අලුත් පනතින් ජලභීතිකාව වැඩි වීමේ අවදානමක්.. – GMOA අනතුරු අඟවයි..
යෝජිත ‘ජල භීතිකා රෝගය තුරන් කිරීමේ සහ සුනඛයන් ලියාපදිංචි කිරීමේ පනත් කෙටුම්පත’ හි ඇතුළත් ඇතැම් ප්‍රායෝගික නොවන වගන්ති හේතුවෙන්, මෙරට දැනට සාර්ථකව ක්‍රියාත්මක වන ජාතික ජලභීතිකා මර්දන වැඩසටහන මුළුමනින්ම බිඳවැටීමේ බරපතළ තර්ජනයක් මතුව ඇති බව රජයේ වෛද්‍ය නිලධාරීන්ගේ සංගමය (GMOA) නිවේදනයක් නිකුත් කරමින් පෙන්වා දෙයි.
1970 දශකයේදී වසරකට 350ක් පමණ වූ මිනිස් ජලභීතිකා මරණ සංඛ්‍යාව පසුගිය වසර වන විට 14 දක්වා ශීඝ්‍රයෙන් අවම කර ගැනීමට හැකිවූයේ සෞඛ්‍ය අමාත්‍යාංශය මගින් ක්‍රියාත්මක කළ විධිමත් සුනඛ එන්නත්කරණ වැඩපිළිවෙළ නිසා බව එම සංගමය සඳහන් කරයි.
දැනට දිවයින පුරා පිහිටි සෞඛ්‍ය වෛද්‍ය නිලධාරී කොට්ඨාස 362ම ආවරණය වන පරිදි, සෞඛ්‍ය වෛද්‍ය නිලධාරීන්ගේ සහ මහජන සෞඛ්‍ය පරීක්ෂකවරුන්ගේ සෘජු අධීක්ෂණය යටතේ පුහුණු එන්නත්කරුවන් ලවා මෙම කටයුතු සිදුකෙරේ. එමගින් මේ වන විටත් සියයට 60කට ආසන්න එන්නත් ආවරණයක් ලබාගෙන ඇති අතර, නුදුරේදීම එහි සියයට 70ක ඉලක්කය සපුරා ගැනීමට ද නියමිතව තිබේ.
කෙසේ වෙතත්, නව පනත් කෙටුම්පත මගින් සුනඛ එන්නත්කරණය පශු වෛද්‍යවරයකුගේ සෘජු අධීක්ෂණය යටතේ පමණක් සිදුකළ යුතු බවට පනවා ඇති කොන්දේසිය ප්‍රායෝගික නොවන බව වෛද්‍ය නිලධාරීන්ගේ සංගමය අවධාරණය කරයි. රජයේ සේවයේ නියුතු පශු වෛද්‍යවරුන් සංඛ්‍යාව ඉතා සීමිත වීමත්, ඔවුන්ගේ ප්‍රමුඛ අවධානය ගොවිපළ සතුන් සහ පශු සම්පත් ක්ෂේත්‍රය වෙත යොමුව තිබීමත් හමුවේ, මෙම එන්නත්කරණ කටයුතු සඳහා සෘජු අධීක්ෂණය සැපයීමට ඔවුන්ට හැකියාවක් නැත.
මීට පෙර 2017 වසරේදී ද මෙම එන්නත්කරණ වැඩසටහන සත්ව නිෂ්පාදන හා සෞඛ්‍ය දෙපාර්තමේන්තුවට පැවරූ අවස්ථාවේදී, සියයට 60කට ඉහළින් පැවති එන්නත් ආවරණය වසරක් ඇතුළත සියයට 6 දක්වා ශීඝ්‍රයෙන් කඩා වැටුණු බව එම සංගමය පෙන්වා දෙයි. පසුව ඇතිවීමට ගිය මහජන සෞඛ්‍ය ව්‍යසනය වළක්වා ගනිමින් එය යළිත් සෞඛ්‍ය දෙපාර්තමේන්තුව යටතට පවරා ගැනීමට රජයට සිදු වූ අතර, ලෝක සෞඛ්‍ය සංවිධානය සහ ලෝක සත්ව සෞඛ්‍ය සංවිධානය පවා මෙම වැඩසටහන සෞඛ්‍ය අමාත්‍යාංශය හරහාම මෙහෙයවිය යුතු බවට නිර්දේශ කර ඇත.
එමෙන්ම, ජලභීතිකාව වැළඳී ඇති බවට සැකකෙරෙන හෝ ජනතාවට තර්ජනයක් වන පරිදි ආක්‍රමණශීලීව හැසිරෙන සුනඛයන් ඉවත් කිරීමට පොලිසිය සතුව පැවති බලතල නව පනතින් ඉවත් කිරීම මහජන ආරක්ෂාවටද දැඩි තර්ජනයක් බව රජයේ වෛද්‍ය නිලධාරීන්ගේ සංගමය පෙන්වා දෙයි. එම නිසා, මෙම අහිතකර වගන්ති වහා සංශෝධනය කර දැනට පවතින සාර්ථක මහජන සෞඛ්‍ය යාන්ත්‍රණය ආරක්ෂා කර ගැනීමට පියවර ගන්නා ලෙස එම සංගමය රජයෙන් වැඩිදුරටත් ඉල්ලා සිටියි.
සම්බන්ධිත පුවත් | Related News
ප්‍රධාන පුවත්
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්