ඉරාන යුද නෞකාවකට එල්ල වූ ඇමරිකානු ප්රහාරය ගැන රජය වහාම කරුණු පැහැදිලි කළ යුතුයි.. රහසිගත ගිවිසුම් පවතින්නේ දැයි සැකයි - පුබුදු ජයගොඩ
ගාල්ල ආසන්න මුහුදු තීරයේදී ඉරාන යුද නෞකාවකට එල්ල වූ ඇමරිකානු ප්රහාරය සම්බන්ධයෙන් රජය වහාම කරුණු පැහැදිලි කළ යුතු බවත්, මෙම සිදුවීම පිටුපස ඇමරිකාව සමඟ ඇති කරගත් රහසිගත ගිවිසුම් පවතින්නේ දැයි සැකයක් පවතින බවත් පෙරටුගාමී සමාජවාදී පක්ෂයේ දේශපාලන මණ්ඩල සභික පුබුදු ජයගොඩ මහතා පවසයි.
මෙම ප්රහාරය සම්බන්ධයෙන් අදහස් දක්වමින් ඔහු පෙන්වා දෙන්නේ විදෙස් පුවත් වාර්තා අනුව මෙම ප්රහාරය එල්ල වී ඇත්තේ ලංකාවට අයත් විශේෂ ආර්ථික කලාපය (EEZ) තුළ බවයි. රජය මෙය ජාත්යන්තර මුහුදේ සිදු වූවක් බව පැවසුවද, අදාළ නෞකාව හමුවී ඇත්තේ ගාල්ලේ සිට නාවික සැතපුම් 47ක් දුරින් බව ජයගොඩ මහතා සඳහන් කරයි.
නාවික සැතපුම් 12ක දේශීය ජල සීමාවෙන් ඔබ්බට ඇති අනන්ය ආර්ථික කලාපය ශ්රී ලංකාවේ බලාධිකාරියට යටත් බවත්, එබැවින් මෙම ප්රහාරය ශ්රී ලංකා මුහුදු සීමාව තුළ සිදුවූයේද යන්න පැහැදිලි කළ යුතු බවත් ඔහු අවධාරණය කරයි.
මෙම ප්රහාරය එල්ල කිරීමට ඇමරිකානු සබ්මැරීනයක් ලංකාවේ මුහුදු සීමාවට ඇතුළු වූයේ නම්, ඒ සඳහා රජයේ අවසරය ලැබුණේද යන්න බරපතල ප්රශ්නයක් බව ජයගොඩ මහතා පවසයි.
"අවසර අරන් ආවා නම් රජය අපිට උත්තර දෙන්න ඕනේ. අවසර නැතුව ආවා නම් ඒක ඊට වඩා බරපතලයි," යැයි ඔහු පවසයි. 2025 නොවැම්බර් මාසයේදී වත්මන් රජය ඇමරිකාව සමඟ අත්සන් කළ බව කියන රහසිගත ගිවිසුමක ප්රතිඵලයක් ලෙස මෙය සිදුවූයේද යන්න පිළිබඳව ඔහු සැක පළ කරයි.
මීට පෙර 2007දී අත්සන් කළ ඇක්සා (ACSA) ගිවිසුම 2017 වසරේදී රනිල් වික්රමසිංහ මහතා විසින් "ලෝක විනාශය දක්වා" වලංගු වන පරිදි දීර්ඝ කළ බවත්, එමඟින් ඉන්දියන් සාගරයේ යුද්ධයකදී ඇමරිකාවට ලංකාවේ වරායවල්, ගුවන් තොටුපොළවල් සහ රෝහල් වැනි යටිතල පහසුකම් ලබාදීමට එකඟ වී ඇති බවත් ජයගොඩ මහතා මතක් කරයි.
එසේම, වත්මන් රජය විසින් ආරක්ෂක අමාත්යාංශ වෙබ් අඩවියේ සඳහන් කර ඇති පරිදි ඇමරිකානු ජාතික ආරක්ෂක බලකාය සමඟ අත්සන් කර ඇති එස්.පී.පී (SPP - State Partnership Program) ගිවිසුම පිළිබඳවද ඔහු කරුණු දක්වයි.
1993 සිට ලෝකයේ කුඩා රටවල් සමඟ ඇමරිකාව මෙවැනි ගිවිසුම් ඇති කරගන්නේ සිය යුදමය අවශ්යතා සඳහා යටිතල පහසුකම් සපයා ගැනීමට බව ඔහු පෙන්වා දෙයි.
මෙම ප්රහාරය සිදු වූයේ රජයේ අවසරය ඇතිවද, එසේත් නැතිනම් චන්ද්රිකා බණ්ඩාරනායක මහත්මියගේ කාලයේ සිට ක්රියාත්මක වන සෝෆා (SOFA), ගෝඨාභය රාජපක්ෂ මහතා අත්සන් කළ ඇක්සා (ACSA) හෝ අනුර කුමාර දිසානායක මහතාගේ රජය අත්සන් කළ එස්.පී.පී (SPP) ගිවිසුම යටතේ දැයි රජය රටට හෙළි කළ යුතු බව පුබුදු ජයගොඩ මහතා වැඩිදුරටත් ඉල්ලා සිටියි.
සම්බන්ධිත පුවත් | Related News
ප්රධාන පුවත්
චීන ශ්රී ලංකා සාම්ප්රදායික මිත්රත්වය ඉදිරියට ගෙන යමින්, දීප්තිමත් අනාගතයක් උදා කරමු!-අභිනවයෙන් පත්වූ ශ්රී ලංකාවේ චීන තානාපති ගරු වෙයි හුවාෂියං
දේශපාලන විරුද්ධවාදීන් මර්දනයට රජය නීතියේ ආධිපත්යය අවභාවිත කිරීම හෙළා දකිනවා.. - දිනන දකුණ
චීනයෙන් ඇමරිකානු සහ මෙක්සිකානු පිකාන් ආනයන සඳහා සියයට 54.3ක් දක්වා ප්රපාතන(Dumping) විරෝධී බදු පැනවේ: MOFCOM
විනිසුරු සේවා දීර්ඝය එකම ගැටලුව කර ගැනීම හාස්යට කරුණක්.. - පූජ්ය බෙංගමුවේ නාලක හිමි
රුසියාවේ තෙල් පිරිපහදුවකට ඩ්රෝන ප්රහාරයක්..
NLDB ගොවිපළවල් පෞද්ගලික අංශයට බදු දීමේ තීරණය හකුළා ගන්න.. - කෘෂි අරගල ව්යාපාරයෙන් ඇමති ලාල් කාන්තට විවෘත ආයාචනයක්..
"ඉරාන යුද්ධය අනිවාර්යයෙන්ම අවසන් විය යුතුයි... ඇමරිකාව සතු THAAD මිසයිලවලින් 80% ක් සහ පැට්රියට් (Patriots) මිසයිලවලින් 65% ක්ම භාවිත කර අවසන්".. - මහාචාර්ය ජෝන් මියර්ෂයිමර්
බෞද්ධ විහාර දේවාලගම් ඒකීය රාජ්ය රකින පවුරයි... ඇමති හදන්නේ පන්සලට විරුද්ධව ජනතාව නඩු මගට දාලා පවුර බිඳින්න...! - මතුගම සෙනෙවිගෙන් හිනිදුම සුනිල් සෙනෙවිට පණිවිඩයක්
ට්රම්ප්ගේ සාම සැලැසුම නෙතන්යාහු ප්රතික්ෂේප කරයි..
ආසියානු අපරාධ කල්ලිවල නව පාරාදීසය ශ්රී ලංකාව ද?..
ඉන්දු-ලංකා නිදහස් වෙළඳ ගිවිසුම තර කිරීමට එකඟවේ...
විනිසුරුවන්ගේ විශ්රාම වයස සහ ධුර කාලය වෙනස් කරන ව්යවස්ථා සංශෝධනයට ජනමත විචාරණයක් අවශ්යයි.. - ශ්රේෂ්ඨාධිකරණ තීන්දුවක් හෙළි කරයි
NLDB ගොවිපළ 32න් 26ක්ම පුද්ගලික සමාගම්වලට!.. විද්වතුන් සහ වෘත්තීය සමිති නිහඬයි..
ජාතික ජනබලවේගයට ලැබුනේ අතීත ජනතා විමුක්ති පෙරමුණට ලැබී තිබුණු වටිනාකම.. බෙදුම්වාදය පරාජය කිරීම වෙනුවෙන් එදා පෙරට ආ ජවිපෙ අද නෑ.. - වෛද්ය වසන්ත බණ්ඩාර
කන්කසන්තුරේ තිස්ස රජමහා විහාරය දෙකට කරමින් මැදින් පාරක්.. අමරපුර නිකායේ දැඩි විරෝධය..
''මේ රටේ ගෝඨාභය මරාදමා හෝ විදේශ මැදිහත් වීමෙන් අන්තර්කාලීන පාලනයක් ගොඩනගන්න හැදුවා.. ආණ්ඩුව පවාදීම් රැසක් මේ වන විට කර අවසන්.." - වෛද්ය වසන්ත බණ්ඩාර