පාදඩවාදය

News Category

From Date

To Date

Maximum Number of Result

පාදඩවාදය

Jul 23, 2026 at 12:08 PM

Lanka Leader

දන්නේ නැති‍ මගුල් ගැන කියවන්න මේ හාදයා සෑහෙන කැමැත්තක් දක්වනවා. චීනයේ වෙනත් ප්‍රදේශවල ඉන්න අයට පෙයි-චිං අගනුවරට එන්න බෑ කියන මේ බයිලයත් එහෙම එකක්.

චීනයේ ඕන කෙනෙක්ට පෙයි-චිං අගනුවරට එන්න පුළුවන්. එහෙම ඇවිල්ලා රස්සා කරන්නත් පුළුවන්. ඒ සම්බන්ධයෙන් කිසිම තහනමක් නෑ. ඇත්තෙන්ම, පෙයි-චිං අගනුවර විතරක් නෙවෙයි ෂං-හයි, කුවං-චෝ, වූ-හන් ඇතුළු හැම මහ නගරයක ම බහුතරය බවට පත්වෙලා ඉන්නේ පිට පළාත්වලින් ඒ නගරවලට ආපු මිනිස්සු. ඒ මිනිස්සු අවුරුදු කාලෙට ගමේ ගියාම ඔය මහ නගර හැම එකක් ම සෑහෙන්න හිස්වෙනවා.

එහෙම නම්, මේ යකා මොකක්ද මේ කියවන්නේ?

චීනයේ කුටුම්බ ලියාපදිංචි (户口, Hukou) ක්‍රමය ගැන අහුලගත්ත කෑල්ලක් තමයි මේ ගොබ්බයා රස කර කර කියවන්නේ.

අපේ රටේ අපිට වුනත් ස්ථිර පදිංචියක් තියෙනවා. අවශ්‍යතා ඇතිවුණාම, අපි ග්‍රාම නිලධාරි ළඟට ගිහිල්ලා අපේ ඒ පදිංචිය සනාථ කරගන්නවා. පිටස්තරයෙක් (බෝඩිම්කාරයෙක් කියමු) ගෙදරක තියාගන්නවා නම් ඒ ගැන අදාළ පාර්ශ්වවලට (ග්‍රාම නිලධාරිට, පොලිසියට) දැනුම් දෙන්න කියන අවස්ථාත් තියෙනවා.

චීනයේ හූ-කෝ ක්‍රමයෙන් කරන්නේ කුටුම්බ (පවුල්) ලියාපදිංචියක්. ඒ ලියාපදිංචිය අනුව තමයි චීන ජාතිකයන්ට අදාළ අයිතිවාසිකම් භුක්ති විඳින්න පුළුවන්වෙන්නේ.

අපි කවුරුත් දන්න උදාහරණයක් ආශ්‍රයෙන් මම මේ කාරණය පැහැදිළි කරන්නම්.

1980 ඉඳලා 2016 දක්වා, චීනයේ එක් දරු ප්‍රතිපත්තියක් ක්‍රියාත්මක වුණා කියලා අපි හැමෝම වගේ දන්නවා. 2015 අවුරුද්දෙන් පස්සේ, ඒ සීමාව දරුවෝ දෙන්නෙක් දක්වා වැඩි කළා. මේ ප්‍රතිපත්ති ඒ විදිහට ම ක්‍රියාත්මක කරන්නේ හූ-කෝ පදනම් කරගෙන. එක් දරු ප්‍රතිපත්තිය ක්‍රියාත්මක කරන කාලෙත් පිටස්තර පළාත්වල (දුෂ්කර ප්‍රදේශවල, දේශ සීමාවල) හූ-කෝ තියෙන අයට කැමැති තරම් ළමයි හදන්න ඉඩ දුන්නා. ගොවියන්ට මේ නීති ක්‍රියාත්මක කළෙත් වෙන විදිහකට. මේ කාරණයේ දී, කුටුම්බ ලියාපදිංචිය සළකා බලනවා. ඒ කියන්නේ පිටස්තර හූ-කෝ එකක් තියෙන පවුලක් පෙයි-චිං නගරයේ තාවකාලිකව (අපි කියමු රස්සාව කරන්න කියලා) ජීවත්වෙනවා නම්, ඒ අය හදන ළමයි ගණන තීරණය කරන්නේ අදාළ හූ-කෝ එකට අනුව මිසක් පෙයි-චිං නගරයේ ක්‍රමයට නෙවෙයි.

කුටුම්බ ලියාපදිංචි වෙනස් කරගැනීමත් නිතර ම සිද්දවෙනවා. විවාහයක දී මෙහෙම කරගන්න එක සාමාන්‍ය වැඩක්. පෙයි-චිං වගේ නගරයක කාලයක් රස්සාව කරලා, වැඩ පෙන්නන අයට ඒ නගරයේ ලියාපදිංචිය (හූ-කෝ එක) ලබාගන්න පුළුවන්.

එහෙම නම්, මේ යකා කියන බහුභූත කතාවේ තේරුම මොකක්ද? ඇත්තෙන්ම, මේ යකා මෙහෙම කතාවක් කියන්නේ ඇයි?

මේ හාදයා කියන්නේ ඇඹිලිපිටියේ, මොනරාගල, හම්බන්තොට පැත්තේ කාන්තාවන්ට කොළඹ ඇවිල්ලා ගණිකා වෘත්තියේ යෙදෙන්න නිදහසක් නෑ කියලයි.

මෙන්න මේ නිදහස නම් චීනයේ නෑ. චීනයේ ගණිකා වෘත්තිය තහනම්. සූදුවත් තහනම්. පාදඩකම් කරන්න නීතිමය අවසරයක් චීනයේ නෑ. නීතියෙන් තහනම් වැඩ හොරෙන් කරන එවුන් හැම රටක ම ඉන්නවා. නීතිය තදින් ක්‍රියාත්මක වන රටක තහනම් වැඩ කරලා අහුවුණාම අදාළ දඬුවම් විඳින්න වෙනවා.

මුන්ට ඕන පාදඩ වැඩවලට අහිංසක මිනිස්සු තල්ලු කරලා දාලා සමාජය විනාශ කරලා දාන්න මිසක් වෙන දෙයක් නෙවෙයි. මිනිස්සු මේ පාදඩ වැඩවලට යොමුවෙන්නේ කැමැත්තෙන් නෙවෙයි. කෙහෙම්මල් නිදහසක් භුක්ති විඳින්නත් නෙවෙයි. රටේ ආර්ථිකය මුළුමනින් ම බිඳවැටිලා තියෙන හින්දා මිනිස්සුන්ට ආදායම් නෑ. ඉතින් සමහරු කසිප්පු පෙරනවා - විකුණනවා. තවත් සමහරු කුඩු විකුණනවා. සමහරු හොරකම් කරනවා. සමහරු මංකොල්ලකෑම් කරනවා. කප්පම් ගන්නවා. තව තව වංචා, අපරාධ මහ ගොඩක් කරනවා. ඒ වගේ ම, සල්ලි හොයන්න ඇඟ විකුණන (ගණිකා වෘත්තියේ යෙදෙන) කාන්තාවෝ සෑහෙන පිරිසකුත් ඇතිවෙලා තියෙනවා.

අපේ රටේ ආර්ථික දියුණුව කොච්චර ඉහළ ද කියන එක තේරුම්ගන්න මහ බැංකුව නිකුත් කරන වාර්තා කියවන්න ඕන නෑ. පාර දිගට ස්පා කොච්චර දාලා තියෙනවා ද කියලා බලන්න. තරුණ පිරිස් කොච්චරක් නම් මත්ද්‍රව්‍යවලට ගොදුරු කරගෙන තියෙනවා ද කියලා බලන්න. දවසකට අපරාධ කොච්චරක් නම් සිද්දවෙනවා ද කියලා බලන්න. හිරගෙවල් කොච්චර පිරිලා තියෙනවා ද කියලා බලන්න.

මේ රටේ අපරාධ සිද්දවෙනවා මදි කියලයි මේ යකා කියන්නේ. ඒ සඳහා නිදහසක් ලබාදෙන්න ඕන කියලා මූ කියනවා.

මේකට කියන්න ඕන “නිදහස” කියලා නෙවෙයි. මේ තමයි පාදඩවාදය!

- ආචාර්ය වරුණ චන්ද්‍රකීර්ති

සම්බන්ධිත පුවත් | Related News

"පූනරීන් ත්‍රස්ත ප්‍රහාරය" - රණවිරු ලෙයින් අඳින ලද සැබෑ වික්‍රමය එළිදකියි..

09,

Oct

එදා අපි නුඹලාට ත්‍රස්තවාදීන් එක්ක යුද්ධ කරලා රට නිදහස් කරලා දුන්නා

නව ලෝකය සඳහා සැරසෙන චීනය - චීනයේ නව ‘පස් අවුරුදු සැලසුම’

08,

Oct

චීන කොමියුනිස්ට් පක්ෂය විසින් 1953 වසරේ සිට ආරම්භ කරන ලද ‘පස් අවුරුදු සැලසුම්’ යනු චීනයේ සමාජයීය සහ ආර්ථික සංවර්ධනය ඉලක්ක කරගත් මුල් පිරීම් මාලාවකි. මෙම සැලසුම් මගින් ප්‍රධාන වශයෙන් සිදු කෙරෙන්නේ පාරිසරික ආරක්ෂාව, අධ්‍යාපනය සහ කාර්මික ක්ෂේත්‍රවල චීන රජයේ ප්‍රතිපත්ති සහ ප්‍රමුඛතා සංවිධානය සහ ස්ථාපිත කිරීමේ කේන්ද්‍රීය මාධ්‍යයක් ලෙස කටයුතු කිරීමය. නව පස් අවුරුදු සැලසුමක් සකස් කිරීම, සාමාන්‍යයෙන් පවතින සැලැස්මේ මැද භාගයේදී ආරම්භ වේ. මෙය වසර කිහිපයක් පුරා සිදුකරන ඇගයීම්, මූලික පර්යේෂණ කෙටුම්පත් කිරීම සහ සංශෝධන මෙන්ම, මහජන අදහස් ලබා ගැනීම වැනි වට මාලාවකින් සමන්විත වේ. මෙලෙස සකස් කෙරෙන පස් අවුරුදු සැලසුම්, ඒවායේ කාර්යක්ෂමතාව සහ හැකියාවන් මෙන්ම, වේගවත් ආර්ථික වර්ධනය, සංවර්ධනය සහ ආයතනික මූල්‍ය සහ කාර්මික ප්‍රතිපත්ති සඳහා දායක වී ඇති ආකාරය ප්‍රශංසනීයය.

සිංහයෝ සහ හයීනාවෝ..

06,

Oct

ගලගොඩඅත්තේ ඥානසාර හිමි යළි සිරගත වූහ. උන්වහන්සේගේ සිවුර ගලවා ජම්පරයක් අන්දවා ඇතැයි යන ප්‍රවෘත්තිවලින් සමාජ මාධ්‍ය පිරී ඇත. බන්ධනාගාර මාධ්‍ය ප්‍රකාශකට උන්වහන්සේට ජම්පරයක් ඇන්දවීම ප්‍රවෘත්තියක් බවට පත්කර මාධ්‍යයට ප්‍රකාශ කරන්නැයි උපදෙස් දුන්නේ කවුදැයි වෙනමම සොයා බැලිය යුතුය.

දුදස්සනට දොට්ට යෑම..

05,

Oct

ශ්‍රී ලංකා රාමඤ්ඤ මහා නිකායෙන් දුදස්සනව එළවලා දාපු එක ලොකු ප්‍රශ්නයක් කරගත්ත පිරිසක් ඉන්නවා. කිසියම් සංවිධානයක සාමාජිකත්වයක් දරන කෙනෙක්ට ඒ සංවිධානයේ මූලික පිළිගැනීම්වලට විරුද්ධව කටයුතු කරන්න පුළුවන් කියලා මේ අඥානයෝ හිතනවා ද? කිසියම් ආයතනයක සේවය කරන කෙනෙක්ට ඒ ආයතනයේ විනය එකඟතා නො සළකා කටයුතු කරන්න පුළුවන් කියලා මේ අඥානයෝ හිතනවා ද? තමන්ට ඕන ඕන මගුල් කියවන්න, සංවිධානයක පොදු එකඟතාවලට විරුද්ධව, විනය එකඟතා නො තකා වැඩ කරන්න ඒ සංවිධානවල සාමාජිකයන්ට බෑ.

ඥානසාර හිමි නීතියෙන් බේරෙන්න හැංගුණේ නැහැ.. - ගලගොඩඅත්තේ ඥානසාර හිමියන් වෙනුවෙන් උන්වහන්සේගේ මුස්ලිම් ජාතික මිතුරෙකු කියන සත්‍ය කතාව..

05,

Oct

ඊයේ දිනයේ, මගේ හදවතට ඉතා සමීප, ඒ වගේම Fair Comment හි සමීපතම මිතුරෙකුව අත්අඩංගුවට ගනු ලැබුවා. ඔහු සාපරාධී අපරාධකරුවෙක් නෙවෙයි. ඔහු නීතියෙන් පැන ගිය කෙනෙකුත් නෙවෙයි. ඔහුගේ එකම වරද වුණේ මේ රටේ ශ්‍රේෂ්ඨාධිකරණය—වෙනත් පහළ උසාවියක් හෝ අවධානය සොයන මහේස්ත්‍රාත්වරයෙක් නොව, රටේ ඉහළම අධිකරණය—මීට වසර හතකට පෙර ජනාධිපතිවරයෙක් ගත් තීරණයක් ශුන්‍ය කර දැමීමට තීන්දු කිරීම පමණයි. ඒ තීන්දුව අවලංගු කිරීමෙන් ඔවුන් කළේ ඒ මිනිසාවත් අමු අමුවේ දිය කර හැරීමයි.

බ්‍රසීලය 2026: බහුද්‍රැවීය ලෝකයක ද්‍රැවීකරණය වූ මැතිවරණයක්..

04,

Oct

බ්‍රසීලයේ 2026 මැතිවරණය ජනාධිපති ලූලා ද සිල්වා (Lula da Silva) සහ ෆ්ලේවියෝ බෝල්සොනාරෝ (Flávio Bolsonaro) අතර දැඩි තරගකාරී, අධික ලෙස ද්‍රැවීකරණය වූ සටනක් බවට පත්ව ඇත. මත විමසුම්වලට අනුව, දෙවන වටයේ තරගයකදී දෙදෙනාම කරට කර තත්ත්වයක පසුවන අතර, මැද මාවතේ විකල්පයන්ට ජනප්‍රියත්වයක් ලබා ගැනීමට හැකිවී නොමැත. අපේක්ෂකයින් දෙදෙනාටම 50% ක පමණ ප්‍රතික්ෂේප කිරීමේ ප්‍රතිශතයක් ඇති අතර, එම නිසා මෙම මැතිවරණය බලාපොරොත්තුවක් ඇති කර ගැනීමට වඩා ප්‍රතිවාදියා බලයට පැමිණීම වැළැක්වීම අරමුණු කරගත් එකක් බවට පත්ව තිබේ.

බලාගෙනයි!.. බදු ගෙවීමෙන් තොරව පඩි ලබන්න පිටරට යනවනම් මේ ගැනත් දැනගෙන යන්න..

04,

Oct

ලෝකයේ දියුණු හෙවත් ධනපති රටවල (developed countries) වෘත්තිකයන්ගෙන් අයකරන පුද්ගල ආදායම් බදු (Personal Income Tax) සහ අනෙකුත් සමාජ ආරක්ෂණ දායකත්ව (Social Security Contributions) ක්‍රමවේද ප්‍රධාන වශයෙන් ප්‍රගතිශීලී බදු ක්‍රමයක් (Progressive Tax System) මත පදනම් වේ. එනම්, ලැබෙන ආදායම වැඩි වීමට අනුරූපව බදු අනුපාතයද ඉහළ යයි.

යුරෝපය එළිය කළ - නයිජරය අඳුරේ තැබූ යුරේනියම් දේශපාලනය..

04,

Oct

ලෝක බැංකු වාර්තාවලට අනුව, 2024 වන විටත් නයිජර් (Niger) රාජ්‍යයේ ජනගහනයෙන් 80% කට ආසන්න ප්‍රමාණයකට විදුලිය පහසුකම් නොමැත. එසේ වුවද, එම වසර දක්වාම ලොව විශාලතම යුරේනියම් නිෂ්පාදකයෙකු වන නයිජර් රාජ්‍යය, යුරෝපා සංගමයේ (EU) න්‍යෂ්ටික බලශක්ති අවශ්‍යතාවයෙන් 25% ක්ම සපයමින් මුළු යුරෝපය පුරා පිහිටි නගර සහ ගම්මාන බලගැන්වීමට දායක විය.

ගිජුලිහිණියෝ ඉවතට - ජනතාව බලයට..

03,

Oct

2003 අවුරුද්දේ මාර්තු 30 වැනි දා, ඉරාකය ආක්‍රමණය කරපු ඇමෙරිකාව ප්‍රමුඛ අධිරාජ්‍යවාදී හවුල් හමුදාවල අවසාන බල ඇණි 2026 සැප්තැම්බර් 30 වැනි දා ඉරාකයෙන් ඉවත්වෙලා ගියා. ජනාධිපති ජෝර්ජ් බුෂ් විසින් “ඉරාක නිදහස් මෙහෙයුම” (Operation Iraqi Freedom) කියන නමින් පටන්ගත්ත මේ අධිරාජ්‍යවාදී ආක්‍රමණය අවුරුදු 23 ක වැඩි කාලයක් ඉරාකය තුළ ක්‍රියාත්මක වුණා. ජනතා ඝාතක ආයුධ හොයනවා කියලා බොරුවක් ගොතලා පටන්ගත්ත ඒ ආක්‍රමණයෙන් වෙච්ච විනාශය ලෝකය ම දන්නවා.

ප්‍රධාන පුවත්

සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි

සිවුරට මුවාවී ඉතිහාසයේ වැඩිම ගේම් ගහපු වැඩිම පිරිසක් එකම ස්ථානයක සිටිනවා නම් ඒ සිටින්නේ ජාතික ජනබලවේගයේ 159 යේ කණ්ඩායමේ බවත්, සිවුර හැරගිය 50කට වැඩි ප්‍රමාණයක් මාලිමා ආණ්ඩුව තුළ සිටින බවත් අධ්‍යාපන වෘත්තිකයන්ගේ සංගමයේ සභාපති පූජ්‍ය උලපනේ සුමංගල හිමියෝ පවසති.

ඉරාන තෙල් නෞකා 17කට ඇමෙරිකාවෙන් සම්බාධක..

ඉරාන පාලන තන්ත්‍රය විසින් සිය ඛනිජ තෙල් සහ පෙට්‍රෝකෙමිකල් නිෂ්පාදන ජාත්‍යන්තර වෙළෙඳපොළ වෙත සංසරණය කිරීම සඳහා භාවිත කළ ප්‍රධානතම රහසිගත නැව් සමූහයට එරෙහිව ඇමෙරිකා එක්සත් ජනපද මුදල් අමාත්‍යාංශය (U.S. Department of the Treasury) විසින් දැඩි සම්බාධක පනවා තිබේ.

ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි

ගලගොඩඅත්තේ ඥානසාර හිමියන් සම්බන්ධයෙන් වත්මන් සමාජයේ මතුව ඇති ආන්දෝලනාත්මක තත්ත්වය පිළිබඳව අදහස් දක්වමින්, උන්වහන්සේගේ කටහඬේ හෝ ප්‍රකාශන විලාශයේ පවතින රළු බව දෙස පමණක් නොබලා මතු කළ සැබෑ ජාතික කාරණා දෙස රජය සහ ජනතාව අවධානය යොමු කළ යුතු බව මහාචාර්ය පූජ්‍ය ඉඳුරාගාරේ ධම්මරතන හිමියෝ අවධාරණය කරති.

එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති

භික්ෂුන්වහන්සේලා බන්ධනාගාර තුළ රැඳී සිටින ආකාරය සහ බන්ධනාගාරයෙන් බැහැරට ගෙන යන ආකාරය පිළිබඳ පවතින නීති සංශෝධනය කරමින් නව නිත්‍ය නියෝග සහ රෙගුලාසි ඉදිරිපත් කිරීමට කමිටුවක් පත් කරන බව ජනාධිපති අනුර කුමාර දිසානායක මහතා පැවසීය.

රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්

රට වෙනුවෙන් කැපවූ බෞද්ධ භික්ෂූන් වහන්සේලා, රණවිරුවන් සහ ජාතික බලවේග ඉලක්ක කරගනිමින් වත්මන් ආණ්ඩුව විසින් දැඩි මර්දනකාරී වැඩපිළිවෙලක් ක්‍රියාත්මක කරන බවට හිටපු අමාත්‍ය විමල් වීරවංශ මහතා චෝදනා කරයි.

ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක

ජ්‍යෙෂ්ඨ මාධ්‍යවේදී මොහාන් සමරනායක මහතා සම්බන්ධ කරගනිමින් Lanka Voice යූටියුබ් නාලිකාව මෙහෙයවූ සංවාදාත්මක වැඩසටහනේදී, වර්තමාන ශ්‍රී ලංකාවේ විදේශ ප්‍රතිපත්තිය සහ ජාත්‍යන්තර සබඳතා සම්බන්ධයෙන් දැඩි විවේචනාත්මක විශ්ලේෂණයක් ඉදිරිපත් කෙරිණි.

ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.

යටත් විධිත පාලන සමයේ ඉංග්‍රීසි ආණ්ඩුව පවා නොකළ අන්දමින්, අද මේ අනුර කුමාර දිසානායකගේ බෞද්ධ විරෝධී නිවට නියාලු ආණ්ඩුව බෞද්ධයාට හා මේ රටේ භික්ෂූන් වහන්සේලාට උරුම ඓතිහාසික බෞද්ධ සම්ප්‍රදාය කෙලෙසමින්, බුද්ධ නීතිය යටත් කරමින් ශ්‍රී ලංකාවාසි බෞද්ධයා හා බුදු දහම විනාශ කර දමන්නට සැලසුම් කරමින් සිටින බව ජාතික නිදහස් පෙරමුණේ නායක පාර්ලිමේන්තු මන්ත්‍රී විමල් වීරවංශ මහතා චෝදනා නගයි.

හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල

පිවිතුරු හෙළ උරුමයේ නායක උදය ගම්මන්පිල මහතා එම පක්‍ෂ මූලස්ථානයේදී මෙම අදහස් පල කලේය.

ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්

අධිකරණ තීන්දුවක් මත බන්ධනාගාරගත කර සිටින පූජ්‍ය ගලගොඩඅත්තේ ඥානසාර හිමියන්ට ගිහි වස්ත්‍ර අන්දවා අධිකරණයට ඉදිරිපත් කිරීමට බන්ධනාගාර දෙපාර්තමේන්තුව පියවර ගැනීම සම්බන්ධයෙන් සිය දැඩි කනස්සල්ල සහ විමතිය පළ කරමින් ත්‍රෛනිකායික මහානායක ස්වාමීන්ද්‍රයන් වහන්සේලා බන්ධනාගාර කොමසාරිස් ජනරාල්වරයා වෙත විශේෂ ඒකාබද්ධ ලිපියක් යොමු කර තිබේ.

ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..

පූජ්‍ය ගලගොඩඅත්තේ ඥාණසාර හිමියන් සිරගත කිරීම සහ උන්වහන්සේගේ චීවරය සම්බන්ධයෙන් මතුව ඇති තත්ත්වය පිළිබඳව අවධානය යොමු කරමින්, දිවයිනේ විවිධ ප්‍රදේශවලින් වැඩම කළ මහා සංඝරත්නය කොළඹ මහාධිකරණ භූමිය වෙත රැස්ව සිටිති.

යේමන ගැටුම කලාපීය යුද්ධයක් දක්වා උත්සන්න වෙයි

සෞදි අරාබියේ සහාය ලබන යේමන රජයේ හමුදා, ඉරානයේ සහාය ලබන හූතිවරුන්ට එරෙහිව දැවැන්ත හමුදා මෙහෙයුමක් ආරම්භ කර ඇති අතර, රතු මුහුද ඉන්දියන් සාගරය හා සම්බන්ධ කරන උපායමාර්ගික Bab el-Mandeb සමුද්‍ර සන්ධිය අවට දරුණු සටන් පැවැත්වෙමින් තිබියදී දෙපාර්ශ්වයම තමන් භූමි ප්‍රදේශ අත්පත් කරගත් බව ප්‍රකාශ කර තිබේ.

ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..

ඥානසාර හිමියන්ගේ සිවුර ගලවා සිරකරු ඇඳුම් අන්දවා විවෘත අධිකරණයට කැඳවාගෙන ඒම මගින් අති බහුතරයක බෞද්ධයින්ගේ සිත් රිදවී ඇති බව ලංකා ලීඩර් පාඨක ප්‍රතිචාරවලින් පැහැදිලි වේ. එම නිසා ලංකා ලීඩර් ඒ පිළිබදව ජාතික සවිධානවල මතය විමසන ලදී. මේ වෛද්‍ය වසන්ත බණ්ඩාර මහතාගේ අදහස් ඔහුගේ වචනයෙන්,

සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා

ලංකා ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා මහතා, පෞද්ගලික ඉන්ධන සමාගම්වලට සිය අභිමතය පරිදි ඕනෑම මිලකට ඉන්ධන අලෙවි කිරීමට කිසිදු බාධාවක් නොමැති බව පැවසීය.

කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..

කච්චතිව් දූපත සම්බන්ධයෙන් ශ්‍රී ලංකාව සහ ඉන්දියාව අතර 1974 සහ 1976 වසරවලදී ඇතිකරගත් ගිවිසුම් යළි විවෘත කිරීමට කිසිදු අදහසක් නොමැති බව ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම් දී ඇති බව වාර්තා වේ.

සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..

රාජ්‍ය බුද්ධි සේවයේ හිටපු අධ්‍යක්ෂ ජෙනරාල් මේජර් ජෙනරාල් සුරේෂ් සලේ මහතා සම්බන්ධයෙන් එක්සත් ජාතීන්ගේ මානව හිමිකම් කොමසාරිස් කාර්යාලයේ (OHCHR) විශේෂඥයන් සිව්දෙනෙකු විසින් ජනාධිපති අනුර කුමාර දිසානායක මහතා වෙත යොමු කරන ලද පිටු 8කින් යුත් විශේෂ ලිපියක් පිළිබඳව ප්‍රවීණ මාධ්‍යවේදී ධර්ම ශ්‍රී කාරියවසම් මහතා සිය "කාරිගේ චැනල් එක" යූටියුබ් නාලිකාව ඔස්සේ විශේෂ අනාවරණයක් සිදු කර සිටී.

ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්

ශ්‍රී ලංකාව NATO සංවිධානය සමඟ ආරක්ෂක හා යුද සහයෝගීතාවන් ගොඩනගා ගැනීමට උත්සාහ කිරීම තුළින් රට බරපතල භූ-දේශපාලනික අර්බුදයකට මෙන්ම වහල් රාජ්‍යයක් බවට පත්වීමේ අවදානමකට තල්ලු වන බවට ජ්‍යෙෂ්ඨ මාධ්‍යවේදී මොහාන් සමරනායක මහතා පෙන්වා දෙයි.