Chinese Dragon Boat Festival හෙවත් චීන මකර ඔරු උත්සවය කොළඹදී සමරයි
චීනයේ ප්‍රධාන සම්ප්‍රදායික උත්සව හතරෙන් එකක් වන මකර ඔරු උත්සවය (අනෙක් උත්සව වන්නේ වසන්ත උත්සවය, සොහොන් පිරිසිදු කිරීමේ දිනය සහ මධ්‍ය-සරත් උත්සවයයි) චීන චන්ද්‍ර දින දර්ශනයේ පස්වන මාසයේ පස්වන දිනයේ සමරනු ලබයි. ග්‍රෙගොරියානු දින දර්ශනයට අනුව එය සෑම වසරකම මැයි මස අග හෝ ජූනි මස තුළ මහත් උත්සවශ්‍රීයෙන් සමරනු ලබන උත්සවයකි. මේ වසරේ මෙම උත්සවය ජූනි 19 වැනිදා (සිකුරාදා) යෙදී ඇති අතර, ජූනි 19 සිට ජූනි 21 දක්වා දින තුනක කාලයක් පුරා චීනය පුරා සමරනු ලැබේ.
මෙම උත්සවය චීනයේ ප්‍රසිද්ධ කවියෙකු සහ දේශපාලනඥයෙකු වූ චූ යුවාන් (ක්‍රි.පූ. 340–278) සිහිපත් කිරීම සඳහා පැවැත්වේ. ඔහු තම රට හා ජනතාව පිළිබඳ ගැඹුරු කනස්සල්ලකින් යුතුව චූ රාජ්‍යයේ පිරිහීම දැක මිලුවෝ නදියට පැන සියදිවි නසා ගත් බව කියවේ. ජනප්‍රවාදයට අනුව, ප්‍රදේශවාසීන් බෝට්ටුවලින් ඔහු සොයා නදිය ඔස්සේ ගමන් කළ අතර, මත්ස්‍යයන් ඔහුගේ දේහය ආහාරයට නොගැනීම සඳහා සහල් කැවුම් (රයිස් ඩම්ප්ලින් ) නදියට දැමූහ. කාලයත් සමඟ මෙම උත්සවය චූ යුවාන් සිහිපත් කිරීම සමඟ සමීපව බැඳී ගියේය. කෙසේ වෙතත්, මකර ඔරු උත්සවයේ ආරම්භය චූ යුවාන්ගේ යුගයටත් පෙර වූ අතර, එයට අදාළ බොහෝ සම්ප්‍රදායන් ඔහු හා සම්බන්ධ ජනප්‍රවාදයට පෙර සිටම පැවති බව සැලකේ.
උත්සවයේ ප්‍රධාන ආහාරය වන්නේ සොංසි (Zongzi) නම් උණ ගස්වල කොළවලින් ඔතා සකස් කරන ලද සහල් කැවුමයි (රයිස් ඩම්ප්ලින්). එය මස්, බෝංචි, බිත්තර කහ මද හෝ රටඉඳි වැනි ද්‍රව්‍යවලින් පුරවා සකස් කරනු ලැබේ. මකර ඔරු තරඟ සඳහා, මකර හිස් සහ වලිගවලින් අලංකාර කරන ලද දිගු හා පටු ඔරු ගංගා හා වැව් මත තරඟ වදින අතර, ඒ සමඟ බෙර වාදනයද සිදු කෙරේ. සම්ප්‍රදායිකව, නපුරු ආත්ම හා රෝග පලවා හැරීම සඳහා රියල්ගර් වයින් භාවිතා කර ඇත. එසේම, නපුරු බලවේගයන්ගෙන් ආරක්ෂාව සඳහා කැලමස් සහ මග්වර්ට් වැනි ඖෂධීය ශාක නිවෙස්වල දොරටු අසල එල්ලීමද මෙම උත්සවයේ ජනප්‍රිය චාරිත්‍රයකි.
චීනයට අමතරව, මෙම උත්සවය ආසියාවේ වෙනත් බොහෝ රටවල හා කලාපවලද සමරනු ලැබේ. විශේෂයෙන් මලයාසියාව හා සිංගප්පූරුවේ චීන ප්‍රජාවන් අතර එය “බාක් චාං උත්සවය” (Bak Chang Festival) ලෙසද ජනප්‍රියය.
2022 වසරේ ආරම්භ කරන ලද චීන–ශ්‍රී ලංකා මිත්‍රත්ව කුසලාන මකර ඔරු තරඟයේ සාර්ථකත්වය පදනම් කර ගනිමින්, මෙවර මකර ඔරු උත්සවය ද විශාල වශයෙන් සංවිධානය කරනු ලැබූ අතර, එය චීනය හා ශ්‍රී ලංකාව අතර ද්විපාර්ශ්වික සහයෝගීතාව සහ දෙරටෙහි ජනතා සබඳතා තවදුරටත් ශක්තිමත් කිරීමට දායක විය.
ඒ අනුව, ශ්‍රී ලංකාවේ චීන තානාපති කාර්යාලය සහ ශ්‍රී ලංකා තරුණ කටයුතු හා ක්‍රීඩා අමාත්‍යාංශය සම සත්කාරකත්වය දරමින්, ශ්‍රී ලංකා කැනෝ හා කයාක් සංගමය (NACKSL), ශ්‍රී ලංකාවේ චීන සංස්කෘතික මධ්‍යස්ථානය, ශ්‍රී ලංකා විදේශගත චීන සංගමය, ශ්‍රී ලංකාවේ චීන වාණිජ මණ්ඩලය, චීන ජාත්‍යන්තර සංස්කෘතික හුවමාරු හා සංචාරක ප්‍රවර්ධන මධ්‍යස්ථානය සහ රුගාවෝ රූකඩ කලා කණ්ඩායම එක්ව ඊයේ (12) මෙම මකර ඔරු තරඟාවලිය සංවිධානය කළහ. එය වරාය නගරයෙහි බීච් ප්ලාසා පරිශ්‍රයේදී අති උත්කර්ෂවත් අයුරින් පැවැත්විණි.
මෙම අවස්ථාවේ ප්‍රධාන ආරාධිත අමුත්තන් ලෙස ශ්‍රී ලංකාවේ චීන තානාපති ගරු චී ජෙන්හොං මහතා සහ ශ්‍රී ලංකාවේ තරුණ කටයුතු හා ක්‍රීඩා අමාත්‍ය ගරු සුනිල් කුමාර ගමගේ මහතා සහභාගී වූහ.
මෙහිදී කෙටි දුර මකර ඔරු තරඟ කාණ්ඩ කිහිපයක්, රුගාවෝ රූකඩ කලා කණ්ඩායමේ රූකඩ සංදර්ශනයක්, සාම්ප්‍රදායික චීන සංස්කෘතිය සහ චීන–ශ්‍රී ලංකා සංස්කෘතික හුවමාරුව ඉස්මතු කළ ශ්‍රී ලංකා යුද හමුදාවේ විශේෂ ප්‍රදර්ශනයක් ඇතුළු විවිධ සංස්කෘතික හා ක්‍රීඩාමය වැඩසටහන් රැසක් පැවැත්විණි. යාපනය සහ කොළඹ ඇතුළු දිස්ත්‍රික්කවල තරඟකරුවන් මෙන්ම සබරගමුව විශ්වවිද්‍යාලය ඇතුළු උසස් අධ්‍යාපන ආයතන නියෝජනය කළ කණ්ඩායම්ද මෙම තරඟාවලියට සහභාගී වී තරඟ වැදුණි.
සම්බන්ධිත පුවත් | Related News
ප්‍රධාන පුවත්
මාලිමා ආණ්ඩුව බටහිර "ප්‍රොක්සි" ආණ්ඩුවක්.. - ඥානසාර හිමි සිද්ධිය සහ රටේ වත්මන් තත්ත්වය ගැන වෛද්‍ය වසන්ත බණ්ඩාරගෙන් විශේෂ හෙළිදරව්වක්..
බලවත් ජාතීන්ගේ වුවමනා එපාකම් මත සිදුවන ගමන ආපසු හැරවිය නොහැකි බියකරු අන්තයකින් අවසන් විය හැකියි.. - මොහාන් සමරනායක අනතුරු අඟවයි
ඥානසාර හිමියන් වෙනුවෙන් "නිදහසේ පාද යාත්‍රාව" මහනුවර ශ්‍රී දළදා මාලිගාව අබියසින් ඇරඹෙයි..
බටහිර ද්විත්ව ප්‍රමිතිය හෙළි කළ ජාත්‍යන්තර නාටකය: ICC තහංචි සහ නවනීදන් පිල්ලේට නොබෙල් හිමිවීම..
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්