුණු බවට සහතිකයක් නිකුත් කලාට පස්සේ ඒක අධිකරණයේ අභියෝගයට ලක් කරන්න බෑ කියනවා. අපේ ව්යවස්ථාවේ කතා නායක පුටුවේ වාඩිවෙන පුද්ගලයාගේ අපක්ෂපාතීත්වය පිළිබද නීති ගරුකත්වය පිළිබද විශ්වාස තබලයි ඒ වගන්තිය දාල තියෙන්නේ. කතානායකතුමා කඩ කරලා තියෙන්නේ මේ පාර්ලිමේන්තුවේ විශ්වාසය විතරක් නෙවෙයි. ව්යවස්ථාව විසින් එතුමාගේ කර මත පටවපු විශ්වාසයද එතුමා කඩ කරලා.
ඒ වගේම පාර්ලිමේන්තුවේ කටයුතු වලට අධිකරණය මැදිහත් වීමට උත්සාහ කළ අවස්ථා ගණනාවක දී හිටපු කතානායක අනුර බණ්ඩාරනායක මැතිතුමා ලබා දුන් තීන්දුවක් උපුටා දක්වමින් කතානායකවරු ඒ නියෝගය පිලි ගැනීම ප්රතික්ෂේප කරනවා.
මෙන්න මේ හේතු මත ශ්රේෂ්ඨාධිකරණය මේ ගැටළුවට මැදිහත් වීම ප්රතික්ෂේප කලා මිස කතානායක විසින් ශ්රේෂ්ඨාධිකරණ නියෝගය කඩ කරලා නෑ කියන ස්ථාවරය ගත්තේ නෑ.
තුන්වන තර්කය තමයි අපිට බහුතරය තිබෙනවා. ඒ නිසා අපි කොහොමත් අපේ කතානායක රකිනවා කියන එක. ආණ්ඩුවේ ඔන්න ඔය මානසිකත්වය තමයි බාල බෙහෙත් ජාවාරමේ දී ආණ්ඩුවයි කෙහෙලිය රඹුක්වැල්ල ඇමතිවරයායි දෙන්නාවම විනාශ කලේ. විපක්ෂයෙන් කෙහෙලිය ඇමතිවරයාට එරෙහිව විශ්වාස භංග යෝජනාවක් ගෙනාවාම ආණ්ඩුව අපිට බහුතරය තිබෙනවා කියලා ඇමතිවරයා රැක්කා. නමුත් විවාදය පුරා විපක්ෂය ඉදිරිපත් කරපු කරුණු අහලා සමාජයේ දැවැන්ත කම්පනයක් ඇති වුණා. ඒ කම්පනය නිසා තමයි ඉතිහාසයේ ප්රථම වතාවට කැබිනට් ඇමතිවරයෙකු අත්අඩංගුවට ගන්න පොලිසියට ධෛර්රයක් ආවේ. කැබිනට් ඇමතිවරයෙකු රක්ෂිත බන්ධනාගාර ගත කරන්න කියන්න නීතිපතිට ධෛර්රරයක් ආවේ. ඉතිහාසයේ ප්රථම වතාවට අධිකරණය විසින් කැබිනට් ඇමතිවරයෙකු රක්ෂිත බන්ධනාගාර ගත කරන්නේ. ඒ නිසා ඔලුගෙඩි අපි ගාව වැඩි කියලා ආණ්ඩුව උද්දච්ච ස්වරයෙන් කතාකලත් සමාජයේ මහා පිපිරීමක් වුනා.
මෙදා පාරත් තමන්ගේ බහුතරය පෙන්නල කතානායකතුමන් රැකගන්නට ආණ්ඩුව හැදුවොත් මේ හෙළුව බහුතරය මගින් වසාගනන්ට හැදුවොත් මේ පාර්ලිමේන්තුව පිළිබඳ පාර්ලිමේන්තු ක්රමය පිළිබඳ මන්ත්රීවරුන් පිළිබද ජනතාවගේ තිබෙන විශ්වාසය පුපුරා ගිහින් ජනතාව ප්රචණ්ඩත්වයට යොමු වීමේ අවදානමක් තියෙනවා කියන අනතුරු ඇඟවීම අපි ආණ්ඩුවට කරනවා.
ඒ වගේම ප්රශ්න ඕනෑතරම් තිබියදී නැති ප්රශ්න ඇති කිරීමක් විදිහටත් ආණ්ඩුව මේ ගැන කිව්වා. මේ ප්රශ්නය අතිශයින්ම භයානකයි. ව්යවස්ථාව අනුව ජනපතිවරණය පාර්ලිමේන්තු මැතිවරණය කල් දමන්න ජනමත විචාරණයක් අවශ්යයි. ඒ සම්බන්ද සංශෝධණයක්, ජනපතිගේ කාලය දිගුකර ගැනීමේ සංශෝධණයක් මේ ආකාරයට සරල බහුතරයෙන් සම්මත කරලා කතානායක අත්සන් කලොත් අධිකරණය ඉදිරියේ අභියෝග කල නොහැකි නිසා මැතිවරණ සිතියම සදා කාලයට අතුරුදහන් කිරීමේ අවධානමක් මේතුල තිබෙනවා. මේ නිසා ප්රජාතන්ත්රවාදයට ආදරය කරන සියලු දෙනා කථානායකවරයාට එරෙහි විශ්වාසභංගයට සහය පල කල යුතු බව මා සිහිපත් කරනවා.
– Media unit
සම්බන්ධිත පුවත් | Related News
ප්රධාන පුවත්
සුරේෂ් සලේගේ බිරිඳගෙන් CID අධ්යක්ෂ ශානිට ලිපියක්..
මේ පිරිමහන්නේ නන්දිකඩාල් පරාජයේ වෛරයයි.. මාලිමාවේ ඊබ්රාහිම් නිදොස් කොට රණවිරු සලේ පාස්කු පාස්කු ප්රහාරයේ “කුරුසය” මත තබා ඇන ගසන්නට ඉඩ නොදෙනු! - විමල්ගෙන් සටහනක්
සලේ වෙනුවෙන් අද සිට අඛණ්ඩ සත්යග්රහයක්..
සුරේෂ් සලේ රෝගී තත්ත්වයකින් කොළඹ ජාතික රෝහලට..
වීදුරු ගෙවල් වල හිඳිමින් අනුන්ට ගල් ගහන්න එපා!- ශ්රී ලංකාවේ රුසියානු තානාපතිගෙන් ශ්රී ලංකාවේ යුරෝපා සංගමයේ නියෝජිතයන්ට අවවාදයක්
යාපනයේ ජාතිවාදය අවුස්සන හැටි මෙන්න.. ආණ්ඩුව මොකද කියන්නේ? - අරුන් සිද්ධාර්ත්
ආණ්ඩුවේ ආයුෂ උතුරු නැගෙනහිර පළාත් සභා ඡන්දය තියන තුරු විතරයි.. - වෛද්ය වසන්ත බණ්ඩාර
මනෝගෙන් අතිශය ආන්දෝලනාත්මක ප්රකාශයක්..- පළාත් සභා උභතෝකෝටිකය!
මහ බැංකුව වගකීම් විරහිත ආයතනයක් වෙලා.. මහ බැංකු අධිපති පැනල යන බව කළින් කියා පැනල යයිද? - විමල් ප්රශ්න කරයි..
ඇමරිකා අලුත් බද්දෙන් ලංකාව අමාරුවේ..- ලංකා වාණිජ මණ්ඩලය
මහා සංඝරත්නයට, සම්බුද්ධ සාසනයට ද්වේෂසහගතව අගෞරව කිරීම පිළිබඳව කුප්රකට
ගම්මන්පිල සහ ඉන්දීය නීති සමාගමේ පාලන හවුල්කරු සුරනා අතර හමුවක්.. සාකච්ඡාව පිටුපස සැඟවුනු ඉන්දීය න්යාය පත්රයක් තිබුනාද?
චීනය සහ ශ්රී ලංකාව දේශසීමා හරහා සිදුවන මාර්ගගත සූදු හා විදුලි සංදේශ වංචා මර්දනය කිරීමට දැඩිව එක්ව ක්රියා කරනවා!-ශ්රී ලංකාවේ චීන තානාපති කාර්යාලය
චීන ජනපති ලබන සතියේදී උතුරු කොරියාවේ සංචාරයකට සැරසෙයි..
සිංහල ජාතිකවාදී රාජ්ය ජාතිය ආගම පදනම්කර ගෙන වර්ග සංහාරයක් සිදුකළා.. දෙමළ ජනතාවට එරෙහිව වර්ග සංහාරයක් සිදුකළා කියලා උතුරු පළාත් සභා ප්රකාශනයෙන් කියවෙනවා.. - ජීවන්ත පීරිස් පූජකවරයා යළිත් කියයි..
භාණ්ඩාගාර කොල්ලය ගැන භාණ්ඩාගාර වාර්ෂික වාර්තාවේ කිසිම සඳහනක් නෑ.. - රජිත් කීර්ති තෙන්නකෝන්