ඉරාන න්‍යෂ්ටික බලාගාරයට එල්ල වූ ප්‍රහාරයෙන් කලාපයම විකිරණ අවදානමක..
අඛණ්ඩව එල්ල වන ඇමරිකානු-ඊශ්‍රායල ප්‍රහාර හමුවේ ඉරානයේ පවතින එකම න්‍යෂ්ටික බලාගාරයට හානි සිදුවීමෙන් සමස්ත කලාපයම දැවැන්ත විකිරණශීලී ව්‍යසනයකට මුහුණ දීමේ අවදානමක් පවතින බව ඉරාන විදේශ අමාත්‍ය අබ්බාස් අරග්චි මහතා අවධාරණය කරයි.
පසුගිය සෙනසුරාදා ඉරානයේ නිරිතදිග පර්සියානු ගල්ෆ් වෙරළ තීරයේ පිහිටි බුෂෙහර් න්‍යෂ්ටික බලාගාරය ඉලක්ක කර ගනිමින් යළිත් ප්‍රහාර එල්ල වූ බවත්, එමගින් පිටවන විකිරණශීලී ද්‍රව්‍ය හේතුවෙන් මුළු කලාපයේම ජන ජීවිත අනතුරේ වැටෙනු ඇති බවත් අමාත්‍යවරයා සිය 'X' ගිණුමේ සටහනක් තබමින් ප්‍රකාශ කර ඇත.
ඉරාන න්‍යෂ්ටික මධ්‍යස්ථාන ඉලක්ක කර ගනිමින් එල්ල වන අතිශය භයානක ප්‍රහාර හමුවේ බටහිර ආණ්ඩුවල නිහඬතාව සහ උදාසීනත්වය විදේශ අමාත්‍යවරයාගේ දැඩි විවේචනයට ලක් විය. එහිදී ඔහු 2022 වසරේදී යුක්රේනයේ සපෝරිෂියා න්‍යෂ්ටික බලාගාරයට රුසියාව ප්‍රහාර එල්ල කළ බවට එල්ල වූ චෝදනා හමුවේ බටහිර රටවල් දැක්වූ දැඩි විරෝධය සිහිපත් කර දුන්නේය.
"යුක්රේනයේ සපෝරිෂියා න්‍යෂ්ටික බලාගාරය අසල සිදුවූ ගැටුම් සම්බන්ධයෙන් බටහිර ලෝකය දැක්වූ කෝපය ඔබට මතකද? ඊශ්‍රායලය සහ ඇමරිකාව මේ වන විට අපගේ බුෂෙහර් බලාගාරයට සිව් වතාවක් බෝම්බ හෙළා තිබේ. මෙහි විකිරණශීලී බලපෑම තෙහෙරානයට නොව, ගල්ෆ් සහයෝගිතා කවුන්සිලයේ (GCC) රටවල අගනගරවල ජීවිත විනාශ කර දමනු ඇත," යනුවෙන් අරග්චි පෙන්වා දුන්නේය.
පසුගිය සෙනසුරාදා ඉරානයේ පෙට්‍රොකෙමිකල් මධ්‍යස්ථාන ඉලක්ක කර ගනිමින් එල්ල වූ ප්‍රහාර මෙන්ම, පාලම්, වානේ කර්මාන්තශාලා ඇතුළු සිවිල් යටිතල පහසුකම් වෙත එල්ල වන ප්‍රහාර මගින් ඇමරිකානු-ඊශ්‍රායල ආක්‍රමණයේ සැබෑ ස්වරූපය නිරාවරණය වන බව ඉරානය පවසයි. සංවර්ධනය වෙමින් පවතින රටක් ලෙස ඉරානයේ ආර්ථික සහ සිවිල් ශක්තිය දුර්වල කිරීම මෙහි මූලික අරමුණ වී ඇති බව හෙතෙම වැඩිදුරටත් සඳහන් කළේය.
පසුගිය පෙබරවාරි අගභාගයේ සිට ආරම්භ වූ මෙම ආක්‍රමණශීලී ප්‍රහාර හමුවේ ඉරානය ද දැඩි ප්‍රතිචාර දක්වමින් සිටී. පර්සියානු ගල්ෆ් සහ බටහිර ආසියානු කලාපයේ ඇමරිකානු ඉලක්ක වෙත මෙන්ම ඊශ්‍රායල පාලනයේ පවතින ප්‍රදේශ වෙත ද ඉරානය ප්‍රහාර එල්ල කර ඇත.
මේ අතර, හෝමුස් සමුද්‍ර සන්ධිය හරහා සිදුවන බලශක්ති සැපයුම් සම්බන්ධයෙන් ඉරානය දැඩි සීමාවන් පනවා තිබීම හේතුවෙන් ලෝක වෙළඳපොළේ බොරතෙල් මිල වාර්තාගත ලෙස ඉහළ ගොස් තිබේ. ආක්‍රමණිකයන්ට නිසි දඬුවම් ලැබෙන තෙක් මෙම ක්‍රියාමාර්ග අඛණ්ඩව ක්‍රියාත්මක කරන බව ඉරාන බලධාරීහු වැඩිදුරටත් අවධාරණය කරති.
සම්බන්ධිත පුවත් | Related News
ප්‍රධාන පුවත්
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..