රුසියාව සහ චීනය දෙරට අතර ගනු දෙනු වලදී ඩොලර් භාවිතයෙන් ඉවත් වුනා - රුසියානු අග්‍රාමාත්‍ය මිහායිල් මිෂුස්ටින්

Dec 23, 2023 at 10:41 AM

|

Lanka Leader

රුසියානු අග්‍රාමාත්‍ය මිහායිල් මිෂුස්ටින්ට අනුව දෙරට අතර අතර සියලුම ගනුදෙනු මේ වන විට රුබල් සහ යුවාන් වලින් පමණක් සිදු කරන බැවින් බටහිර මුදල් ඒකක රුසියානු-චීන වෙළඳ ගනු දෙනු වලදී භාවිතය  සම්පූර්ණයෙන්ම නවතා දමා ඇත.

පසුගිය 19 වනදා ඔහුගේ චීන සගයා  වන Li Qiang සමඟ පැවති සාකච්ඡාවක් අතර තුර මාධ්‍ය වෙත අදහස් දක්වමින් ඔහු මෙම ප්‍රකාශය සිදු කරන ලදී. සැලසුම් කරන ලද රුසියානු සහ චීන රජයේ ප්‍රධානීන්ගේ රැස්වීමකට සහභාගි වීම  සඳහා රුසියානු අග්‍රාමාත්‍යවරයා මේ වන විට බීජිං හි දෙදින සංචාරයක නිරත වේ.

“අපි අන්‍යෝන්‍ය රටවල ජාතික මුදල් ඒකක වලින් කරන ගනු දෙනු  කොටස අඛණ්ඩව වැඩි කරනවා. 2020 දී මෙම අගය 20% ක් පමණ වූවා . මේ වසරේ දී  අපි එකිනෙකා අතර කරන ගනු දෙනු වලදී තුන්වන රටක මුදල් වර්ග භාවිතය සම්පූර්ණයෙන්ම ඉවත් කර තිබෙන්වා.”මිෂුස්ටින් ප්‍රකාශ කළේය.

පසුගිය මැයි මාසයේ ෂැංහයි නුවරදී පැවති ඒකාබද්ධ ව්‍යාපාරික සංසදයකට දෙරටේම ව්‍යවසායකයින් 1500කට වැඩි පිරිසක් ආකර්ශනය වූ බව සිහිපත් කරමින් ඔහු වැඩිදුරටත් පවසා සිටියේ ව්‍යාපාරික සබඳතා තව තවත් ශක්තිමත් වූ බවය.

“අපි රුසියානු සහ චීන වෙළඳපලවල වාණිජ සමාගම්වල කටයුතු වඩාත් ලෙහෙසියෙන් කර ගෙන යාමට ලිහිල් කොන්දේසි නිර්මානය කරමින් සිටිනවා. අපට පුළුල් ඒකාබද්ධ න්‍යාය පත්‍රයක් තිබෙනවා.” මිෂුස්ටින් අවධාරණය කළේය.

අනෙක් අතට, "ගෝලීය කැළඹිලි" පසුබිමට එරෙහිව මොස්කව් සහ බීජිං අතර සහයෝගීතාව අඛණ්ඩව ශක්තිමත් වන අතරම එය වඩ වඩාත් වැදගත් වෙමින් පවතින බව චීන අගමැති Li Qiang සඳහන් කළේය.

 බටහිර මූල්‍ය පද්ධතිය තුළ සම්බාධක පනවා මොස්කව් කපා හැරීමෙන් පසු රුසියාව සහ ඔවුන්ගේ වෙළඳ හවුල්කරුවන් අන්‍යෝන්‍ය වෙළඳාමේ විකල්ප මුදල් වෙත මාරු වීමට පටන් ගෙන තිබේ. මේ ක්‍රියාවලියට ජාතීන් ගණනාවක් එක්වෙමින්  වෙළඳ ගනුදෙනු වලදී ජාතික මුදල් පියවීම් වෙත යොමු වෙමින් සිටී. https://www.rt.com/business/589334-russia-china-trade-dollar/