මහා මාර්ග අමාත්‍යාංශ ලේකම්ට එරෙහිව ශ්‍රේෂ්ඨාධිකරණ නියෝගයක්..
ප්‍රවාහන, මහාමාර්ග, වරාය හා සිවිල් ගුවන් සේවා අමාත්‍යාංශය අතිරේක ලේකම්වරයා වශයෙන් පත් කළ ඩබ්ලිව්.එස්. සත්‍යානන්ද මහතාගේ සේවය අවශ්‍ය නොවන බව සඳහන් කරමින් එම නිලධාරියා අවමානයට හා මානසික කනස්සල්ලට ලක්කිරීම තුළින් එම අමාත්‍යාංශයේ ලේකම් මහාචාර්ය කපිල පෙරේරා මහතා විසින් එම නිලධාරියාගේ මූලික මිනිස් අයිතිවාසිකම් උල්ලංඝනය කිරීමක් සිදුකර ඇතැයි ශ්‍රේෂ්ඨාධිකරණය තීන්දු කර තිබුණි.
තමන්ට සිදුවූ අසාධාරණය වෙනුවෙන් එම අතිරේක ලේකම්වරයා විසින් ගොනුකළ මූලික අයිතිවාසිකම් පෙත්සමක් විභාග කිරීමෙන් අනතුරුව ආචාර්ය සෝභිත රාජකරුණා, ජනක් ද සිල්වා යන විනිසුරුවරුන්ගේ එකඟත්වය ඇතිව ශ්‍රේෂ්ඨාධිකරණ විනිසුරු අර්ජුන ඔබේසේකර මහතා විසින් මෙම තීන්දුව පෙරේදා (19) ප්‍රකාශයට පත් කළේය.
පෙත්සම්කරු සඳහන් කළේ, තමා ශ්‍රී ලංකා පරිපාලන සේවයේ විශේෂ සේවයේ නිලධාරියකු වන අතර වසර 30ක් පමණ රාජ්‍ය පරිපාලන සේවයේ විවිධ තනතුරු දරා තිබෙන බවය.
2024 වසරේ දෙසැම්බර් මස 18 වනදා රාජ්‍ය පරිපාලන අමාත්‍යංශය මඟින් නිකුත් කළ ලිපියක් මඟින් තමන්ව ප්‍රවාහන මහාමාර්ග වරාය හා සිවිල් ගුවන් සේවා අමාත්‍යාංශය අතිරේක ලේකම් තනතුරට පත් කෙරුණු බව ඔහු පෙත්සමේ සඳහන් කර තිබුණි.
ඉන් අනතුරුව 2024 වසරේ දෙසැම්බර් මස 18 වනදා තමන් සේවයට වාර්තා කළ බවත් ඔහු කියා සිටියේය.
එදින දහවල් 12.30 පමණ තම කාමරයට පැමිණි වගඋත්තරකාර අමාත්‍යාංශ ලේකම්වරයා තම සේවය අවශ්‍ය නොවන බවත් කාර්යාලයෙන් පිටව යන ලෙස දැනුම් දුන් බවත් පෙත්සම්කරු සිය පෙත්සමෙන් චෝදනා කර තිබුණි.
එහිදී වගඋත්තරකාර අමාත්‍යංශ ලේකම්වරයා උසස් නිලධාරියකුට සුදුසු නොවන ආකාරයෙන් කටයුතු කළ බවත් මේ තුළින් තමා අවමානයට මෙන්ම දැඩි මානසික කනස්සල්ලට පත් වූ බවත් සිය පෙත්සම තුළින් පෙන්වා දී තිබුණි.
වගඋත්තරකාර අමාත්‍යංශ ලේකම්වරයාගේ ක්‍රියා කලාපය තුළින් සිය මූලික මිනිස් අයිතිවාසිකම් උල්ලංඝනය වී ඇති බවට තීන්දුවක් ලබා දෙන ලෙස ඉල්ලා ඔහු මෙම මූලික අයිතිවාසිකම් පෙත්සම ගොනුකළේය.
සෙසු විනිසුරුවරුන්ගේ එකඟත්වය ඇතිව තීන්දුව ප්‍රකාශයට පත් කළ විනිසුරු අර්ජුන ඔබේසේකර මහතා 2022 වසරේ දෙසැම්බර් 14 වන දා නිකුත් කළ අංක 2310/29 දරන අති විශේෂ ගැසට් පත්‍රයේ රජ්‍ය සේවා කොමිෂන් සභාවේ ක්‍රියා පටිපාටික රීතිවල 107 වන රීතියට අනුව අතිරේක ලේකම්වරයෙකු පත් කිරීමේ බලය රාජ්‍ය සේවා කොමිෂන් සභාවේ විෂය පථයට අයත් බව පෙන්වා දුන්නේය.
එම රීතිවල අන්තර්ගත 61 වගන්තියට අනුව පුද්ගලයෙකු නීත්‍යානුකූල රාජකාරියක් ඉටු කිරීමේදී හැර සෘජුව හෝ වක්‍රව රාජ්‍ය සේවා කොමිෂන් සභාවේ හෝ එහි කමිටුවක් යටතේ බලය පවරා තිබෙන රාජ්‍ය නිලධාරියෙකුගේ තීරණයකට බලපෑම් කරන හෝ බලපෑම් කිරීමට උත්සාහ කරන හෝ බාධා කරන ඕනෑම පුද්ගලයෙකු වරදකට වරදකරු වන බවත් එසේ වරදකරු වූ විට රුපියල් ලක්ෂයක් නොඉක්මවන දඩයකට හෝ වසර හතක් නොඉක්මවන කාලයක් සඳහා සිර දඬුවමකට හෝ එම දඬුවම් දෙකටම වුවද යටත්වීමට සිදුවන බවත් තීන්දුවේ සඳහන් කර තිබුණි.
ඒ අනුව අදාළ තනතුර සඳහා පෙත්සන්කරුව රාජ්‍ය සේවා කොමිෂන් සභාව මගින් පත්කර තිබියදී වග උත්තරකාර අමාත්‍යංශය ලේකම්වරයා එම තීරණයට මැදිහත් වීම තුළින් රාජ්‍ය සේවා කොමිසමේ බලතලවලට ඇඟිලි ගසා තිබෙන බවත් එය නීතියේ ආධිපත්‍යය අඩපණ කිරීමක් බවත් තීන්දුවේ සඳහන් කර තිබේ.
මෙම ක්‍රියාව තුළින් වගඋත්තරකාර අමාත්‍යාංශ ලේකම්වරයා ජනතාව ඔහු කෙරෙහි තබා තිබෙන විශ්වාසය උල්ලංඝනය කර තිබෙන බවත් තීන්දුවේ සඳහන් වුණි.
වැඩිදුරටත් තීන්දුව ප්‍රකාශයට පත්කළ විනිසුරුවරයා "රාජ්‍ය නිලධාරියෙකු යනු ජනතාවගේ භාරකරුවකු බවත් ඔහුට පැවරී ඇති බලතල විශ්වාසය මත ක්‍රියාත්මක කළ යුතු බව මතක තබා ගත යුතුයි. සෑම රාජ්‍ය නිලධාරියෙකුගෙන්ම එවැනි හැසිරීමක් අපේක්ෂා කිරීමට මෙරට ජනතාවට අයිතියක් ඇත. අමාත්‍යාංශ ලේකම්වරයෙකුට අධීක්ෂණ බලතල පැවරී තිබුණද රාජ්‍ය නිලධාරීන් පත් කිරීම සහ මාරු කිරීම සම්බන්ධයෙන් වූ රාජ්‍ය සේවා කොමිසමේ බලතලවලට මැදිහත් වීම හෝ ඒවා තමා යටතට පවරා ගැනීමට උත්සාහ කිරීම බරපතළ කරුණක්. එය රාජ්‍ය සේවා කොමිසමට පැවරී ඇති ව්‍යවස්ථාපිත බලතල උල්ලංඝනය කිරීමක්." යනුවෙන් ප්‍රකාශ කළේය.
ඒ අනුව වගඋත්තරකාර අමාත්‍යංශය ලේකම්වරයා පෙත්සම්කරුට මිනිසෙකු වශයෙන් මෙන්ම රාජ්‍ය නිලධාරියකු වශයෙන් භුක්ති විඳීමට ඇති ගෞරවනීය අයිතිය උල්ලංඝනය කර ඇති බවත් ඒ තුළින් ඔහු ආණ්ඩුක්‍රම ව්‍යවස්ථාවේ 12(1) ව්‍යවස්ථාව මඟින් සහතික කර තිබෙන නීතිය ඉදිරියේ සමාන සැලකිලි ලැබීමට තිබෙන මූලික මිනිස් අයිතිය උල්ලංඝනය කර තිබෙන බවත් ශ්‍රේෂ්ඨාධිකරණය තීන්දු කළේය.
වග උත්තරකාර අමාත්‍යංශය ලේකම්වරයාගේ අත්තනෝමතික ක්‍රියාමාර්ග හේතුවෙන් පෙත්සම්කරුට අත්විඳීමට සිදු වූ අගෞරවය සහ නින්දාව කිසිදු ආකාරයකින් යථා තත්ත්වයකට පත් කළ නොහැකි බව තම අදහස යැයි සඳහන් කළ ශ්‍රේෂ්ඨාධිකරණය ඒ අනුව වන්දි හෝ නඩු ගාස්තු සම්බන්ධයෙන් නියෝගයක් නිකුත් නොකරන බවත් තීන්දුවේ වැඩිදුරටත් සඳහන් කර තිබේ.
- අද දෙරණ
සම්බන්ධිත පුවත් | Related News
ප්‍රධාන පුවත්
මමත් මාලිමාවට රැවටුනා.. ඥානසාර හාමුදුරුවෝ හිරේ ඉන්නකොට ගැටුමක් ඇතිකරලා කරන්න හදපු දේත් අපිට ආරංචි වුනා.. - මහාචාර්ය පූජ්‍ය පාතේගම ඤානිස්සර හිමිගෙන් ප්‍රබල අනාවරණයක්..
රුසියාවෙන් ඇමරිකාවට ඩීසල්.. ට්‍රම්ප් සහ පුටින් අතර ඓතිහාසික ගිවිසුමක්.. - යුක්රේනයට අලුත් ජනපති කෙනෙක් පත් කරගන්නැයි ට්‍රම්ප් කියයි
2022න් පස්සෙ ළමා රෝහලට ඩොනේෂන් ගත්තේ නැතිනම් ලැබිච්ච දේවල් වලට මොකද වුනේ?.. 2026 ඔක්තෝබර් වෙනකල් තොරතුරු වෙබ් අඩවියේ තිබුනා.. ඒත් දැන් නෑ.. - වෛද්‍ය චමල් සංජීවගෙන් බරපතළ හෙළිදරව්වක්..
ඥානසාර හිමිට දුන් ජනපති සමාව ගැන රනිල් හෙළි කරයි..
මාලිමා ආණ්ඩුව බටහිර "ප්‍රොක්සි" ආණ්ඩුවක්.. - ඥානසාර හිමි සිද්ධිය සහ රටේ වත්මන් තත්ත්වය ගැන වෛද්‍ය වසන්ත බණ්ඩාරගෙන් විශේෂ හෙළිදරව්වක්..
බලවත් ජාතීන්ගේ වුවමනා එපාකම් මත සිදුවන ගමන ආපසු හැරවිය නොහැකි බියකරු අන්තයකින් අවසන් විය හැකියි.. - මොහාන් සමරනායක අනතුරු අඟවයි
ඥානසාර හිමියන් වෙනුවෙන් "නිදහසේ පාද යාත්‍රාව" මහනුවර ශ්‍රී දළදා මාලිගාව අබියසින් ඇරඹෙයි..
බටහිර ද්විත්ව ප්‍රමිතිය හෙළි කළ ජාත්‍යන්තර නාටකය: ICC තහංචි සහ නවනීදන් පිල්ලේට නොබෙල් හිමිවීම..
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි