මැදපෙරදිග අමෙරිකානු ආරක්ෂක මධ්‍යස්ථාන සියල්ල විනාශ වෙලා.. ශ්‍රී ලංකාව ඉන්දියන් සාගර කලාපයේ විශ්වාසනීය හමුදා මධ්‍යස්ථානයක් කරගැනීමට අමෙරිකාව උත්සාහ දරනවා - විමල්ගෙන් අනාවරණයක්
ඉන්දියාවේ පැවති ‘මිලාන් 2026’ නාවික අභ්‍යාසයට සහභාගී වීමට පැමිණි ඉරාන නාවික හමුදා බලකායට අමෙරිකාව විසින් සබ්මැරීන පාවිච්චි කර පහර දීමට සැලසුම් කර තිබූ බවත්, ඒ පිළිබඳව ඉන්දියාවේ ‘රෝ’ (RAW) ඔත්තු සේවය දැනුවත්ව සිටි බවත් ජාතික නිදහස් පෙරමුණේ නායක, හිටපු අමාත්‍ය විමල් වීරවංශ මහතා පවසයි.
ඉන්දියාවේ නිල ආරාධනය පරිදි ‘මිලාන් 2026’ අභ්‍යාසය සඳහා ඉරාන නාවික හමුදාවේ නිලධාරීන් සහ කැඩෙට් භටයන් පිරිසක් පැමිණ සිටි අතර, මීට සහභාගී වීමට නියමිතව සිටි අමෙරිකානු නාවික හමුදාව අවසන් මොහොතේ ඉන් ඉවත් වූ බව ඔහු පෙන්වා දෙයි.
පාස්කු ප්‍රහාරයක් එල්ල වන බවට දින දෙකකට පෙර පවා දැනුම් දීමට තරම් බුද්ධි මෙහෙයුම් පද්ධතියක් ඇති ඉන්දියාවට, තම රටට ආරාධිතව පැමිණි පිරිසකට එල්ල වීමට ගිය මෙම ප්‍රහාරය ගැන නොදැන සිටීමට නොහැකි බව වීරවංශ මහතා අවධාරණය කරයි.
මෙවැනි අවදානමක් දැනගෙනත් ඉරාන යාත්‍රාවලට තම රටෙන් පිටව යාමට ඉඩ දීම හරහා ඉන්දියාව සදාචාරාත්මකව බරපතල වරදක් කර ඇති බවත්, ඉන්දියාව කිසිසේත් විශ්වාස කළ නොහැකි රටක් බව මින් යළිත් ඔප්පු වන බවත් ඔහු සඳහන් කළේය.
අදාළ නෞකාව කොළඹ වරායට පැමිණීමට අවසර ඉල්ලූ අවස්ථාවේදී, කොළඹ සිටින අමෙරිකානු තානාපති කාර්යාල නිලධාරීන් ශ්‍රී ලංකා බලධාරීන්ට තර්ජනය කරමින් පවසා ඇත්තේ එම නෞකාව වරායට ඇතුළු කරගතහොත් ගුවන් මගින් ඊට පහර දීමට සිදුවන බවයි.
මෙම තර්ජනය හමුවේ ආරක්ෂක ලේකම්වරයා විසින් නෞකාව භාරගත නොහැකි බවට ඉරාන තානාපතිවරයා වෙත ලිඛිතව දැනුම් දී ඇත. කෙසේ වෙතත්, රජය අභ්‍යන්තරයේ සිටින මුස්ලිම් දේශපාලනඥයන් පිරිසක් මැදිහත් වී ජනාධිපතිවරයාට බලපෑම් කිරීම හේතුවෙන්, අවසානයේ නෞකාව ත්‍රිකුණාමලයට රැගෙන යාමටත් එහි සිටින පුද්ගලයන් කොළඹට ගෙන්වා ගැනීමටත් එකඟතාවයක් ඇති කරගත් බව වීරවංශ මහතා අනාවරණය කළේය.
අමෙරිකාව මේ වන විට ශ්‍රී ලංකා රජයට දැඩි බලපෑම් එල්ල කරමින් සිටින්නේ මෙම නෞකාවට හෝ එහි සිටින පුද්ගලයන්ට පිටව යාමට ඉඩ නොදෙන ලෙසයි. මැදපෙරදිග කලාපයේ පවත්වාගෙන ගිය සියලුම අමෙරිකානු ආරක්ෂක මධ්‍යස්ථාන විනාශ වී ඇති බැවින්, ඉන්දියන් සාගර කලාපයේ පිහිටි ශ්‍රී ලංකාව වඩාත් විශ්වාසනීය හමුදා මධ්‍යස්ථානයක් කරගැනීමට අමෙරිකාව උත්සාහ කරමින් සිටින බව ඔහු වැඩිදුරටත් පැවසීය.
මෙම තත්ත්වය හරහා ශ්‍රී ලංකාව ජාත්‍යන්තර ගැටුම්වල සෘජු පාර්ශවකරුවෙකු කරමින් රට දඩබිමක් බවට පත් කිරීමට උත්සාහ දරන බවට ද හිටපු අමාත්‍යවරයා අනතුරු ඇඟවීය
සම්බන්ධිත පුවත් | Related News
ප්‍රධාන පුවත්
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා