සුරේෂ් සලේ මාරාන්තික උපවාසයක.. රැඳවුම් භාරයේ සිදුවන දස වද ගැන ගම්මන්පිලගෙන් හෙළිදරව්වක්..
හිටපු රාජ්‍ය බුද්ධි සේවයේ ප්‍රධානී සුරේෂ් සලේ මහතා තමන් රඳවා සිටින බන්ධනාගාරය තුළ තමන්ට එල්ල වන දැඩි පීඩනයන්ට සහ අසාධාරණයන්ට එරෙහිව මාරාන්තික උපවාසයක් ආරම්භ කර ඇති බව වාර්තා වේ.
සුරේෂ් සලේ මහතා වෙත ජනාධිපතිවරයාගේ උපදෙස් මත පොලිස් නිලධාරීන් විසින් අමානුෂික ලෙස සලකන බවටත්, ඔහුට දරාගත නොහැකි බවටත් පිවිතුරු හෙළ උරුමයේ නායක, නීතීඥ උදය ගම්මන්පිල මාධ්‍ය හමුවක් අමතමින් ප්‍රකාශ කර සිටියේය.
සලේ මහතාගේ බිරිඳ සහ පුත්‍රයා කළ ඉල්ලීමකට අනුව මාධ්‍ය වෙත අදහස් දක්වමින් ගම්මන්පිල මහතා කියා සිටියේ, මෙම උපවාසයේදී ඔහු ආහාර පමණක් නොව ජීවත්වීමට අත්‍යවශ්‍ය ජලය සහ ඖෂධ ලබා ගැනීම පවා ප්‍රතික්ෂේප කර ඇති බවයි.
සලේ මහතා රඳවා සිටින ස්ථානයේ පවතින අමානුෂික තත්ත්වය පැහැදිලි කරමින් ගම්මන්පිල මහතා විශේෂ සිදුවීමක් අනාවරණය කළේය.
ඊයේ රාත්‍රියේ සලේ මහතාට ආහාර ලෙස ලබා දී ඇත්තේ රාබු හොදි සමඟ බත් හැන්දක් පමණක් බවත්, එය ලබා දී ඇත්තේ පිඟානකට නොව බිම එළන ලද පත්තර කොළයකට බවත් ඔහු සඳහන් කළේය. හොදිවලට පත්තර කොළය පෙඟී ඉරී යාම නිසා ආහාර සියල්ල බිම වැටී ඇති අතර, ඔහුට සිදුව ඇත්තේ බිම වැටුණු ආහාර අනුභව කිරීමට බවත් මෙයින් ඔහු දැඩි මානසික කඩාවැටීමකට ලක්ව ඇති බවත් ගම්මන්පිල මහතා පැවසීය.
අද දින පෙරවරුවේ සලේ මහතා බැලීමට ගිය ඔහුගේ සහෝදරයා සහ පුත්‍රයා හමුවේ ඔහු හඬා වැටෙමින් පවසා ඇත්තේ, "පොලීසිය මට සලකන්නේ බල්ලෙකුටත් වඩා අන්ත විදිහට. මෙහෙම කරන්න මම කරපු වරද මොකක්ද?" යනුවෙනි.
මෙවැනි අමානුෂික වදහිංසාවලට ලක්වෙමින් සහ බොරු චෝදනාවලට මැදිවෙමින් ජීවත් වීමට වඩා මියයාම සැපක් බව සලේ මහතා පොලිස් නිලධාරීන් හත් දෙනෙකු ඉදිරිපිටදීම ප්‍රකාශ කර ඇත.
සුරේෂ් සලේ මහතා රඳවා තබාගෙන සිටින්නේ අධිකරණ නියෝගයක් මත නොව, ත්‍රස්තවාදය වැළැක්වීමේ පනත යටතේ ජනාධිපතිවරයාට ලැබී ඇති බලතල අවභාවිත කරමින් නිකුත් කළ නියෝගයක් මත බව උදය ගම්මන්පිල මහතා මෙහිදී අවධාරණය කළේය.
සම්බන්ධිත පුවත් | Related News
ප්‍රධාන පුවත්
මාලිමා ආණ්ඩුව බටහිර "ප්‍රොක්සි" ආණ්ඩුවක්.. - ඥානසාර හිමි සිද්ධිය සහ රටේ වත්මන් තත්ත්වය ගැන වෛද්‍ය වසන්ත බණ්ඩාරගෙන් විශේෂ හෙළිදරව්වක්..
බලවත් ජාතීන්ගේ වුවමනා එපාකම් මත සිදුවන ගමන ආපසු හැරවිය නොහැකි බියකරු අන්තයකින් අවසන් විය හැකියි.. - මොහාන් සමරනායක අනතුරු අඟවයි
ඥානසාර හිමියන් වෙනුවෙන් "නිදහසේ පාද යාත්‍රාව" මහනුවර ශ්‍රී දළදා මාලිගාව අබියසින් ඇරඹෙයි..
බටහිර ද්විත්ව ප්‍රමිතිය හෙළි කළ ජාත්‍යන්තර නාටකය: ICC තහංචි සහ නවනීදන් පිල්ලේට නොබෙල් හිමිවීම..
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්