CD ගේ මරණය සිය දිවි නසාගැනීමක් විය නොහැකි බවට පවුලේ ඥාතීන්ගෙන් සැකයක්..
හිටපු පොලිස්පති සී.ඩී. වික්‍රමරත්න මහතාගේ හදිසි මරණය, ඔහුගේ පෞද්ගලික ආරක්ෂක නිලධාරියාගේ ගිනිඅවිය අහඹු ලෙස ක්‍රියාත්මක වීමෙන් සිදුවූ අනතුරක් විය හැකි බවට සැක කෙරෙන බව 'සන්ඩේ අයිලන්ඩ්' පුවත්පත වාර්තා කරයි.
එම වාර්තාවට අනුව, සිද්ධිය සිදුවන අවස්ථාවේදී වික්‍රමරත්න මහතා සිය බිරිඳ සමඟ උදෑසන ඇවිදීමට යාම සඳහා සූදානම් වී නිවසේ ආලින්දයේ රැඳී සිට ඇති බවත්, එහිදී සිය ආරක්ෂක නිලධාරියා සතුව තිබූ නව ගිනිඅවියක් දුටු ඔහු එය පරීක්ෂා කිරීමට ඉල්ලා ඇති බවත් සඳහන්.
වසර ගණනාවකට පෙර තමන් ද මෙවැනිම ගිනිඅවියක් භාවිතා කළ බව පවසා ඇති හිටපු පොලිස්පතිවරයා, එහි පතරොම් ගැබ නොමැති බව දැක "ඔබ පතරොම් ගැබක් නොමැතිව මා සමඟ පැමිණීමට ද සූදානම් වන්නේ?" යැයි විමසා ඇත.
අනතුරුව ආරක්ෂක නිලධාරියා පතරොම් සහිත ගැබ ඔහුට ලබා දී, හිටපු පොලිස්පතිවරයා ඉල්ලා සිටි පැන් බෝතලයක් රැගෙන ඒමට නිවස තුළට ගිය අවස්ථාවේදී මෙම වෙඩි වැදීම සිදුව ඇති බව මූලික තොරතුරු අනාවරණය කරයි.
නිවස තුළ සිටි ඔහුගේ බිරිඳට වෙඩි හඬ ඇසී පැමිණ බලන විට වික්‍රමරත්න මහතා ආලින්දයේ වැටී සිටිනු දැක ඇත.
ඔහු කිසිදු මානසික පීඩනයකින් පසු නොවූ බවත්, මරණයට දින කිහිපයකට පෙර ආනන්ද විද්‍යාලයීය ආදි ශිෂ්‍ය හමුවකට සහ මිතුරන් සමඟ රාත්‍රී භෝජන සංග්‍රහයකට ද සහභාගී වී ඇති බවත් ඔහුගේ සමීපතම ආරංචි මාර්ග පවසයි.
ඔහු සියදිවි නසා ගැනීමට කිසිදු හේතුවක් නොමැති බව පවුලේ ඥාතීන් සහ මිතුරන් අවධාරණය කරන අතර, පිටස්තර පුද්ගලයෙකු විසින් වෙඩි තැබූ බවට ද කිසිදු සාක්ෂියක් හමු වී නොමැත.
ශ්‍රී ලංකා පොලිස් සේවයේ 35 වැනි පොලිස්පතිවරයා ලෙස 2020 නොවැම්බර් මස පත්වූ චන්දන වික්‍රමරත්න මහතා 2023 වසරේදී විශ්‍රාම ලැබීය. 1986 වසරේදී සහකාර පොලිස් අධිකාරීවරයෙකු ලෙස සේවයට එක්වූ ඔහු, යුද සමයේදී උතුරු නැගෙනහිර ඇතුළු දිවයිනේ විවිධ ප්‍රදේශවල සේවය කළ අත්දැකීම් බහුල නිලධාරියෙකි.
සිද්ධිය සම්බන්ධයෙන් පොලිස් පරීක්ෂණ ක්‍රියාත්මක වන අතර පශ්චාත් මරණ පරීක්ෂණ වාර්තාව නිකුත් වන තෙක් පොලිසිය බලාපොරොත්තුවෙන් සිටියි.
සම්බන්ධිත පුවත් | Related News
ප්‍රධාන පුවත්
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්