ස්පාඤ්ඤය සමඟ 'සියලු වෙළඳ සබඳතා' ට්‍රම්ප් කපා හැරීමට නියමිතය.

Mar 4, 2026 at 11:23 AM

|

Lanka Leader

ඉරානයට පහර දීම සඳහා එක්සත් ජනපදයට තම ඒකාබද්ධ හමුදා කඳවුරු භාවිතා කිරීමට අවසර දීම ප්‍රතික්ෂේප කිරීමට මැඩ්රිඩ් ගත් තීරණය සම්බන්ධයෙන් එක්සත් ජනපදය ස්පාඤ්ඤය සමඟ ඇති සියලුම වෙළඳ සබඳතා අත්හිටුවන බව ජනාධිපති ඩොනල්ඩ් ට්‍රම්ප් නිවේදනය කර තිබේ. කෙසේ වුවද ඉරානයට එරෙහිව ට්‍රම්ප්ගේ "අසාධාරණ සහ භයානක" මැදිහත්වීම ස්පාඤ්ඤ අගමැති පේද්‍රෝ සැන්චෙස් හෙළා දැක තිබේ.

ඊයේ(03) ධවල මන්දිරයේදී අදහස් දක්වමින් ට්‍රම්ප් පැවසුවේ "අපි ස්පාඤ්ඤය සමඟ ඇති සියලුම වෙළඳ සබඳතා අත් හිටුවීමට යන" බවත්, මධ්‍යධරණී ජාතිය සමඟ "කිසින්දු ගනුදෙනුවක් කිරීමට ඔහුට අවශ්‍ය නැති" බවත්ය. ඔහු ඉදිරිපත් කරනු ලබන වෙළඳ සම්බාධක ක්‍රියාත්මක වන්නේ කවදාදැයි ට්‍රම්ප් අනාවරණය කළේය.

සඳුදා(02), ස්පාඤ්ඤ විදේශ අමාත්‍ය ජෝස් මැනුවෙල් ඇල්බරෙස් පැවසුවේ ඉරානය සමඟ පවතින යුද්ධයේදී එක්සත් ජනපදයට ස්පාඤ්ඤ නාවික කඳවුර රොටා හෝ මොරොන් ගුවන් කඳවුර (මෙම කඳවුරු ස්පාඤ්ඤ සහ ඇමරිකානු හමුදා විසින් හවුලේ භාවිත කරන කඳවුරු වේ.) භාවිතා කිරීමට තම රජය ඉඩ නොදෙන බවයි. ඉරානයට එරෙහිව සෙනසුරාදා(පෙබරවාරි 28 ) ආරම්භක ප්‍රහාර එල්ල කිරීමේදී කඳවුරු භාවිතා නොකළ බවත්, ගැටුමේ කාලසීමාව සඳහා "ඒවා භාවිතා නොකරන" බවත් ඇල්බරෙස් පැවසීය.

"ඇත්තටම ස්පාඤ්ඤය දැන්වුවා අපිට එයාලගේ කඳවුරු පාවිච්චි කරන්න බෑ කියලා, ඒක හරි," ට්‍රම්ප් වාර්තාකරුවන්ට පැවසීය.නමුත් "අපට අවශ්‍ය නම් අපිට එයාලගේ කඳවුරු පාවිච්චි කරන්න පුළුවන්," ට්‍රම්ප් මාධ්‍යවේදීන් හට පැවසීය. "අපට අපේ ගුවන් යාන පියාසර කර ඔවුන්ගේ ගුවන පාවිච්චි කරන්න පුළුවන්, කිසිවෙකු අපට එය පාවිච්චි කරන්න එපා කියලා කියන්නේ නැහැ."

2001 ඇෆ්ගනිස්ථානය ආක්‍රමණය කිරීමේදී සහ 2003 ඉරාක ආක්‍රමණයේදී ඇමරිකානු භාණ්ඩ ප්‍රවාහන සහ ප්‍රහාරක ගුවන් යානා ස්පාඤ්ඤ කඳවුරු දෙකම බහුලව භාවිතා කරන ලදී. 2011 නේටෝව ලිබියාවට බෝම්බ හෙලීමේදී ටැංකි ගුවන් යානා ඉන්ධන පිරවීම සඳහා ප්‍රධාන කඳවුර ලෙස මොරොන් ගුවන් කඳවුර සේවය කළේය. ස්පාඤ්ඤය තහනම ප්‍රකාශයට පත් කිරීමෙන් පසු සඳුදා(02) රොටා සහ මොරොන් කඳවුරු ය්ද ටැංකි දුසිමකට වඩා හැර ගිය බවද පැවසේ .

ඒ අනුව ඉරානය සමඟ ගැටුම එක්සත් ජනපදයේ යුරෝපීය සහචරයින් අතර බෙදීම් හෙළි කර තිබේ. ඉරානයට එරෙහි එක්සත් ජනපද ප්‍රහාර විවෘතව හෙළා දුටු එකම යුරෝපා සංගම් නායකයා ස්පාඤ්ඤ අගමැති සැන්චෙස් ය. 'ඔපරේෂන් එපික් ෆියුරි' "ජාත්‍යන්තර නීතියට පිටින් වූ අසාධාරණ සහ භයානක මිලිටරි මැදිහත්වීමක්" ලෙස  ස්පාඤ්ඤ අගමැතිවර්යා අවධාරණය කළේය.

කෙසේ වෙතත්, එක්සත් රාජධානිය මුලදී එක්සත් ජනපදයට තම හමුදා කඳවුරු භාවිතා කිරීම ප්‍රතික්ෂේප කළ අතර, අගමැති කීර් ස්ටාර්මර් ඉරිදා(01) තම තීරණය ආපසු හරවමින් ඉරානයේ මිසයිල යටිතල ව්‍යුහයට එරෙහිව "සීමිත ආරක්ෂක" ප්‍රහාර සඳහා පහසුකම් භාවිතා කිරීමට එක්සත් ජනපදයට අවසර දීමට අත්සන් කරනු ලැබීය. ප්‍රංශය සහ ජර්මනිය ද ඉරානයට එරෙහිව "අවශ්‍ය සහ අන්‍යෝන්‍ය වශයෙන් ආරක්ෂක ක්‍රියාමාර්ග සක්‍රීය කිරීමට විවෘත" බව පවසා තිබේ.

යුරෝපා සංගමයේ වඩාත්ම ඇමරිකානු ගැති සාමාජිකයින් තවත් ඉදිරියට ගොස් ඇති අතර,ලිතුවේනියානු ජනාධිපති උපදේශක ඇස්ටා ස්කයිස්ගිරිට් ප්‍රකාශ කළේ ට්‍රම්ප් ඉල්ලා සිටියහොත් රට මෙහෙයුමට එක්වන බවයි.