"රටේ කවුරුහරි දිවි අහිමි කරගත්තත් ඒක රාජපක්ෂලාගේ පිටින් යවන්නයි ආණ්ඩුව බලන්නේ".. - නාමල්
රටේ සිදුවන සෑම අහිතකර සිදුවීමකටම රාජපක්ෂවරුන් වගකිව යුතු බව පවසන වත්මන් රජය, රාජපක්ෂ පාලන සමයේ ඉටුකළ දැවැන්ත සංවර්ධන ව්‍යාපෘතිවල ගෞරවය පමණක් උදුරා ගැනීමට උත්සාහ කරන බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂ මහතා පවසයි.
ජන හමුවකට එක්වෙමින් මන්ත්‍රීවරයා සඳහන් කළේ, පසුගිය කාලසීමාව පුරාම බොරු සාක්ෂි නිර්මාණය කරමින් සහ විවිධ බලපෑම් එල්ල කරමින් රාජපක්ෂවරුන් දඩයම් කිරීමට උත්සාහ කළ බවයි.
"අද රටේ කවුරුහරි දිවි අහිමි කරගත්තත් ඒක රාජපක්ෂලාගේ පිටින් යවන්නයි ආණ්ඩුව බලන්නේ. හැබැයි මහින්ද රාජපක්ෂ මහතා අවසන් කරපු යුද්ධය, එතුමා හදපු අධිවේගී මාර්ග, පෝර්ට් සිටිය වගේ දැවැන්ත ව්‍යාපෘති ගැන කතා කරද්දී මේ ආණ්ඩුව කියන්නේ ඒවට අයිතිකාරයෝ ගොඩක් ඉන්නවා කියලා. හොඳ දේවල්වලට අයිතිකාරයෝ ගොඩයි, හැබැයි හැම නරක දේකටම රාජපක්ෂලා වැරදියි," යැයි මන්ත්‍රීවරයා පෙන්වා දුන්නේය.
මහ බැංකුවේ සහ මුදල් අමාත්‍යාංශයේ ගිණුම්වලට හැකර්වරුන් ඇතුළු වී මුදල් සොරකම් කිරීමේ සිද්ධීන් පවා තමන් සමඟ සම්බන්ධ කිරීමට ඇතැම් පිරිස් උත්සාහ කරන බවත්, එය හාස්‍යයට කරුණක් බවත් ඔහු වැඩිදුරටත් පැවසීය.
රටේ වත්මන් ආර්ථික තත්ත්වය පිළිබඳව අදහස් දක්වමින් නාමල් රාජපක්ෂ මහතා කියා සිටියේ, ජනතාව මත දැඩි බදු බරක් පටවමින් ජාත්‍යන්තර මූල්‍ය අරමුදල සතුටු කිරීමට ආණ්ඩුව කටයුතු කරන බවයි. "එක් පැත්තකින් පත්තරවල කියනවා ජනාධිපතිවරයාගේ වැඩපිළිවෙළ ගැන 75%ක් සතුටුයි කියලා. හැබැයි ඒ පත්තරේම යට කෑල්ලේ තියෙනවා රටෙන් භාගයක් බඩගින්නේ කියලා. මේක කොහොමද ගැලපෙන්නේ?" යැයි ඔහු ප්‍රශ්න කළේය.
එමෙන්ම, යුද්ධය ජයග්‍රහණය කිරීමට කැපවූ රණවිරුවන් සහ බුද්ධි අංශ නිලධාරීන් සිරගත කරමින් ආණ්ඩුව දේශපාලන පළිගැනීම් සිදුකරන බවට ද මන්ත්‍රීවරයා චෝදනා කළේය. පාස්කු ප්‍රහාරය සම්බන්ධ ලිපිගොනු සඟවාගෙන සිටින නිලධාරීන් අද ආණ්ඩුවේ ඉහළ තනතුරුවල වැජඹෙන බවත්, සැබෑ වගකිවයුත්තන් සොයනු වෙනුවට දේශපාලන නාට්‍ය රඟදක්වන බවත් ඔහු වැඩිදුරටත් අවධාරණය කළේය.
සම්බන්ධිත පුවත් | Related News
ප්‍රධාන පුවත්
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්