සෞඛ්‍ය ක්ෂේත්‍රයේ ගැටලුවලට විසඳුම් ලබාදීම රජයේ වගකීමයි - මල්වතු අස්ගිරි මහ නාහිමිවරු
සෞඛ්‍ය ක්ෂේත්‍රයේ ගැටලු ජනතාවට ඍජුව බලපාන බැවින් ඒවා කෙරෙහි විශේෂ අවධානයක් යොමු කර විසඳුම් ලබාදීම රජයේ වගකීම බව මල්වතු අස්ගිරි උභය මහා විහාරීය මහ නාහිමිවරුන් පවසති.
විසඳුම් ලබාදීම ප්‍රමාද වීමෙන් පීඩාවට පත්වන්නේ අහිංසක රෝගීන් බවද උන්වහන්සේලා ප්‍රකාශ කරති.
රජයේ වෛද්‍ය නිලධාරීන්ගේ සංගමයේ නියෝජිත පිරිසක් අද (19) මල්වතු අස්ගිරි උභය මහා විහාරයන්හිදී මහානායක හිමිවරුන් දෙනම බැහැදැක සිය වෘත්තිය ගැටලු සම්බන්ධයෙන් දැනුම් දුන් අවස්ථාවේ උන්වහන්සේලා මේ බව පැවසුවහ.
මෙහිදී අදහස් දැක්වූ මල්වතු පාර්ශවයේ මහානායක අතිපූජ්‍ය තිබ්බටුවාවේ ශ්‍රී සිද්ධාර්ථ සුමංගල මහ නාහිමියෝ ආණ්ඩුව පවසන පරිදි දැන් භාණ්ඩාගාරයේ මුදල් තිබෙන බැවින් එම මුදල් වැයකර ගැටලුවලට විසඳුම් ලබාදිය හැකි යැයිද අවධාරණය කළහ.
මුදල් තිබෙන බව පැවසීමට වඩා වැදගත් වන්නේ එම මුදල් නිසි පරිදි අවශ්‍යතා සඳහා යෙදවීම බවද මහ නාහිමියෝ පැවසුවහ.
මේ වනවිට ඇතැම් බෝවන රෝග ලෝකයේ ව්‍යාප්ත වෙමින් තිබෙන බව මාධ්‍ය මගින් හෙළි කරන බවත් එවැනි රෝගවලින් ආරක්ෂා වීම සඳහා සෞඛ්‍ය පද්ධතිය ශක්තිමත්ව තිබිය යුතු බවත් උන්වහන්සේ ප්‍රකාශ කළහ.
පහසුකම් හා කාර්ය මණ්ඩල නොමැති නිසා ගම්බද රෝහල් වැසී යන තත්ත්වයක් දක්නට ලැබෙන බවත් වෛද්‍යවරුන්ගේ ආරක්ෂාව සම්බන්ධයෙන් ද ගැටලු පවතින බව අසන්නට ලැබුණු බවත් මහ නාහිමියෝ පැවසුවහ.
අස්ගිරි පාර්ශවයේ මහානායක වරකාගොඩ ශ්‍රී ඤාණරතන නාහිමියන් අදහස් දක්වමින් රෝහල්වල ඇතැම් ඖෂධ නොමැතිව අහිංසක රෝගීන් පීඩාවට පත්වන බවත් එම ගැටලුවලට විසඳුම් ලබා දීමට රජය උනන්දු විය යුතු බවත් පැවසුවහ.
මෙම ගැටලුවලට විසඳුම් ලබා දීමට ආණ්ඩුවේ මැති ඇමැතිවරුන්ට උනන්දුවක් තිබෙන බව නොපෙනන බවත්, කියන දෙයක් පිළි නොගැනීමද ගැටලුවක් බවත් උන්වහන්සේ සඳහන් කළහ.
වෛද්‍යවරු හා විශ්වවිද්‍යාල ආචාර්යවරු විශාල පිරිසක් රට හැරගොස් තිබෙන බවත් වෘත්තිය ගැටලු වලට විසඳුම් නොලැබෙන විට ඔවුන් රටහැර යාම සාමාන්‍ය තත්ත්වයක් බවත් කී අස්ගිරි මහ නාහිමියෝ මෙම තත්ත්වය වළක්වා ගැනීම සඳහා කටයුතු කිරීම ආණ්ඩුවේ වගකීමක් බවද පැවසුවහ.
මහනාහිමිවරු හමුවේ කරුණු දැක්වූ රජයේ වෛද්‍ය නිලධාරීන්ගේ සංගමයේ ලේකම් වෛද්‍ය ප්‍රභාත් සුගතදාස සඳහන් කළේ, මේ වනවිට නිදහස් සෞඛ්‍ය සේවාව පවත්වාගෙන යෑම සම්බන්ධයෙන් විශාල ගැටලු රැසක් පැන නැගී තිබෙන බවත් මේවාට විසඳුම් ලබාදීම සඳහා අවශ්‍යය පියවර ගැනීමේදී සෞඛ්‍ය අමාත්‍යාංශය සහ ඇමැතිවරයාගේ පාර්ශවයෙන් විශාල පමාවක් ඇති බවත්ය.
සෞඛ්‍ය පද්ධතියේ තිබෙන ගැටලු පිළිබඳව ජනාධිපති සහ සෞඛ්‍ය ඇමැතිවරයාව දැනුවත් කළත් මෙතෙක් ඒවාට නිසි ප්‍රතිචාරයක් නොලැබීම නිසා දිනෙන් දින සෞඛ්‍ය ක්ෂේත්‍රය අර්බුදකාරී තත්ත්වයට පත්වෙමින් තිබෙන බවත් ඔහු සඳහන් කළේය.
විශේෂඥ වෛද්‍යවරු හා ශ්‍රේණි වෛද්‍යවරු රට හැර යාමේ තත්ත්වයක් පසුගිය වසර දෙක මුළුල්ලේ දක්නට ලැබුණු බවත් පසුගිය දෙවසරේදී වෛද්‍යවරු 2500 කට වැඩි පිරිසක් රට හැරගොස් තිබෙන බවත් කී හෙතෙම, මේ රටේ සෞඛ්‍ය පද්ධතිය පුළුල් කිරීමේදී විශේෂඥ වෛද්‍යවරු රටේ රඳවා ගැනීම ඉතා වැදගත් බවද අවධාරණය කළේය.
සාකච්ඡා වලින් එළඹෙන එකඟතා ක්‍රියාත්මක නොකිරීම හේතුවෙන් රජයේ වෛද්‍ය නිලධාරීන්ගේ සංගමය වෘත්තිය සමිති ක්‍රියාමාර්ගයක් 07 කට අනුගතව ක්‍රියා කරන නමුත් මෙය වැඩවර්ජනයක් නොවන බවද ඔහු ප්‍රකාශ කළේය.
අවශ්‍යය ඖෂධ රෝහලේ නොමැති නම් රෝගීන්ට එම ඖෂධ පිටින් මිලදී ගැනීම සඳහා තුණ්ඩු ලිවීමට වෛද්‍යවරුන්ට නීතිමය අවසරයක් නොමැති බවත් නිදහස් සෞඛ්‍ය හරියට ක්‍රියාත්මක වෙනවා නම් රෝගයෙකුට අවශ්‍යය ප්‍රතිකාර හා ඖෂධ රෝහල තුළින්ම නොමිලේ ලබා ගැනීමේ හැකියාව පැවැතිය යුතු බවත් ලේකම්වරයා පැවසුවේය.
මේ වනවිට රජයේ පාර්ශවය නියෝජනය කරන සෞඛ්‍ය ඇමැතිවරයා ප්‍රශ්නයක් පිළිබඳ කතා කරන්න සූදානම් නැති මුරණ්ඩු, දරදඬු පතිපත්තියක් අනුගමනය කරමින් සිටින බවත් ඔවුන් සෑම විටම ඔවුන් ගන්නා තීරණ නිවැරදියි කියන ස්ථාවරයේ සිට කටයුතු කරන බවත් ඔහු සඳහන් කළේය.
ඇතැම් ඇමැතිවරු සමාජ මාධ්‍ය ඔස්සේ මහජනතාව ප්‍රකෝප වන ආකාරයේ ප්‍රකාශ කරන බවත් මේ නිසා වෛද්‍යවරුන්ගේ ආරක්ෂාව සම්බන්ධයෙන්ද ගැටලු මතුව තිබෙන බවත් ලේකම්වරයා පැවසුවේය.
මෙම අවස්ථාවට රජයේ වෛද්‍ය නිලධාරීන්ගේ සංගමයේ සභාපති විශේෂඥ වෛද්‍ය සංජීව තෙන්නකෝන් ඇතුළු පිරිසක් සහභාගි විය.
- හිරු පුවත්
සම්බන්ධිත පුවත් | Related News
ප්‍රධාන පුවත්
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..