රුපියල් කෝටි දහයකට ආසන්න අයිස් මත්ද්‍රව්‍ය හා මත්කුඩු තොගයක් බොරලැස්ගමුව ප්‍රදේශයේදී අත්අඩංගුවට ගනී..
වෘත්තියෙන් බවුන්සර්වරයෙකු වශයෙන් සේවය කරනු ලබන පුද්ගලයෙක් සන්තකයේ රුපියල් කෝටි ගණනක් වටිනා මත්ද්‍රව‍ය තොගයක් ඇති බවට බස්නාහිර පළාත උතුර අපරාධ කොට්ඨාශයේ ස්ථානාධිපතිවරයාට ලද තොරතුරක් මත බස්නාහිර පළාත උතුර අපරාධ කොට්ඨාසයේ නිලධාරීන් විසින් (11) වන දින උදෑසන බොරලැස්ගමුව පොලිස් වසමේ වේරහැර ප්‍රදේශයේ සිදුකළ වැටලීමකදී රුපියල් කෝටි දහයකට ආසන්න මත්ද්‍රව්‍ය තොගය සහ සැකකරුවෙක් අත්අඩංගුවට ගත් බව බස්නාහිර පළාත උතුර අපරාධ කොට්ඨාශයය පවසයි.
අත්අඩංගුවට ගත් සැකකරු සන්තකයේ තිබී අයිස් මත්ද්‍රව‍ය කිලෝ ග්‍රෑම් 05 ගෑම් 24 ක් අයිස් මත්ද්‍රව‍ය කිලෝ 01 ගෑම් 80 ක් විද්‍යුත් තරාදියක් හා ජාවාරමට යොදාගත් ජංගම දුරකථනයක්ද අත්අඩංගුවට ගත් බවද පොලිසිය පැවසීය.
බස්නාහිර පළාත උතුර අපරාධ කොට්ඨාසයේ රැඳයුම් නියෝග මත සිටින සැකකරුවකුගෙන් අනාවරණය වූ තොරතුරු මත බොරලැස්ගමුව පොලිස් වසමේ වේරහැර මැටි ශුද්දාගාර පාර ප්‍රදේශයේ නිවසක් වටලා සැකකරු අත්අඩංගුවට ගැනීමට යාමේදී සැකකරු මෙම මත්ද්‍රව‍ය තොගයත් රැගෙන පලායාමට තැත් කිරීමේදී දැඩි වෙහෙසක් දරා අත්අඩංගුවට ගත් බවයි පොලිසිය පවසන්නේ.
අත්අඩංගුවට ගත් සැකකරුගෙන් සිදුකළ ප්‍රශ්න කිරීමේදී මෙම මත්ද්‍රව්‍ය‍ය තොගය ඩුබායි රාජ්‍යයේ සැඟව සිටින සංවිධානාත්මක අපරාධකරුවන් හා ප්‍රමුඛ පෙළේ මත්ද්‍රව්‍ය ජාවාරම්කරුවන් වන ගගන හා චමිල් නමැත්තන්ට අයත් ඒවා බවට අනාවරණය වී ඇති බව වාර්තා වේ.
සැකකාර 42 හැවිරිදි පුද්ගලයා වසර 19 ක්ම අතුරුගිරිය ප්‍රදේශයේ වෙඩි ප්‍රහාරයකින් මියගිය ක්ලබ් වසන්ත නැමැත්තා යටතේ සේවය කල පුද්ගලයකු බවට සිදුකළ ප්‍රශ්න කිරීම් වලදී වැඩිදුරටත් අනාවරණය කළ බවද පොලිසිය පවසයි.
සැකකරු අධිකරණයට ඉදිරිපත් කර ලබාගත් රැඳවුම් නියෝග මත වැඩිදුරටත් ප්‍රශ්න කිරීමට නියමිත බවත් ඒ අනුව ඉදිරි විමර්ශන කටයුතු සිදුකිරීමට නියමිත බව පොලිසිය පැවසීය.
බස්නාහිර පළාත උතුර අපරාධ කොට්ඨාසයේ අධ්‍යක්ෂක සහකාර පොලිස් අධිකාරී ධර්මරත්න ස්ථානාධිපති ප්‍රධාන පොලිස් පරීක්ෂක පදුමසිරි මහත්වරුන්ගේ උපදෙස් මත පොලිස් පරීක්ෂක අංජන, මහතාගේ මෙහෙයවීමෙන් පොලිස් පරීක්ෂක සේනාධිර උප පොලිස් පරීක්ෂක සමරජිව පොලිස් සැරයන්වරුන්වන 46671 සම්පත් 1445 බටුවත්ත 73067 අනුරාධ පොලිස් කොස්තාපල්වරුන් වන 11713 අනුරාධ හා 26356 නිමල් මහත්වරුන් පරීක්ෂණ පවත්වයි.
- සමීර අබේසිංහ
සම්බන්ධිත පුවත් | Related News
ප්‍රධාන පුවත්
මාලිමා ආණ්ඩුව බටහිර "ප්‍රොක්සි" ආණ්ඩුවක්.. - ඥානසාර හිමි සිද්ධිය සහ රටේ වත්මන් තත්ත්වය ගැන වෛද්‍ය වසන්ත බණ්ඩාරගෙන් විශේෂ හෙළිදරව්වක්..
බලවත් ජාතීන්ගේ වුවමනා එපාකම් මත සිදුවන ගමන ආපසු හැරවිය නොහැකි බියකරු අන්තයකින් අවසන් විය හැකියි.. - මොහාන් සමරනායක අනතුරු අඟවයි
ඥානසාර හිමියන් වෙනුවෙන් "නිදහසේ පාද යාත්‍රාව" මහනුවර ශ්‍රී දළදා මාලිගාව අබියසින් ඇරඹෙයි..
බටහිර ද්විත්ව ප්‍රමිතිය හෙළි කළ ජාත්‍යන්තර නාටකය: ICC තහංචි සහ නවනීදන් පිල්ලේට නොබෙල් හිමිවීම..
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්