මුදල් කාරක සභාවේ අනුමැතිය නොමැතිව නුවරඑළිය නගර සභාවේ මිලියන 9.7 ක ගනුදෙනුවක්..
නුවරඑළිය මහ නගර සභාවේ වාර්ෂික සංවර්ධන ව්යාපෘති සඳහා වීදි ලාම්පු සවිකිරීම වෙනුවෙන් ලබාගත් රුපියල් මිලියන 9.7 (රුපියල් 97,31000.00) ක උපකරණ හා අමුද්රව්ය නුවරඑළිය මහ නගර සභාවේ මුදල් කාරක සභාවේ සභා අනුමතය ලැබීමට පෙර ගබඩාවට පැමිණ ඇති බවත් ඒ මහ නගර සභාවේ අනුමැතියකින් තොර සභා වාහනයකින්ම ගෙන්වා ඇති බවත් තාක්ෂණික නිලධාරියකු වෙනුවට ගිනිබටයෙකු විසින් තත්ත්වය පරීක්ෂා කර අත්සන් තබා බාර ගෙබ ඇති බැවත් ඒ ඔස්සේ මහා පරිමාණෙ මූල්ය වංචාවක් සිදුවී ඇති බවට සැක සහිත බව නුවරඑළිය මහ නගර සභාවේ නාගරික මන්ත්රී ජූඞ් චාන්දන මැදගම පසුගිය මහ සභාවේදී අනාවරණය කළේය.
ඔහු මෙම අනාවරණය සිදු කරනු ලැබුවේ පසුගියදා පැවති නුවරඑළිය මහ මහනගර සභාවේ අප්රේල් මාසය සඳහා වන වාර්ෂික මහ සභාව පැවති අවස්ථාවේදීය .
මහ සභාවේදී කාරක සභා අවස්ථාවට එළැඹී කමිටු වාර්තා සභා සම්මත කිරීමේ අවස්ථාවේදී මුදල් කාරක සභාවේ වාර්තාව සම්මත කිරීමට විරෝධය පාමින් මෙම අනාවරණය සිදුකළ අතර එහිදී මුදල් කාරක සභාවේ අදාළ කරුණු හැරෙන්නට අනෙක් කරුණු පමණක් සභා සම්මත කිරීමට කටයුතු කරනු ලැබීය.
මහ සභාවෙන් අනතුරුව සිදුව ඇති බවට පවසන අදාළ මිලදී ගැනීමේදී සිදු වූ අක්රමිකතාවයන් හා මූල්ය වංචාවට පදනම් වූ හේතු සම්බන්ධව නුවරඑළිය මහ නගර සභාවේ නාගරික මන්ත්රී යාන්ත්රික වීදි ලාම්පු හා ප්රවාහන කාරක සභාවේ සභාපති ජූඞ් චාන්දන මැදගම මහතාගෙන් අප සිදුකළ විමසීමකට ඔහු කියා සිටියේ මුදල් කමිටුවේ අනුමැතියකින් තොරව වගකීම් විරහිත පුද්ගලයන් විසින් ටෙන්ඩර් රෙගුලාසි උල්ලංඝනය කරමින් මහ නගර සභාවේ වාහනයක් නීතියට පටහැනිව අත්තනෝමතිකව ආයතනය වෙත ඒවා භාණ්ඩ රැගෙන ඒම හා එම භාණ්ඩ වගකීමකින් තොර පුද්ගලයකු විසින් පරීක්ෂා කර ගබඩාවට ගෙන ඒම තුළින් හා එම භාණ්ඩවල වගකීම් සහතිකයය මෙන්ම බිල්පත්වල ඇති විනිවිද භාවයක් නොමැතිකම ඔස්සේ අදාල ගණුදෙනුව තුල මහා පරිමාණයේ අක්රමිකතාවයක් දක්නට ලැබෙන අතර ඒ ඔස්සේ මූල්යමය වංචාවක් සිදු වී ඇති බව අනාවරණය වන බවයි.
වැඩිදුර අදහස් දැක්වූ නාගරික මන්ත්රී ජූඩ් චාන්දන මැදගම ,
"මෙම කටයුත්තට මුළුමනින්ම වගකිව යුත්තේ මහනගර සභාවට භාණ්ඩ ගෙන්වීම හා සම්බන්ධව කටයුතු කරන නාගරික කොමසාරිස්වරයා ප්රමුඛ රාජ්ය නිලධාරීන්, මුදල් කාරක සභාවේ අනුමැතියේ එන්න කලින් මහ නගර සභා වාහනයක නුවර ගිහින් බඩු තෝරන් ඇවිල්ලත් ඉවරයි.
මේ ඩඩු ටික ගෙනත් දෙන්න ඕන ටෙන්ඩර් ගත්ත ආයතනය මිස මහ නගර සභාවේ වාහනයකින් ගිහිල්ලා අරන් එන්න කිසිම නීතිමය ප්රතිපාදනයක් නැහැ. එසේ ගෙන්නන විටදීත් මුදල් කාරක සභාවේ අනුමතය ලැබිලත් නැහැ නගරාධිපතිවරයා අත්සන් කරලත් නැහැ.මේ භාණ්ඩ පරීක්ෂා කරලා ගබඩාවට අරන් තියෙන්නේ වැඩ අධිකාරීවරයා සහ ගිණි බටයෙක් පමණයි. පරීක්ෂා කරපු ගිණි බටයාට ඇති සුදුසුකම් මොනවාද ? එය නිවැරදි අන්දමින් පරික්ෂා කළ යුත්තේ ඉංජිනේරුවරයෙකු නමුත් එය කඩිමුඩියේ ගිනිබටයෙකු ලවා පරීක්ෂා කිරීමේ උවමනාව කුමක්ද ? මේකේ විශේෂම කාරණාව තමයි තාක්ෂණික නිලධාරියා ප්රතික්ෂේප කරනවා මේ භාණ්ඩ පරීක්ෂා කරන්න බෑ කියලා.
මේ ගෙනාපු විදි ලාම්පු හා සම්බන්ධ ද්රව්යවල යම්කිසි දෝෂයක් ආවනම් වග කියන්න කෙනෙක් නැති වෙනවා.දැන් ඔය බඩු ගෙනල්ල තියෙන ආයතනයෙන් වීදි ලාම්පු පන්සියයක් අපි මීට පෙරත් මිලදී අරන් තියෙනවා ඒ භාණ්ඩ තත්වය අතින් ඉතාම දුර්වලයි ගෙනාපු සාම්පල් පවා ඉක්මනින්ම පිච්චිලා තියෙනවා. එසේ තිබියදී එම ආයතනයම නැවත තෝරාගැනීමට හේතුව පිළිබඳව අපට බරපතළ ගැටලුවක් තිබෙනවා.මේ හැම සැක කරුණක්ම හේතු කරගෙන තමයි අපි මහා සභාවේදී ඉල්ලීමක් කරේ අභ්යන්තරව මේ පිළිබඳව පරීක්ෂණයක් සිදු කරන්න කියලා. මේ පරීක්ෂණයෙන් එන පිළිතුරක් සමඟ අල්ලස් හෝ දූෂණ යටතේ හෝ ඉදිරි නීතිමය ක්රියාමාර්ග සඳහා අප යොමු වන්නට සූදානම් වෙනවා.වසන්ත සැණකෙළි කියල බොරු මවාපෑම් පාමින් හිතුමතේ භාන්ඩ ගෙන්නලා නුවරඑළිය මහ නගර සභාවට වගේම මහජනතාවගේ මුදල් අවභාවිතා කිරීමට අපට ඉඩ තියන්න බැහැ. සමහර භාණ්ඩ තියෙනවා ඉල්ලුම් කරලා මාස පහක් යනවා අපිට ගෙනත් දෙන්න මේකෙ පුදුම වැඩේ කියන්නෙ මුදල් අනුමත වෙන්න කලින්ම බඩු ඇවිල්ල ඉවරයි. මෙම පරීක්ෂණය අවසන් වන තුළ අපි ගෙන්නපු භාණ්ඩ භාවිතා කරන්න දෙන්නේ නැහැ. මේ එසේ මෙසේ බඩු ප්රමාණයක් නෙමේ රුපියල් අනූ හත් ලක්ෂ තිස් එක්දාහක (97,31000.00) ක මහා පරිමාණ බඩු තොගයක්. මේ ගෙනාපු බඩු වල කිසිම එකක බිල් වල දින සඳහන් වෙලා නැහැ." ඒ ඔස්සේ වගකීම් සහතිකයක් ලබා දෙන්න කිසිම ක්රමවේදයක් නැති බවද ඔහු වැඩිදුරටත් පැවසීය .
මෙම ගැටලුව පිළිබඳව නුවරඑළිය මහ නගර සභාවේ ප්රධාන විපක්ෂය වන සමගි ජන බලවේගයේ නාගරික මන්ත්රී නුවන් පොරුතොට නාගරික මන්ත්රීවරයාගෙන් අප සිදුකළ විමසුමකට ඔහු කියා සිටියේ බිල්පත්වල අවුල් සහගත තත්වයක් නොමැති නම් මේ වන විට මුදල් කාරක සභාවේ අනුමැතිය ලැබී ඇති බැවින් එම මුදල් ගෙවා දැමීමට කඩිනමින් කටයුතු කළ යුතු නමුත් එහි බිල්පත්වල අහුල්සහගත තත්ත්වයක් ඇතිනම් පරීක්ෂණයක් සිදු කළ යුතු බවයි .
මෙලෙස එල්ල වන චෝදනාව පිළිබඳව නුවරඑළිය මහ නගර සභාවේ නාගරික කොමසාරිස් විජේකොන් බණ්ඩාර මහතාගෙන් සහ නාගරික ඝණකාධිකාරී නන්දන ගුණවර්ධන මහතාගෙන් අප ප්රකාශයක් ලබා ගැනීමට කිහිප වතාවක් උත්සහ කලද ඔවුන් මාධ්ය වෙත ප්රකාශ ලබාදීමට මුලුමනින්ම ප්රතික්ෂේප කළේය .
ආර්.එෆ්.එම්.සුහෙල් - නුවරඑළිය
- lankacnews
සම්බන්ධිත පුවත් | Related News
ප්රධාන පුවත්
ඉන්දු-ලංකා නිදහස් වෙළඳ ගිවිසුම තර කිරීමට එකඟවේ...
විනිසුරුවන්ගේ විශ්රාම වයස සහ ධුර කාලය වෙනස් කරන ව්යවස්ථා සංශෝධනයට ජනමත විචාරණයක් අවශ්යයි.. - ශ්රේෂ්ඨාධිකරණ තීන්දුවක් හෙළි කරයි
NLDB ගොවිපළ 32න් 26ක්ම පුද්ගලික සමාගම්වලට!.. විද්වතුන් සහ වෘත්තීය සමිති නිහඬයි..
ජාතික ජනබලවේගයට ලැබුනේ අතීත ජනතා විමුක්ති පෙරමුණට ලැබී තිබුණු වටිනාකම.. බෙදුම්වාදය පරාජය කිරීම වෙනුවෙන් එදා පෙරට ආ ජවිපෙ අද නෑ.. - වෛද්ය වසන්ත බණ්ඩාර
කන්කසන්තුරේ තිස්ස රජමහා විහාරය දෙකට කරමින් මැදින් පාරක්.. අමරපුර නිකායේ දැඩි විරෝධය..
''මේ රටේ ගෝඨාභය මරාදමා හෝ විදේශ මැදිහත් වීමෙන් අන්තර්කාලීන පාලනයක් ගොඩනගන්න හැදුවා.. ආණ්ඩුව පවාදීම් රැසක් මේ වන විට කර අවසන්.." - වෛද්ය වසන්ත බණ්ඩාර
සම්බුද්ධ ශාසනයේ ප්රධාන අංගයක් වන පෙරහැර විකාරයක් බව අගමැතිනිය කියන්නේ කොහොමද?.. - වෛද්ය වසන්ත බණ්ඩාර
සවුදිය, තුර්කිය සහ පාකිස්ථානය 'නේටෝ' වැනි යුද සංවිධානයකට අවතීර්ණ වෙයි.. 'මක්කා ඒකාබද්ධ ආරක්ෂක ගිවිසුම' අත්සන් තබයි..
විනිසුරුවන්ගේ විශ්රාම යෑමේ වයස අවුරුදු 67 දක්වා දිගු කිරීමට ජනමත විචාරණයක් අවශ්යයි.. - ශ්රේෂ්ඨාධිකරණය 2022 වසරේදී තීන්දු කරලා..
22වන ව්යවස්ථා සංශෝධන පනත් කෙටුම්පත ගැසට් කෙරේ..
වර්තමාන අර්බුද හමුවේ නාට්යකරුවන් අපේක්ෂාභංගත්වයට පත්වෙලා.. – නාට්යවේදී අඛිල සපුමල්
ලොවටම සහන සැලසූ චීනයේ ගෝලීය සංවර්ධන මුලපිරුමට වසර 5යි: ගෝලීය දකුණේ අනාගතය වෙනුවෙන් චීනයෙන් නව පොරොන්දුවක්..
බන්ධනාගාර කොමසාරිස් තුෂාර උපුල්දෙණියව අයින් කරන්න ආණ්ඩුවට අවශ්ය වුනා.. ආණ්ඩුව දේශපාලනිකව පොලිසිය මෙහෙයවනවා ද යන්න ගැටළුවක්.. - නීතිඥ සංජීව වීරවික්රම
බෞද්ධ සභ්යත්වයට එරෙහිව දියත්වන ප්රහාර උච්ඡතම ස්ථානයකට පැමිණිලා.. ෂානක්කියන්ලා, සුමන්තිරන්ලාගෙන් බෞද්ධ උරුමය විනාශ කරන්න පුරාවිද්යා දෙපාර්තුමේන්තුවටත් බලපෑම්.. දළදා පෙරහැරේ කරඬුව වඩම්මන ඇතුන්ටත් තහංචි වැටෙන ලකුණු!
මැගසින් බන්ධනාගාරය තුළ නොසන්සුන්තාවක්..
උතුරු-නැගෙනහිර බෞද්ධ උරුමය විනාශ කිරීමට සැලසුම්සහගත ප්රහාරයක්.. පුරාවිද්යා වාර්තා වෙනස් කරන්න දෙමළ මන්ත්රීන්ගෙන් බලපෑම්.. - වෛද්ය වසන්ත බණ්ඩාරගෙන් සුවිශේෂී හෙළිදරව්වක්..