ඩෙංගු එන්නත පෞද්ගලික අංශයට පමණක් ලබා දීමට සූදානම් වීම දැඩි අසාධාරණයක් - විශේෂඥ වෛද්‍ය චමල් සංජීව
ඩෙංගු රෝගය පාලනය කිරීම සඳහා කුඩා ළමුන් ඉලක්ක කර ගනිමින් හඳුන්වා දීමට නියමිත 'Qdenga (TAK-003)' එන්නත පෞද්ගලික අංශයට පමණක් ලබා දීමට සූදානම් වීම හරහා මෙරට නිදහස් සෞඛ්‍ය සේවය යටතේ ප්‍රතිකාර ලබන දරුවන්ට දැඩි අසාධාරණයක් සිදුවන බව වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තීය සමිති සන්ධානය පවසයි.
එම සන්ධානයේ සභාපති විශේෂඥ වෛද්‍ය චමල් සංජීව මහතා පෙන්වා දෙන්නේ මෙම එන්නත මෙරට භාවිතය සඳහා ජාතික ඖෂධ නියාමන අධිකාරියේ පූර්ණ අනුමැතිය තවමත් ලැබී නොමැති පසුබිමක, එය මුලින්ම පෞද්ගලික අංශයට පමණක් ලබා දීමට අවසර දීම ගැටලුසහගත බවයි.
මෙම එන්නත සහ වුල්බැකියා බැක්ටීරියා ක්‍රමය මෙරටට හඳුන්වා දෙන ලෙස වසර කිහිපයක සිට තමන් යෝජනා කළ ද බලධාරීන් ඒ පිළිබඳව නිසි අවධානයක් යොමු නොකළ බවත්, ප්‍රමාද වී හෝ ඒ පිළිබඳ සාකච්ඡා ආරම්භ කිරීම වැදගත් බවත් ඔහු සඳහන් කළේය.
ජාත්‍යන්තර වෙළෙඳපොළේ මෙම එන්නත් කුප්පියක මිල ඇමෙරිකානු ඩොලර් 80ක් පමණ වන අතර, මාස තුනක පරතරයකින් මාත්‍රා දෙකම ලබා ගැනීමට රෝගියෙකුට රුපියල් 60,000කට ආසන්න මුදලක් වැය කිරීමට සිදුවේ.
සාමාන්‍ය ජනතාවට මෙවැනි විශාල මුදලක් දැරීමට නොහැකි බැවින්, රජයේ රෝහල් හරහා මෙය නොමිලේ ලබා දීමට සෞඛ්‍ය අමාත්‍යාංශය කටයුතු කළ යුතු බව වෛද්‍යවරයා අවධාරණය කරයි.
ලෝක සෞඛ්‍ය සංවිධානය (WHO) විසින් ඩෙංගු ව්‍යාප්තිය ඉහළ ප්‍රදේශවල වයස අවුරුදු 6-16 අතර දරුවන් සඳහා මෙම එන්නත නිර්දේශ කර ඇත.
ශ්‍රී ලංකාව ඇතුළු රටවල් කිහිපයක සිදුකළ සායනික පරීක්ෂණ මගින් මෙහි සාර්ථකත්වය තහවුරු වී ඇති අතර, එන්නත ලබා දී දින 8ක් වැනි කෙටි කාලයකින් ආරක්ෂාව සැලසීම මෙහි විශේෂත්වයකි. එසේම ශ්‍රී ලංකාවේ වර්තමාන ඩෙංගු ආසාදනවලින් 80%කට පමණ හේතු වී ඇති DENV-2 ඇතුළු වෛරස් ප්‍රභේද හතරටම එරෙහිව මෙය ක්‍රියාත්මක වේ.
දැනටමත් ඉන්දියාව, බ්‍රසීලය, ආර්ජන්ටිනාව සහ යුරෝපා සංගමය ඇතුළු රටවල් 43ක මෙම එන්නත අනුමත කර ඇති අතර, රටවල් රැසක රාජ්‍ය එන්නත්කරණ වැඩසටහන් යටතේ මෙය නොමිලේ ලබා දෙන බව ද වෛද්‍ය චමල් සංජීව මහතා පෙන්වා දෙයි.
සම්බන්ධිත පුවත් | Related News
ප්‍රධාන පුවත්
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..