මෙවර IMF නිවේදනය ඉතා භයානක එකක්.. - මහින්ද පතිරණගෙන් අනාවරණයක්

Jun 2, 2026 at 10:20 AM

|

Lanka Leader

මෙවර IMF නිවේදනය ඉතා භයානක එකක් බවත්, රටේ ආර්ථික වර්ධනය  3%ට වැටීම යනු අනාගතයක් ගැන සිතාගැනීමට නොහැකි තත්ත්වයක් බවත් ආචාර්ය මහින්ද පතිරණ මහතා පවසයි.

සිය සමාජ මාධ්‍ය ගිනුමේ සටහනක් තබමින් ඒ මහතා පෙන්වා දෙන්නේ මහබැංකුව ගත් ආර්ථිකයේ බෙල්ල හිර කිරීමේ ක්‍රියාමාර්ග නිසා මෙම තත්ත්වය තවත් වර්ධනය වන බවයි.

සිය සමාජ මාධ්‍ය ගිනුමේ ඔහු තබා ඇති සටහන පහළින්..

"මෙවර IMF නිවේදනය ඉතාම භයානක එකක්. අනුර මේව කියවනව කියල මම හිතන්නෙ නැහැ. ඔහුට මේව කවුරුහරි පැහැදිලි කරල දෙන්න සිංහලෙන්. අපේ ආර්ථික වර්ධනය මේ අවුරුද්දෙ ඉඳල 3%ට වැටෙනවා කියන්නෙ අපට අනාගතයක් ගැන හිතන්න බැහැ කියන එක. දැන් මහබැංකුව ගත්ත ආර්ථිකයේ බෙල්ල හිර කිරීමේ ක්‍රියාමාර්ග නිසා මේක තවත් පහළ වැටෙනවා. ගොඩක් අය බිස්නස් වහල දායි. මොකද ණය ගන්න බැරි පරිසරයක් හැදුවා. ඒ කියන්නෙ ආර්ථිකය ප්‍රසාරණය වෙන්න තිබුණ අවම කොන්දේසිත් ඉවත් කළා. මේ වැනිම තත්ත්වයක් තමා 2019 අග තිබුනෙ. වර්ධනය 2%යි. ගෝඨාභය බදු ඉවත් කරල ආර්ථිකය ප්‍රසාරණය වෙන්න ඉඩ හරිනකොට තමා කෝවිඩ් ආවේ. ඒකෙන් සියල්ල කණපිට හැරුණා. 

හැබැයි මේ ආණ්ඩුව එවැනි නිර්භීත ක්‍රියාමාර්ගයක් ගන්නේ නැ. ඒ IMF එකෙන් ලැබෙන අතමාරුව නිැති වෙන නිසා. හැබැයි ප්‍රශ්නය තියෙන්නෙ අපි මෙහෙම ගිහිං වර්ධනය නොවෙන පසුබිමක IMF සොච්චම නොලැබෙන, එම ණය ගෙවන්නට එනකොට කොහොමද ගෙවන්නෙ කියන එක. අලුතින් මැජික් ආයෝජන ඩොලර් බිලියන 4-5ක් එන්නෙ නැතුව මේ තියෙන තත්ත්වය වෙනස් වෙන්නෙ නැහැ. එක්කෝ අපට ආපහු රට බංකොලොත් කරන්න වෙනවා නැත්නම් ආපහු IMF ණයකට යන්න වෙනවා. ප්‍රශ්නය තියෙන්නෙ එහෙම යන්න යන්න අපි තවත් මේ උගුලෙ හිරවෙන එක."