රටට හොද විපක්ෂයක් ඕන.. ලංකාවේ රුපියල කඩා වැටෙන ඇත්ත කතාව කිසිවෙක් කියන්නේ නෑ.. - උවිඳු විජේවීර

May 26, 2026 at 05:46 AM

|

Lanka Leader

"මේ බංකොලොත් විපක්ෂය ජනතාව විසින් ප්‍රතික්ෂේප කරලා ඉවරයි.විපක්ෂය දකින්නේ හීන.ඒ විපක්ෂයට තව ටික දවසකින් මහ උලු ගෙදරට වෙලා හීන දකින්න පුලුවන්.

පාර්ලිමේන්තුවේ ඉන්න විපක්ෂය තරම් දේශපාලනයේ අ යන්න තේරෙන්නේ නැති අය නෑ.විපක්ෂය සැබෑ ජනතා ප්‍රශ්න ආමන්ත්‍රණය කරන්නේ නෑ." යැයි දෙවන පරපුර දේශපාලන පක්ෂයේ නායක උවිඳු විජේවීර මහතා පවසයි.

ඒ මහතා මාධ්‍ය හමුවක් අමතමින් සිදුකළ කතාව පහතින්..

"ආර්ථික වශයෙන් අපි හමුවේ තියන අර්බුදය විශාලයි. මේ ආණ්ඩුව හිතනවා අර්බුදයකට යන්නේ නෑ කියලා.කලින් ආණ්ඩු හිතුවෙන් එහෙමයි.

ඩොලර් එක ශක්තිමත් වෙලත් නෑ. ඩොලර් එකත් කඩා වැටෙන වෙලාවක් මේක.

ලංකාවේ රුපියල කඩා වැටෙන ඇත්ත කතාව කිසිවෙක් කියන්නේ නෑ.

මේ ආණ්ඩුවත් කලින් හිටපු අයත් කිව්වේ බලය ගත්තම ආර්ථික ප්‍රශ්න විසදනවා කියලයි.තවම ජාවාරම්කාර ව්‍යාපාරිකයන් රකිනවා.

හෝමුස් ප්‍රශ්නෙ යුධමය තත්වය මේ ආර්ථික ප්‍රශ්නයට එක හේතුවක් පමණයි.

ජනාධිපතිතුමා කියනවා තෙල් පරිස්සම් කරගන්නලු.අපි අහන්නේ ඇයි රුසියාවෙන් තෙල් ගන්නේ නැත්තේ කියලා. ජනාධිපතිතුමා තමා කියපු දේවත් ක්‍රියාත්මක කරගන්න බැරි වෙලා.

ඩොලර් 750 ට ඩීසල් අරන් රට අර්බුදයකට පත් නොකර රුසියාවෙන් තෙල් ගත යුතුයි.

මේ රටේ ආර්ථිකය විනාශ කරන තැනට පලවෙනි ඇනේ ගැහුවේ ජේ ආර් ජයවර්ධන ලිබරල් ධනවාදී ආර්ථික ක්‍රමය මේක.

ඩොලර් බිලියන කීයක් එලියේ රදවාගෙන ඉන්නවාද.ජනාධිපතිතුමාට කරට අතදාගෙන ඉන්න ව්‍යාපාරිකයන් කීදෙනෙක් නම් ඩොලර් පිටරට හංගන් ඉන්නවද. මේ රටට එන්නේ මැදපෙරදිග කොරියාවේ ඉන්න අහිංසක තරුණ තරුණියන්ගේ සල්ලි.

ඒ විතරක් නෙවෙයි ඔය ව්‍යාපාරිකයින්ම තමයි ඒ සොච්චම් ඩොලර් ටික ආයි භාණ්ඩ ගේන්න පිටරටට යවන්නේ.

කල ලොකු වරදක් වාහන් ආනයනය කිරීම. රුපියල කඩා වැටෙන්නේ මේ නිසයි. විදෙස් විනිමය පනත හදලා තියෙන්නේ ජාවාරම්කාරයින්ට අවශ්‍ය විදියටයි.

මේ ආණ්ඩුවට වෙන්නේ ගෝඨාභයට වෙච්ච වැඩේමයි.

මේ රටේ නිශ්පාදන ආර්ථිකය ශක්තිමත් කරන්න ඕන.

යහපාලන ආණ්ඩු කාලයේ ගතපු ණය ටික නිසයි මේ රටට විශාල ආර්ථික ප්‍රශ්නයක් ආවේ.යුද්ධය කාලෙවත් ගතපු නැති ණය ගත්තේ යහපාලන කාලයේ.දැන් ඒ අය ආර්ථික ඔස්තාර්ලා වෙලා.

ඒ වගේම මේ බංකොලොත් විපක්ෂය ජනතාව විසින් ප්‍රතික්ෂේප කරලා ඉවරයි.විපක්ෂය දකින්නේ හීන.ඒ විපක්ෂයට තව ටික දවසකින් මහ උලු ගෙදරට වෙලා හීන දකින්න පුලුවන් .

පාර්ලිමේන්තුවේ ඉන්න විපක්ෂය තරම් දේශපාලනයේ අ යන්න තේරෙන්නේ නැති අය නෑ.විපක්ෂය සැබෑ ජනතා ප්‍රශ්න ආමන්ත්‍රණය කරන්නේ නෑ.

රටට දැන් විකල්ප විපක්ෂයක් අවශ්‍යයි.

ජනතාව ඉස්සෙල්ලාම ගහලා පන්නන්නේ විපක්ෂයට. අපි කතා කරන්නෙ ප්‍රශ්නෙ විතරක් නෙවෙයි අපි උත්තරයත් කතා කරනවා.

මේ විපක්ෂය පාලන බලයේ ඉන්නකොට කරපු දේවල් හැමෝම දන්නවා.

ජනතාව මේ ආණ්ඩුව පත් කලේ දූෂිතයන්ට දඩුවම් දෙන්න.

ඒ දඩුවම් දෙනකොට නහයෙන් අඩන එක සාධාරණයි. විපක්ෂයට විපක්ෂයේ කාර්ය කරන්න බෑ කලින් කරපු වැරදි එලියට එනවා. ඒ නිසා විපක්ෂය මර්ධනය වෙලා. රටට හොද විපක්ෂයක් ඕන."