ඉරාකය තුළ ඉරාන හිතවදී සන්නද්ධ කණ්ඩායම් වල ප්‍රහාර හේතුවෙන් නේටෝ මෙහෙයුම් ඉරාකයෙන් ඉවතට ගෙන යනවා

Mar 21, 2026 at 07:56 AM

|

Lanka Leader

ඊයේ(20) නේටෝ හමුදාව  ඉරාකයේ තම මෙහෙයුම “සකස් කරමින්” සිටින බව පැවසූ අතර, මැද පෙරදිග යුද්ධය හේතුවෙන් සටන් නොවන බලකාය තාවකාලිකව ස්ථානගත කරන බව ප්‍රංශ හමුදා මූලාශ්‍රයක් තහවුරු කළේය.

“ඉරාකයේ නේටෝ මෙහෙයුමේ සන්දර්භය තුළ අපි අපගේ හැසිරීම් සකස් කරමින් සිටින බව අපට තහවුරු කළ හැකියි.” සන්ධානයේ ප්‍රකාශක ඇලිසන් හාර්ට්  ඒඑෆ්පී පුවත් සේවය වෙත පැවසුවේ ආරක්ෂක හේතූන් මත වැඩිදුර විස්තර සැපයීම ප්‍රතික්ෂේප කරමිනි.

නේටෝව මේ කාරණය සම්බන්ධයෙන් ,මිත්‍ර පාක්ෂිකයින් සහ හවුල්කරුවන් සමඟ සමීප සම්බන්ධීකරණයෙන් කටයුතු කරමින්  සිටින බව ඇය නිවේදනයක් නිකුත් කරමින් වැඩිදුරටත් පැවසුවාය.

නේටෝ මෙහෙයුමේ මූලස්ථානය පිහිටා ඇත්තේ යුද්ධය ආරම්භයේ සිටම කිහිප වතාවක් ප්‍රතිවාදී ඉලක්ක වලට  ලක්වූ එක්සත් ජනපද තානාපති කාර්යාලය අසල බැග්ඩෑඩ් හි හරිත කලාපයේ ඉරාක හමුදා කඳවුරක ය.

එහි වෙබ් අඩවියට අනුව, 2018 දී පිහිටුවන ලද මෙහෙයුමේ දැනට මිත්‍ර පාක්ෂිකයින් සහ හවුල්කාර රටවල් වන ඔස්ට්‍රියාවේ සහ ඕස්ට්‍රේලියාවෙ සෙබළු සිය ගණනක් රැඳී සිටී.

2025 මැයි මාසයේ සිට මේ දක්වා එය මෙහෙයවනු ලබන්නේ ප්‍රංශයේ ජෙනරාල් ක්‍රිස්ටෝෆ් හින්ට්සි විසිනි.

ප්‍රංශ හමුදා මූලාශ්‍රයක් පැවසුවේ මෙහෙයුම “අඛණ්ඩව සිදුවෙමින් පවතින නමුත් නැවත ස්ථානගත කරමින් පවතින” බවයි.

“හමුදා ඛන්ඩය බැග්ඩෑඩ්හි ස්ථානගත කර තිබුණා. සටන් නොවන මෙහෙයුම් සම්බන්ධයෙන් නේටෝවේ ස්ථාවරයට අනුකූලව ඒවා නැවත ස්ථානගත කිරීමට තීරණයක් ගනු ලැබුවා. වත්මන් තර්ජනාත්මක පරිසරය සැලකිල්ලට ගෙන, ඒවා එම ස්ථානයේ තබා ගැනීම එතරම් අදාළ වන්නේ නැහැ.” නිවේදනය වැඩිදුරටත් පැවසීය.

මෙම නැවත ස්ථානගත කිරීම පිළිබඳව තොරතුරු  දන්නා වෙනත් මූලාශ්‍රයක් තහවුරු කළේ මෙහෙයුම රටින් පිටතට ගෙන යන බවයි.

ඉරාකයේ නේටෝ මෙහෙයුම, ISIS කණ්ඩායමේ නැවත නැඟිටීම වැළැක්වීම අරමුණු කරගත්, ප්‍රති-අන්තවාදී මෙහෙයුම්වල නියැලී සිටින ඉරාක ආරක්ෂක හමුදාවන්ට සහාය, උපදෙස් සහ පුහුණුව ලබා දෙයි.

සන්ධානයේ ප්‍රකාශකයා පැවසුවේ, “නේටෝ සංවිධානය සහ ඉරාකයේ නේටෝ මෙහෙයුම ඉරාකය ඇතුළුව දේශපාලන සංවාදය සහ ප්‍රායෝගික සහයෝගීතාවය දිගටම පවතිනු ඇත” යනුවෙනි.

ඉරාක ආරක්ෂක නිලධාරීන් දෙදෙනෙකු මීට පෙර ඒඑෆ්පී  වෙත පැවසුවේ ඉරානය සමඟ එක්සත් ජනපද-ඊශ්‍රායල් යුද්ධය හේතුවෙන් නේටෝ මෙහෙයුම රටින් ඉවත් කර ඇති බවයි.

විෂයයේ සංවේදීතාව හේතුවෙන් නම සඳහන් කිරීමට අකමැති වූ නිළධාරියෙකු, නේටෝ හමුදා ඉවත් වීම සම්බන්ධයෙන් ඉරාක රජය සමඟ “එකඟතාවයක් නොමැත”, යනුවෙන් පැවසීය. "ඒක තාවකාලික ඉවත් කිරීමක්. තත්වය නිසා ඔවුන් කනස්සල්ලට පත්ව සිටිනවා," ඔහු තවදුරටත් පැවසීය.

ඊයේ(20) උදෑසන අවම වශයෙන් එක්සත් ජනපද සොල්දාදුවන් 45 දෙනෙකු තම කඳවුරෙන් පිටව යන බව දුටු තවත් නිලධාරියෙකු විස්තර කළේ, තුර්කි සහ රුමේනියානු ජාතිකයන්ගෙන් සැදුම්ලත් කුඩා කණ්ඩායමක "සම්පූර්ණ මෙහෙයුම" ඉවත් කර ඇති බවයි.