ඇමති ටීබී දැරියක් ස්පර්ශය ගැන විරෝධයක්..
උත්සව අවස්ථාවකදී දේශපාලනඥයෙකු විසින් සාම්ප්‍රදායික නර්තන ඇඳුමකින් සැරසී සිටි කුඩා දැරියකගේ ශරීරයට අත තබා සිටින අයුරු දැක්වෙන ඡායාරූපයක් මුල් කරගනිමින්, දරුවන්ගේ ශාරීරික ස්පර්ශයන්හිදී ඔවුන්ගේ පූර්ණ කැමැත්ත සහ අනුමැතිය කෙරෙහි ප්‍රමුඛත්වය ලබා දීමේ වැදගත්කම පිළිබඳව සමාජ මාධ්‍ය ඔස්සේ දැඩි කතාබහක් නිර්මාණය වී තිබේ.
මේ සම්බන්ධයෙන් සිය සමාජ මාධ්‍ය ගිණුම ඔස්සේ විශේෂ සටහනක් තබමින් ප්‍රකට ළමා අයිතිවාසිකම් ක්‍රියාකාරිනියක මෙන්ම 'Stop Child Cruelty Trust' සංවිධානයේ සභාපතිනි වෛද්‍ය තුෂාරා වික්‍රමනායක මහත්මිය පෙන්වා දෙන්නේ, ජාතික ළමා ආරක්ෂණ ප්‍රතිපත්තිය ක්‍රියාත්මක කරගත නොහැකි රටක දරුවන් කෙතරම් අනාරක්ෂිත ද යන්නට අදාළ දේශපාලනඥයාගේ හැසිරීම කදිම නිදසුනක් බවයි.
සාම්ප්‍රදායිකව භාවිත වන "හොඳ ස්පර්ශය සහ නරක ස්පර්ශය" යන වර්ගීකරණයට එහා ගොස්, දරුවාගේ කැමැත්තට මුල්තැන දිය යුතු බව පෙන්වා දෙන ඇය, යම් ස්පර්ශයකට අකමැති වීමට හෝ "එපා" යැයි කීමට දරුවාට ඇති අයිතිය ඔවුන් සවිබල ගැන්වීමේ මූලික පදනම බව අවධාරණය කරයි.
ඒ අනුව, දරුවාගේ අනුමැතියකින් තොරව සිදුවන ඕනෑම ස්පර්ශයක් 'නරක ස්පර්ශයක්' (Bad Touch) හෝ දරුවාගේ අයිතිවාසිකම් උල්ලංඝනය කිරීමක් විය හැකි බව ද ඇය සඳහන් කරයි.
මීට ප්‍රතිවිරුද්ධව, මෑතකදී ළමා අයිතිවාසිකම් වෙනුවෙන් අත්සන් 40,000ක පෙත්සමක් පාර්ලිමේන්තුවට භාරදුන් අවස්ථාවේදී විපක්ෂ නායක සජිත් ප්‍රේමදාස මහතා දැක්වූ ආදර්ශය ද ඇය සිහිපත් කර තිබේ.
එහිදී විපක්ෂ නායකවරයා කුඩා පිරිමි දරුවෙකුගේ කරට අත තැබීමට පෙර, "මගේ අත් දෙක ඔයාගේ උරහිස උඩින් තිබ්බට කමක් නැද්ද?" යනුවෙන් එම දරුවාගෙන් විමසා සිටි බවත්, දරුවෙකුගේ පෞද්ගලික සීමාවන්ට ගරු කිරීම සම්බන්ධයෙන් එය ඉතා ප්‍රශංසනීය ආකල්පයක් බවත් ඇය පවසයි.
ජාතික ළමා ආරක්ෂණ අධිකාරියේ ක්‍රියාකලාපය දැඩි ලෙස විවේචනය කරන වෛද්‍ය වික්‍රමනායක මහත්මිය, ජාතික ප්‍රතිපත්තිය නිසි ලෙස ක්‍රියාත්මක නොකර, එපා යැයි කීමේ මූලික අයිතිය පිළිබඳව හෝ අවබෝධයක් නැතිව මහජන මුදල් වැය කරමින් සිදු කරන ව්‍යාපෘතිවලින් කිසිදු ඵලක් නොවන බව චෝදනා කරයි.
එබැවින් වයසට ගැළපෙන ලිංගිකත්ව අධ්‍යාපනය පාසල් විෂය මාලාව තුළ වහාම අනිවාර්ය කළ යුතු බවත්, දරුවන්ගේ පෞද්ගලිකත්වයට සහ සීමාවන්ට ගරු කළ යුතු ආකාරය පිළිබඳව වැඩිහිටියන් මෙන්ම විශේෂයෙන්ම දේශපාලනඥයන් ප්‍රථමයෙන් දැනුවත් විය යුතු බවත් ඇය වැඩිදුරටත් අවධාරණය කර සිටියි.
මූලාශ්‍රය - lankacnews
සම්බන්ධිත පුවත් | Related News
ප්‍රධාන පුවත්
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා