ලොව ශක්තිමත්ම කාබන් තන්තු චීනය නිපදවයි

Mar 12, 2026 at 03:33 PM

|

Lanka Leader

චීනය ඊයේ(11) ස්වාධීනව සංවර්ධනය කරන ලද T1200 ශ්‍රේණියේ අතිශය ඉහළ ශක්තියක් සහිත කාබන් තන්තු එළිදක්වන ලැබුවේය. ඒවා අභ්‍යවකාශ සහ අනෙකුත් දියුණු කර්මාන්තවල භාවිතය සඳහා නිර්මාණය කර ඇති ලොව ශක්තිමත්ම වර්ගයේ කාබන් තන්තු වර්ගයකි.

රජය සතු චීන ජාතික ගොඩනැගිලි ද්‍රව්‍ය සමූහය විසින් සංවර්ධනය කරන ලද T1200 කාබන් තන්තු, වාර්ෂිකව ටොන් සිය ගණනක ධාරිතාවයකින් යුත් කාර්මික නිෂ්පාදනයට පිවිස ඇති අතර, මෙම ශක්ති මට්ටමේ මහා පරිමාණ නිෂ්පාදනයක් අත්කර ගත් පළමු රට බවට චීනය පත් වී ඇත.

සැහැල්ලු හා ඉතා කල් පවතින, තන්තු වල විෂ්කම්භය මිනිස් කෙස් ගසක විෂ්කම්භයෙන් දහයෙන් එකකට වඩා අඩුය, වානේ වලින් හතරෙන් එකක් පමණ ඝනත්වයක් සහ වානේ වලට වඩා දළ වශයෙන් 10 ගුණයකින් වැඩි ආතන්‍ය ශක්තියක් මෙම කාබන් තන්තු වලට ඇත. මෙම කාබන් තන්තු අභ්‍යවකාශ ගවේශන යානා, අඩු උන්නතාංශ වල ගමනේ යෙදෙන ගුවන් යානා සහ මානවරූපී රොබෝ නිර්මානය ඇතුළු විවිධ ඉහළ තාක්ෂන නිෂ්පාදන අංශවල භාවිතා කිරීමට අපේක්ෂා කෙරේ.

චීනය මීට පෙර T300 සිට T1000 දක්වා කාබන් තන්තු ශ්‍රේණි සංවර්ධනය කර ඇති අතර, ඒ සෑම එකක්ම ක්‍රමයෙන් ඉහළ ශක්තියක් නියෝජනය කරයි. අලුතින් නිකුත් කරන ලද T1200 එම ප්‍රගතියේ නවතම පියවර සනිටුහන් කරයි. "1200" අංකය තන්තු වල ශක්ති මට්ටම පෙන්නුම් කරයි.

කාබන් ෆයිබර් සංයුක්ත ඒවායේ ඉහළ ශක්තිය-බර අනුපාතය නිසා අභ්‍යවකාශ යානාවල ව්‍යුහාත්මක ද්‍රව්‍ය ලෙස බහුලව භාවිතා වේ. චීනයේ වාණිජ අභ්‍යවකාශ සමාගමක් වන Welight Technology විසින් "Weiguang-1" නම් ද්‍රව රොකට්ටුවක් නිපදවා ඇති අතර, එහි ශරීර ව්‍යුහය 90% ක් පමණ කාබන්-ෆයිබර් සංයුක්ත වලින් සාදා ඇති අතර, ලෝහ වලින් නිර්මානය කර ඇති මෝස්තර හා සසඳන විට බර 25-30% කින් අඩු කරයි.

අභ්‍යවකාශ යානා බර අඩු කිරීම වාණිජ අභ්‍යවකාශ කර්මාන්තයේ දියත් කිරීමේ පිරිවැය අඩු කිරීම සඳහා ප්‍රධාන ප්‍රවේශයකි.