හැඳුනුම්පත් යාවත්කාලීන කිරීමේ මුවාවෙන් සිදුකරණ සූක්ෂ්ම WhatsApp මගඩියක් හෙළිවෙයි..
පුද්ගලයන් ලියාපදිංචි කිරීමේ දෙපාර්තමේන්තුවේ නිල පණිවිඩයක ස්වරූපයෙන් WhatsApp හරහා පැමිණෙන සූක්ෂ්ම මූල්‍ය වංචාවක් පිළිබඳව වහාම අවධානයෙන් පසුවන ලෙස ශ්‍රී ලංකා පරිගණක හදිසි ප්‍රතිචාර සංසදය මහජනතාවගෙන් ඉල්ලා සිටී.
ඉතා නීත්‍යනුකූල සහ නිල ස්වරූපයෙන් මෙම වංචාව සිදුකරන බැවින් ඕනෑම අයෙකු මීට පහසුවෙන් ගොදුරු වීමේ දැඩි අවදානමක් පවතින බව එම ආයතනය පෙන්වා දෙයි.
වංචාකරුවන් විසින් පුද්ගලයන් ලියාපදිංචි කිරීමේ දෙපාර්තමේන්තුවේ නිල දුරකතන අංක, ඊමේල් ලිපිනයන් සහ කොමසාරිස් ජනරාල්වරයාගේ නියෝග පරිදි නිකුත් කරන බව හැඟවෙන පරිදි සකස් කළ WhatsApp පණිවිඩයක් අදාළ පුද්ගලයා වෙත එවනු ලබයි.
එම පණිවිඩයේ,
"පුද්ගලයින් ලියාපදිංචි කිරීමේ පනතට අනුව, ඔබගේ ජාතික හැඳුනුම්පත් (NIC) තොරතුරු යාවත්කාලීන කිරීම සහ සත්‍යාපනය කිරීම සඳහා පුද්ගලයින් ලියාපදිංචි කිරීමේ දෙපාර්තමේන්තුවට නිල වශයෙන් ආරාධනා කරනු ලැබේ..." යනුවෙන් සඳහන් වේ.
මීට අමතරව, පණිවිඩය ලබන තැනැත්තාගේ සම්පූර්ණ නම, හැඳුනුම්පත් අංකය සහ ලිපිනය ද එහි නිවැරදිව සඳහන් කර ඇති බැවින් කිසිවෙකුටත් මේ පිළිබඳව සැකයක් උපදින්නේ නැත. තොරතුරු යාවත්කාලීන කිරීම සඳහා පැමිණිය යුතු දිනය, වේලාව, ස්ථානය මෙන්ම රැගෙන ආ යුතු මුල් ලේඛන සහ ජෛවමිතික සත්‍යාපන (දකුණු මාපටැඟිල්ල) විස්තර ද එහි අඩංගු වේ.
මෙම පණිවිඩය අවසානයේ වංචාකරුවන් විසින් පහත දැක්වෙන තීරණාත්මක අනතුරු ඇඟවීම ඇතුළත් කර තිබේ.
"මෙම සත්‍යාපනයට සහභාගී වීමට අපොහොසත් වීමෙන් ඔබගේ ජාතික හැඳුනුම්පතට සම්බන්ධ සේවාවන් තාවකාලිකව අත්හිටුවීමට හේතු විය හැක. ඔබට නැවත කාලසටහන්ගත කිරීමට අවශ්‍ය නම්, කරුණාකර ඔබගේ හමුවීමට අවම වශයෙන් පැය 24 කට පෙර අපගේ උපකාරක අංකය අමතන්න."
බොහෝ දෙනෙකුට මෙම පණිවිඩය ලැබෙන්නේ නියමිත දිනයට මොහොතකට පෙර බැවින්, හැඳුනුම්පත අත්හිටුවාවි යන බියෙන් ඔවුන් වහාම එහි ඇති ව්‍යාජ දුරකතන අංකයට ඇමතුම් ලබා ගනී. ඉන්පසු වංචාකරුවන් විසින් අයදුම්පතක් පිරවීමේ මුවාවෙන් වින්දිතයන් ලවා OTP ඇතුළු රහස්‍ය මුරපදයන් ලබාගෙන, ඔවුන්ගේ බැංකු ගිණුම් සූක්ෂ්ම ලෙස හිස් කරනු ලබයි.
මේ සම්බන්ධයෙන් අදහස් දක්වන ශ්‍රී ලංකා CERT ආයතනය අවධාරණය කරන්නේ, පුද්ගලයන් ලියාපදිංචි කිරීමේ දෙපාර්තමේන්තුව කිසිදු විටෙක WhatsApp හරහා තොරතුරු සත්‍යාපනය කිරීමක් සිදු නොකරන බවයි.
එබැවින් මෙවැනි පණිවිඩවල ඇති ව්‍යාජ වෙබ් අඩවි ලිපින (Links) වෙත පිවිසීමෙන් සහ දුරකතන අංකවලට ඇමතීමෙන් වැළකී, තමන්ගේ රහස්‍ය බැංකු තොරතුරු හෝ OTP කේත කිසිදු බාහිර පාර්ශවයකට ලබා නොදීමට බුද්ධිමත් වන ලෙස ද දන්වා සිටී.
- අද දෙරණ
සම්බන්ධිත පුවත් | Related News
ප්‍රධාන පුවත්
මාලිමා ආණ්ඩුව බටහිර "ප්‍රොක්සි" ආණ්ඩුවක්.. - ඥානසාර හිමි සිද්ධිය සහ රටේ වත්මන් තත්ත්වය ගැන වෛද්‍ය වසන්ත බණ්ඩාරගෙන් විශේෂ හෙළිදරව්වක්..
බලවත් ජාතීන්ගේ වුවමනා එපාකම් මත සිදුවන ගමන ආපසු හැරවිය නොහැකි බියකරු අන්තයකින් අවසන් විය හැකියි.. - මොහාන් සමරනායක අනතුරු අඟවයි
ඥානසාර හිමියන් වෙනුවෙන් "නිදහසේ පාද යාත්‍රාව" මහනුවර ශ්‍රී දළදා මාලිගාව අබියසින් ඇරඹෙයි..
බටහිර ද්විත්ව ප්‍රමිතිය හෙළි කළ ජාත්‍යන්තර නාටකය: ICC තහංචි සහ නවනීදන් පිල්ලේට නොබෙල් හිමිවීම..
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්