චීනය සහ ශ්‍රී ලංකාව දේශසීමා හරහා සිදුවන මාර්ගගත සූදු හා විදුලි සංදේශ වංචා මර්දනය කිරීමට දැඩිව එක්ව ක්‍රියා කරනවා!-ශ්‍රී ලංකාවේ චීන තානාපති කාර්යාලය
ශ්‍රී ලංකාවේ චීන තානාපති කාර්යාලය නිවේදනයක් නිකුත් කරමින් පවසා සිටින්නේ එක්සත් ජාතීන්ගේ මත්ද්‍රව්‍ය හා අපරාධ පිළිබඳ කාර්යාලය (UNODC) ද පෙන්වා දෙන ආකාරයට මාර්ගගත වංචා මධ්‍යස්ථාන අග්නිදිග ආසියාවේ සිට අනෙකුත් කලාප වෙත ව්‍යාප්ත වෙමින් පවතින බවයි. එලෙසම අපරාධ ජාල මිනිස් ජාවාරම් සමඟ වඩාත් සංකීර්ණ ලෙස සම්බන්ධ වෙමින් ඇති බවද එම නිවේදනය පවසයි.එලෙසම චීන ජාතිකයන් මෙම අපරාධවල ප්‍රධාන ගොදුරු කණ්ඩායම් අතර සිටින බවද තහවුරු වී තිබෙන බවද එම නිවේදනය මගින් පවසයි.
එලෙසම දේශසීමා හරහා සිදුවන සූදු පිළිබඳ චීන රජයේ ස්ථාවරය පැහැදිලි හා ස්ථිර එකක් බව පවසන එම නිවේදනය චීන ප්‍රාග්ධනය විදේශීය කැසිනෝ සඳහා ආයෝජනය කිරීම තහනම් කර ඇති බව අවධාරණය කරයි. චීන පුරවැසියන්ට විදේශීය කැසිනෝවල මෙහෙයුම්වලට සහභාගී වීමද තහනම් කර ඇති බව පවසන එම නිවේදනය විදේශීය කැසිනෝ ක්‍රීඩාව පවත්වාගෙන ආයතන වලට චීන පුරවැසියන් සූදුවට ආකර්ෂණය කිරීමද තහනම් බව අවධාරණය කරයි. චීන තානාපති කාර්යාලය නිකුත් කළ සම්පූර්ණ මාධ්‍ය නිවේදනය පහතින්...
චීනය සහ ශ්‍රී ලංකාව දේශසීමා හරහා සිදුවන මාර්ගගත සූදු හා විදුලි සංදේශ වංචා මර්දනය කිරීමට දැඩිව එක්ව ක්‍රියා කරමින්, නීති ක්‍රියාත්මක කිරීමේ හා ආරක්ෂක සහයෝගිතාව තවදුරටත් ශක්තිමත් කරයි
පසුගිය වසර කිහිපය තුළ දේශසීමා හරහා සිදුවන මාර්ගගත සූදු හා විදුලි සංදේශ වංචා ලොව පුරා නිරන්තරයෙන් වර්ධනය වී ඇති අතර, ඒවා ජාත්‍යන්තර සංවිධානාත්මක අපරාධවල සාමාන්‍ය තත්වයක් බවට පත්ව තිබේ. මෙවැනි අපරාධවල අපරාධකරුවන්, ගොදුරු කණ්ඩායම් සහ මෙහෙයුම් ප්‍රදේශ සියල්ලම ජාත්‍යන්තර වශයෙන් දැඩිව බැඳී ඇති ස්වභාවයක් පෙන්වයි. එක්සත් ජාතීන්ගේ මත්ද්‍රව්‍ය හා අපරාධ පිළිබඳ කාර්යාලය (UNODC) ද පෙන්වා දී ඇත්තේ මෙම වංචා මධ්‍යස්ථාන අග්නිදිග ආසියාවේ සිට අනෙකුත් කලාප වෙත ව්‍යාප්ත වෙමින් පවතින අතරම අපරාධ ජාල මිනිස් ජාවාරම් සමඟ වඩාත් සංකීර්ණ ලෙස සම්බන්ධ වෙමින් ඇති බවයි. චීන ජාතිකයන් මෙම අපරාධවල ප්‍රධාන ගොදුරු කණ්ඩායම් අතර සිටින බවද තහවුරු වී තිබේ.
දේශසීමා හරහා සිදුවන සූදු පිළිබඳ චීන රජයේ ස්ථාවරය පැහැදිලි හා ස්ථිර එකකි. චීන ප්‍රාග්ධනය විදේශීය කැසිනෝ සඳහා ආයෝජනය කිරීම තහනම් කර ඇත. චීන පුරවැසියන්ට විදේශීය කැසිනෝවල මෙහෙයුම්වලට සහභාගී වීමද තහනම් කර ඇත. එමෙන්ම විදේශීය කැසිනෝ ක්‍රීඩාව පවත්වාගෙන ආයතන වලට චීන පුරවැසියන් සූදුවට ආකර්ෂණය කිරීමද තහනම්ය. සූදුව බොහෝ විට මූල්‍ය විනාශයකට මඟ පාදයි. දේශසීමා හරහා සිදුවන සූදු ක්‍රියාකාරකම් හේතුවෙන් දස දහස් ගණනක් චීන පුරවැසියන්ට දේපළ හානි මෙන්ම ශාරීරික හානි ද සිදුව ඇත. එවැනි ක්‍රියාකාරකම් වංචා, මුදල් විශුද්ධිකරණය, පැහැර ගැනීම්, නීති විරෝධී රඳවා තැබීම්, මිනිස් ජාවාරම්, නීති විරෝධී දේශසීමා තරණය කිරීම වැනි අනෙකුත් අපරාධ හා නීති විරෝධී ක්‍රියා සඳහා ද හේතු විය හැකිය. මේ වන චීන අපරාධ නීතියේ නව සංශෝධන මගින් දේශසීමා හරහා සිදුවන සූදු ක්‍රියාකාරකම් අපරාධ ලෙස ප්‍රකාශයට පත් කර ඇත.
අපරාධ ක්‍රියාකාරකම්වල ව්‍යුහය ගැඹුරු වෙනස්කම්වලට ලක්වෙමින් පවතින අතර, සාම්ප්‍රදායික අපරාධ වේගයෙන් අන්තර්ජාලය හරහා ව්‍යාප්ත වෙමින් නව ආකාරයන් ගනිමින් තිබේ. විදුලි සංදේශ හා මාර්ගගත වංචා මූලික කරගත් නව අපරාධ ලෝක ජනයාට හිසරදයක් මෙන්ම ජාත්‍යන්තර නීති ක්‍රියාත්මක කිරීමේ හා පාලන පද්ධතිවලට ඇති විශාල අභියෝගයක් බවටද පත්ව තිබේ. මානව වර්ගයාගේ හවුල් අනාගතයක් සහිත ප්‍රජාවක් ගොඩනැගීමේ දැක්ම යටතේ, චීනය අන්තර්ජාතික විදුලි සංදේශ හා මාර්ගගත වංචා මර්දනය කිරීමේදී අදාළ පාර්ශ්ව සමඟ සැලකිය යුතු ප්‍රතිඵල අත් පත් කරගෙන ඇත.
පසුගිය වසරවලදී චීනය ස්පාඤ්ඤය, එක්සත් අරාබි එමීර් රාජ්‍යය, මියන්මාරය සහ කාම්බෝජය ඇතුළු රටවල් සමඟ නීති ක්‍රියාත්මක කිරීමේ සහයෝගිතාව ක්‍රියාත්මක කර ඇති අතර, එහි ප්‍රතිඵලයක් ලෙස විවිධ රටවල සිටි වංචා සැකකරුවන් විශාල සංඛ්‍යාවක් අත්අඩංගුවට ගෙන ආපසු ගෙන්වාගෙන ඇත. තවද, විදුලි සංදේශ හා මාර්ගගත වංචා මර්දනය සඳහා ජාත්‍යන්තර සන්ධානයක් පිහිටුවීමේ යෝජනාවද චීනය විසින් ඉදිරිපත් කර ඇති අතර, එමගින් සියලු පාර්ශ්ව සහ ජාත්‍යන්තර ප්‍රජාව එක්ව මෙම අපරාධ නිසා ඇතිවන පාලන අභියෝගවලට මුහුණ දීම හා සම්බන්ධීකරණය, පුළුල් සහභාගීත්වය සහ ඒකාබද්ධ ක්‍රියාමාර්ග මත පදනම් වූ නව ගෝලීය රාමුවක් ගොඩනැගීම ප්‍රවර්ධනය කිරීමට අපේක්ෂා කරයි.
මෙම වසර ආරම්භයේ සිට, මාර්ගගත සූදු, විදුලි සංදේශ වංචා සහ ඒවාට සම්බන්ධ අපරාධ කර්මාන්තවල නිරත පුද්ගලයන් වෙනත් රටවලින් ශ්‍රී ලංකාව වෙත සංක්‍රමණය වීමේ ප්‍රවණතාව ඉහළ යාමට ප්‍රතිචාර වශයෙන්, චීනය සහ ශ්‍රී ලංකාව ඒකාබද්ධ නීති ක්‍රියාත්මක කිරීමේ උත්සාහයන් තීව්‍ර කර ඇත.ශ්‍රී ලංකාවේ චීන තානාපති කාර්යාලය ශ්‍රී ලංකාවේ විදේශ කටයුතු, මුදල් හා මහජන ආරක්ෂක අමාත්‍යාංශ ඇතුළු අදාළ ආයතන සමඟ සන්නිවේදනය හා සම්බන්ධීකරණය ශක්තිමත් කර ඇති අතර, දෙරටේ නීති ක්‍රියාත්මක කිරීමේ ආයතන ප්‍රායෝගික සහයෝගිතාව තවදුරටත් ගැඹුරු කරමින් සිටී.
ශ්‍රී ලංකාවේ නීති ක්‍රියාත්මක කිරීමේ බලධාරීන් විසින් විමර්ශන සහ වැටලීම් රැසක් සිදු කර ඇති අතර, සූදු හා වංචා මධ්‍යස්ථාන ගණනාවක් විනාශ කර, රටවල් කිහිපයක පුරවැසියන් ඇතුළු විශාල සංඛ්‍යාවක් අත්අඩංගුවට ගෙන ඇත. වංචා සම්බන්ධ අපරාධවලට සම්බන්ධ චීන ජාතිකයන් කිහිප දෙනෙකු චීන පාර්ශ්වයට භාර දී තිබේ. එමගින් මෙවැනි ක්‍රියා වලට දැඩි වැළැක්වීමේ බලපෑමක් ඇති කර තිබේ. චීන මහජන ආරක්ෂක බලධාරීන් අදාළ නඩු විමර්ශනය හා නීතිමය කටයුතු ඉදිරියට ගෙන යාම සඳහා උපරිම උත්සාහ දරමින් සිටී.
විශේෂයෙන්ම ආගමන බලධාරීන් සහ පොලීසිය ඇතුළු ශ්‍රී ලංකාවේ විදේශ කටයුතු, මුදල් සහ මහජන ආරක්ෂක අංශ විසින් ගෙන ඇති වෙහෙසකර හා ඵලදායී ක්‍රියාමාර්ග චීන පාර්ශ්වය ඉතා ඉහළින් අගය කරයි.
ශ්‍රී ලංකාවේ මෑතකදී සූදු හා වංචා සම්බන්ධ අපරාධ ඉහළ යාම කලාපීය අපරාධ ජාලයන්ගේ ව්‍යාප්තියේ සෘජු ප්‍රතිඵලයකි. නැගෙනහිර හා අග්නිදිග ආසියාවේ ක්‍රියාත්මක සංවිධානාත්මක අපරාධ කණ්ඩායම් “වඩාත් දුරස්ථ සහ අවදානම් සහිත” කලාප වෙත මෙන්ම කලාපයෙන් පිටතටද ව්‍යාප්ත වෙමින් සිටී. වංචා මධ්‍යස්ථාන, භූගත බැංකු මෙහෙයුම් සහ නීති විරෝධී මාර්ගගත වෙළඳපොළවල් වැනි අපරාධ ක්‍රියාකාරකම් සම්බන්ධීකරණය වූ ආකාරයෙන් ව්‍යාප්ත වීමේ ලක්ෂණ පෙන්නුම් කරයි.
ශ්‍රී ලංකාවේ නීති විරෝධී සූදු, මාර්ගගත සූදු, විදුලි සංදේශ වංචා සහ ඒවාට සම්බන්ධ අපරාධ ව්‍යාප්තිය වහාම මැඩපැවැත්වීමට දැඩි පියවර නොගතහොත්, එම ක්‍රියාකාරකම් රටේ ජාත්‍යන්තර ප්‍රතිරූපයට දැඩි හානි සිදු කරනු ඇත. එමෙන්ම මහජන ආරක්ෂාව සහ සමාජ ස්ථාවරත්වය අඩපණ කරමින්, ශ්‍රී ලාංකික ජනතාවගේ ආරක්ෂාව, අවශ්‍යතා සහ සුරක්ෂිතභාවය පිළිබඳ හැඟීම බරපතළ ලෙස හානි කරනු ඇත.
ශ්‍රී ලංකාවේ සූදු හා වංචා සම්බන්ධ අපරාධ මර්දනය කිරීම, අදාළ සැකකරුවන් කඩිනමින් ආපසු භාර දීම සහ නීතිය අනුව වගකීමට ලක් කිරීම, එම අපරාධවලට පිටුපසින් සිටින අපරාධ, සංවිධාන හා මූල්‍ය ජාල විනාශ කිරීම සඳහා චීනය හා ශ්‍රී ලංකාව එක්ව කටයුතු කිරීම මගින් මෙම අපරාධවලට එරෙහිව වඩා ශක්තිමත් ආරක්ෂක පවුරක් ගොඩනැගිය හැකිය. එම සහයෝගිතාව දෙරටේ ජනතාවගේ ජීවිත, දේපළ හා නීත්‍යානුකූල අයිතිවාසිකම් ආරක්ෂා කිරීමට, මූල්‍ය ආරක්ෂාව හා සමාජ ස්ථාවරත්වය සුරක්ෂිත කිරීමට, ශ්‍රී ලංකාවේ නීති ක්‍රියාත්මක කිරීමේ සහ අධිකරණ සම්පත් අනවශ්‍ය ලෙස වැය වීම වැළැක්වීමට, සූදු හා වංචා ජාලයන්ගේ ව්‍යාප්තිය පාලනය කිරීමට සහ පිරිසිදු, ආරක්ෂිත හා සුන්දර ශ්‍රී ලංකාවක් ගොඩනැගීමට දායක වනු ඇත.
දේශසීමා හරහා සිදුවන සූදු හා වංචා සම්බන්ධ අපරාධ මර්දනය සහ පාලනය කිරීම ජාත්‍යන්තර ප්‍රජාව මුහුණ දෙන පොදු අභියෝගයකි. එය දිගුකාලීන හා දුෂ්කර කාර්යයක් ලෙස පවතී. ඉදිරියේදී චීන රජය ගෝලීය ආරක්ෂක මුලපිරීම සහ ගෝලීය ශිෂ්ටාචාර මුලපිරීම ක්‍රියාත්මක කිරීමත්, විදුලි සංදේශ හා මාර්ගගත වංචා මර්දනය සඳහා ජාත්‍යන්තර සන්ධානයක් පිහිටුවීම ප්‍රවර්ධනය කිරීමත් සිදු කරනු ඇත.
චීනය ශ්‍රී ලංකාව සහ අනෙකුත් රටවල් සමඟ ප්‍රායෝගික හා කාර්යක්ෂම නීති ක්‍රියාත්මක කිරීමේ සහ ආරක්ෂක සහයෝගිතාව තවදුරටත් ශක්තිමත් කරමින්, විදුලි සංදේශ හා මාර්ගගත වංචා අපරාධවලට දැඩිව එරෙහිව කටයුතු කරනු ඇත. එමෙන්ම දේශසීමා හරහා සිදුවන අපරාධ මර්දනය සඳහා නව රාමුවක් ගොඩනැගීමට ද එක්ව කටයුතු කරනු ඇත. එවැනි උත්සාහයන් දෙරටේ ජනතාවගේ ජීවිත හා දේපළ ආරක්ෂා කිරීම, ආර්ථික හා සමාජීය සංවර්ධනය ප්‍රවර්ධනය කිරීම සහ චීනය හා ශ්‍රී ලංකාව අතර විස්තීර්ණ ප්‍රායෝගික සහයෝගිතාව තවදුරටත් ගැඹුරු කිරීම සඳහා ආරක්ෂිත, ස්ථාවර සහ නීතිය මත පදනම් වූ පරිසරයක් නිර්මාණය කිරීමට උපකාරී වනු ඇත.
සම්බන්ධිත පුවත් | Related News
ප්‍රධාන පුවත්
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා