ඊශ්‍රායලයට ඇමරිකානු මුදල් අවශ්‍ය නැහැ- නෙතන්යාහු පවසයි

May 11, 2026 at 12:04 PM

|

Lanka Leader

ඊශ්‍රායල අගමැති බෙන්ජමින් නෙතන්යාහු ඉදිරි දශකය තුළ තම රට ඇමරිකානු මූල්‍ය ආධාරවලින් යැපීමෙන් විතැන් වීමට සැලසුම් කරන බව ප්‍රකාශ කර ඇති අතර, ඇමරිකානු ජනතාවගෙන් ඊශ්‍රායලයට ලැබෙන සහයෝගය අහිමි කිරීම සඳහා සමාජ මාධ්‍ය ක්‍රියාකාරකම්  වලට දොස් පැවරීමද කරනු ලැබීය.

දෙවන ලෝක යුද්ධයෙන් පසු එක්සත් ජනපද විදේශ ආධාර විශාල වශයෙන් ලබන රට ඊශ්‍රායලය වන අතර, 1948 සිට වොෂින්ටනයෙන් ඩොලර් බිලියන 300 කට වඩා ආර්ථික හා මිලිටරි ආධාර ඊශ්‍රායලය ලබාගෙන ඇත.

ඊශ්‍රායලය සහ අමෙරිකාව 2016 වර්ෂයේදී අත්සන් කරන ලද දස අවුරුදු ගිවිසුමක් යටතේ, එක්සත් ජනපදය 2028 දක්වා ඊශ්‍රායලයට ඩොලර් බිලියන 38 ක මිලිටරි ආධාර ලබා දුන් අතර, අයන් ඩෝම් මිසයිල ආරක්ෂක පද්ධතිය සඳහා ඩොලර් බිලියන 5 ද එම ආධාර වලට ඇතුලතව තිබේ. සමස්තයක් වශයෙන්, ඇමරිකානු ආධාර ඊශ්‍රායලයේ මිලිටරි අයවැයෙන් දළ වශයෙන් 16% ක පංගුවකට දායක වේ.

ඉරිදා විකාශය වූ CBS හි 60 Minutes සමඟ පැවති සම්මුඛ සාකච්ඡාවකදී, යුදෙව් රාජ්‍යය වොෂින්ටනය සමඟ එහි මූල්‍ය සම්බන්ධතාවය "නැවත පරීක්ෂා කර නැවත සකස් කිරීමට" කාලය පැමිණ තිබේදැයි නෙතන්යාහුගෙන් විමසූ විට

"නියත වශයෙන්ම" යනුවෙන් පැවසීය. "මම මේ සම්බන්ධයෙන් ජනාධිපති ට්‍රම්ප්ට පැවසූවා. මම එය අපේම ජනතාවටත් පැවසුවා. ඔවුන් පුදුමයට පත් වූවා." ඔහු පිළිතුරු දුන්නේය.

"අපට ඇති මිලිටරි සහයෝගීතාවයේ මූල්‍ය සංරචකය වන ඇමරිකානු මූල්‍ය සහයෝගය ශුන්‍ය කිරීමට මට අවශ්‍යයි," අගමැති නෙතන්යාහු පැවසීය. ක්‍රියාවලිය "දැන් ආරම්භ කර" "ඉදිරි වසර දහය තුළ" සම්පූර්ණ කළ යුතුයි ඔහු අවධාරණය කළේය.

ඇමරිකා එක්සත් ජනපදය තුළ ඊශ්‍රායලයට දක්වන සහයෝගය පහත වැටීම පිළිබඳව තමා හොඳින් දන්නා බව නෙතන්යාහු සඳහන් කළේය. මෑත කාලීන කළ මත විමසුමකින් පෙන්නුම් කළේ ඇමරිකානුවන් දස දෙනෙකුගෙන් හය දෙනෙකු ඊශ්‍රායලය කෙරෙහි ඉතා හෝ තරමක් අහිතකර දැක්මක් ඇති බවයි, එය පසුගිය වසරේ සිට සියයට හතකින් සහ 2022 ට සාපේක්ෂව සියයට 20 කට ආසන්න ප්‍රමාණයකින් එම තත්වය වැඩි වී ඇත.

ගාසා හි යුද්ධය "ඊශ්‍රායලය පිළිබඳ මෙම නිෂේධාත්මක හැඟීමට දායක වී ඇති" බවට ඇති මතය ඊශ්‍රායල අගමැතිවරයා සම්පූර්ණයෙන්ම ප්‍රතික්ෂේප කළ අතර, මෙම තත්වයට සම්පූර්ණයෙන්ම පාහේ සමාජ මාධ්‍ය වගකිවයුතු බවට දොස් පැවරීය.

"ඊශ්‍රායලය ජන මාධ්‍ය තුල මෙන්ම ප්‍රචාරක ක්ෂේත්‍රය තුල වැටලීමට ලක්ව ඇති අතර, අපි ප්‍රචාරක යුද්ධයට හොඳින්මුහුණ දී නැහැ." ඔහු පැවසීය. “ඊශ්‍රායලය කෙරෙහි ඇමරිකානු අනුකම්පාව බිඳ දැමීම සඳහා ව්‍යාජ ලිපින සහිත බොට් තවාන් සමඟ සමාජ මාධ්‍ය හැසිරවූ රටවල් කිහිපයක් සම්බන්ධයෙන් තොරතුරු අප සතුව තිබෙනවා.”

ඔක්තෝබර් 7 වන දින මාරාන්තික හමාස් ප්‍රහාරයෙන් ආරම්භ වූ ගාසා තීරයේ ඊශ්‍රායල යුද්ධයේදී පලස්තීනුවන් 71,000 කට වැඩි පිරිසක් මිය ගොස් ඇත. ලෙබනනයේ සහ ඉරානයේ ඊශ්‍රායල හමුදා මෙහෙයුම් ද විශාල සිවිල් මරණ සංඛ්‍යාවක් ඇති කිරීමට හේතු වී ඇති අතර, ඇමරිකානු මහජනතාව මෙන්ම කීර්තිමත් මාධ්‍යවේදියෙකු වන ටකර් කාල්සන්, මෙගින් කෙලී සහ කැන්ඩේස් ඕවන්ස් ඇතුළු ප්‍රමුඛ දේශපාලන විචාරකයින් ඉශ්‍රායල හැසිරීම සම්බන්ධයෙන් විවේචන එල්ල කර තිබේ.

පසුගිය මාර්තු මාසයේදී, එක්සත් ජනපද සෙනෙට් සභික බර්නි සැන්ඩර්ස් ඊශ්‍රායලයට ඩොලර් මිලියන 660 කට ආසන්න අවි අලෙවිය අවහිර කිරීමට ඉල්ලා යෝජනා තුනක් ඉදිරිපත් කළ අතර, ඩිමොක්‍රටික් පක්ෂයෙන් හතරෙන් තුනක් සහ ස්වාධීන පක්ෂයෙන් තුනෙන් දෙකක් වොෂින්ටනය ඊශ්‍රායලයට ආයුධ යැවීමට විරුද්ධව තර්ක කළහ.