දේශපාලනයට පිවිසීමේ කිසිම බලාපොරොත්තුවක් නෑ..- ජෙනරාල් ශවේන්ද්‍ර සිල්වා
තමන් උතුරු මැද පළාතේ මහ ඇමති ධුරය සඳහා තරග වදිමින් දේශපාලනයට අවතීර්ණ වන බවට සමාජ මාධ්‍ය ඔස්සේ සංසරණය වූ පුවත සම්පූර්ණයෙන්ම සාවද්‍ය බවත්, සක්‍රීය දේශපාලනයට පිවිසීමේ කිසිදු සූදානමක් තමන් තුළ නොමැති බවත් හිටපු යුද හමුදාපති ජෙනරාල් ශවේන්ද්‍ර සිල්වා අවධාරණය කරයි.
“ජාතික වීරයා උතුරු මැද පළාතෙන් මහ ඇමති සටනට!” යනුවෙන් ඔහුගේ රුව සහිතව පළ වූ මෙම ප්‍රචාරක පෝස්ටරය හේතුවෙන් ඔහු දේශපාලන ක්ෂේත්‍රයට පිවිසීමට සූදානම් වන බවට පසුගියදා සමාජය තුළ දැඩි කතාබහක් සහ වැරදි මතයක් නිර්මාණය වී තිබුණි.
මෙම ව්‍යාජ ප්‍රචාරයන් සම්බන්ධයෙන් අදහස් දක්වමින් හිටපු හමුදාපතිවරයා කියා සිටියේ, කිසිදු දේශපාලන පක්ෂයක් සමඟ එක්වීමට හෝ පක්ෂ දේශපාලන කටයුතුවල නිරත වීමට තමන්ට කිසිදු අදහසක් නොමැති බවයි. ජාත්‍යන්තර ආරක්ෂක සමුළුවකට සහභාගී වීම සඳහා දැනට චීනයේ රැඳී සිටින ඔහු විශේෂ ප්‍රකාශයක් සිදුකරමින් මෙම කරුණු පැහැදිලි කළේය.
සක්‍රීය දේශපාලනය ප්‍රතික්ෂේප කළද, මව්බිම වෙනුවෙන් ඕනෑම අවස්ථාවක අවශ්‍ය වගකීම් පැවරෙන්නේ නම් ඒ සඳහා කැපවීමට තමන් සැම විටම සූදානම් බව හිටපු යුද හමුදාපතිවරයා ප්‍රකාශ කළේය. දේශපාලන බලලෝභිත්වයෙන් තොරව, ජාතික ආරක්ෂාව සහ රටේ අනාගත අභිවෘද්ධිය උදෙසා කළ හැකි සෑම සේවයක්ම ඉටුකිරීම තම මූලික පරමාර්ථය බව ඔහු තව දුරටත් පෙන්වා දුන්නේය.
එහිදී තමන්ගේ ප්‍රමුඛතම කාර්යය වන්නේ දශක කිහිපයක් තිස්සේ පැවති කුරිරු යුද්ධය හේතුවෙන් පීඩාවට පත් වූ සහ ජීවිතාන්තය දක්වා ආබාධිත තත්ත්වයට පත් වූ රණවිරුවන්ගේ මෙන්ම ඔවුන්ගේ පවුල්වල සාමාජිකයන්ගේ සුබසාධනය වෙනුවෙන් පෙනී සිටීම බව සිහිපත් කළ ඒ මහතා, එම උදාර සේවය තම හදවතට ඉතා සමීප කාර්යයක් වන බව ද පැවසීය.
එල්.ටී.ටී.ඊ. ත්‍රස්තවාදයට එරෙහිව ශ්‍රී ලංකා සන්නද්ධ හමුදා දියත් කළ මානුෂීය මෙහෙයුම පිළිබඳව ද මෙහිදී අදහස් දැක්වූ ජෙනරාල් ශවේන්ද්‍ර සිල්වා, ආරක්ෂක අංශ සටන් වැදුණේ කිසිදු ජනවාර්ගික ප්‍රජාවකට එරෙහිව නොව සමස්ත රටම වෙළාගෙන තිබූ බිහිසුණු ත්‍රස්තවාදයට එරෙහිව පමණක් බව නැවත වරක් සිහිපත් කළේය.
එහෙත් අවාසනාවකට මෙන්, ඇතැම් බටහිර රටවල් කිසිදු පැහැදිලි හෝ වාස්තවික සාක්ෂියකින් තොරව ශ්‍රී ලාංකික රණවිරුවන්ට එරෙහිව අසාධාරණ ලෙස කටයුතු කරමින් සිටින බවත්, ජාත්‍යන්තර ප්‍රජාව මෙම සත්‍යය තේරුම් නොගැනීම කනගාටුවට කරුණක් බවත් ඔහු සඳහන් කළේය.
ශ්‍රී ලංකා හමුදාවේ ක්‍රියාමාර්ග සම්පූර්ණයෙන්ම යොමු වී තිබුණේ ත්‍රස්තවාදය පරාජය කර රටේ භෞමික අඛණ්ඩතාව සහ දෙමළ ජනතාව ඇතුළු සමස්ත වැසියන්ගේ ජීවත්වීමේ අයිතිය සුරක්ෂිත කිරීම සඳහා මිස, සිවිල් වැසියන් ඉලක්ක කරගනිමින් නොවන බව ඒ මහතා ස්ථිරවම කියා සිටියේය.
එබැවින් යුද සමයේදී රට වෙනුවෙන් ජීවිතය සහ තරුණ කාලය කැප කළ රණවිරුවන් දෙස ජාත්‍යන්තරය වඩාත් සාධාරණ සහ සමබර දෘෂ්ටිකෝණයකින් බැලිය යුතු කාලය එළඹ ඇති බව පවසමින් ජෙනරාල් ශවේන්ද්‍ර සිල්වා ප්‍රකාශ කරයි.
සම්බන්ධිත පුවත් | Related News
ප්‍රධාන පුවත්
මාලිමා ආණ්ඩුව බටහිර "ප්‍රොක්සි" ආණ්ඩුවක්.. - ඥානසාර හිමි සිද්ධිය සහ රටේ වත්මන් තත්ත්වය ගැන වෛද්‍ය වසන්ත බණ්ඩාරගෙන් විශේෂ හෙළිදරව්වක්..
බලවත් ජාතීන්ගේ වුවමනා එපාකම් මත සිදුවන ගමන ආපසු හැරවිය නොහැකි බියකරු අන්තයකින් අවසන් විය හැකියි.. - මොහාන් සමරනායක අනතුරු අඟවයි
ඥානසාර හිමියන් වෙනුවෙන් "නිදහසේ පාද යාත්‍රාව" මහනුවර ශ්‍රී දළදා මාලිගාව අබියසින් ඇරඹෙයි..
බටහිර ද්විත්ව ප්‍රමිතිය හෙළි කළ ජාත්‍යන්තර නාටකය: ICC තහංචි සහ නවනීදන් පිල්ලේට නොබෙල් හිමිවීම..
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්