කථානායකගේ තීරණය බල රහිත කරන්න - හිටපු නි. මහලේකම්ගෙන් රිට් පෙත්සමක්
ශ්‍රී ලංකා පාර්ලිමේන්තුවේ කාර්ය මණ්ඩල ප්‍රධානී හා නියෝජ්‍ය මහ ලේකම් වශයෙන් සේවය කල වැඩ තහනමට ලක් වූ නීතීඥ චමින්ද කුලරත්න විසින් ශ්‍රී ලංකා අභියාචනාධිකරණය හමුවේ CA (Writ) 109/2026 අංක දරන රිට් පෙත්සම ගොනු කර ඇත.
මෙම පෙත්සම මඟින් මූලිකවම ශ්‍රී ලංකා පාර්ලිමේන්තුවේ කථානායක වෛද්‍ය ජගත් වික්‍රමරත්න, ඔහුගේ පෞද්ගලික ලේකම් චමීර ගාල්ලගේ හා කථානායකවරයා විසින් නීතිවිරෝධී ආකාරයෙන් පත්කරන ලදැයි කියන විමර්ශන නිලධාරී විශ්‍රාමික අතිරේක ලේකම් එස්.කේ. ලියනගේ ඇතුළු 14 දෙනෙකු වගඋත්තරකරුවන් ලෙස නම් කර ඇත.
නියෝජ්‍ය මහ ලේකම් චමින්ද කුලරත්න බඳවා ගැනීම, පත්වීම යන සියල්ල නීත්‍යානුකූලව හා විනිදභාවයෙන් යුතුව සිදුවී ඇති බවත්, ඒ සම්බන්ධයෙන් කිසිඳු විරෝධතාවයක් මේ වන තෙක් ඉදිරිපත් වී නොමැති බවත්, කාර්ය මණ්ඩල ප්‍රධානී හා නියෝජ්‍ය මහ ලේකම් තනතුරට අයඳුම් පත් කැඳවන ලද ගැසට් නිවේදනයට අනුව ඊට අවශ්‍ය අධ්‍යාපන හා වෘත්තීය සියලු සුදුසුකම් කුලරත්න විසින් සම්පූර්ණ කර ඇති බවත්, ඊට අදාළ සම්මුඛ පරීක්ෂණයට ඉදිරිපත් වූ අය අතරින් වැඩිම ලකුණු ලබාගෙන ඇත්තේ ද කුලරත්න බවත් මෙකී පෙත්සම මඟින් වැඩිදුරටත් කරුණු දක්වා ඇත.
තවද, විශ්‍රාම වැටුප් සංග්‍රහය, ආයතන සංග්‍රහය, අමාත්‍ය මණ්ඩල තීරණ, 1953 අංක 9 දරන පාර්ලිමේන්තු කාර්ය මණ්ඩල පනත සහ 1942 අංක 18 දරන රාජ්‍ය සේවා අර්ථ සාධක අරමුදල් ආඥා පනත යන ව්‍යවස්ථාපිත විධිවිධාන අනුව චමින්ද කුලරත්න හට ඔහු පූර්වයෙන් දරන ලද පාර්ලිමේන්තුවේ ආණ්ඩු පක්ෂයේ ප්‍රධාන සංවිධායක කාර්යාලයේ ලේකම් තනතුරෙහි සේවා කාලය, ඔහු පසුව පත්කරන ලද කාර්ය මණ්ඩල ප්‍රධානී හා පාර්ලිමේන්තුවේ නියෝජ්‍ය මහ ලේකම් තනතුරේ සේවා කාලය සමඟ විශ්‍රාම වැටුප් ගණනය කර ගැනීම සඳහා එක්කර ගැනීමට ඔහුට නෛතික හිමිකමක් හා අයිතිවාසිකමක් ඇති බවත් මෙමඟින් දක්වා ඇත.
නියෝජ්‍ය මහ ලේකම්වරයා විසින් 2025 ජුනි මස 18 දින කථානායකවරයාගේ පෞද්ගලික භෝජනාගාරයේ දී දකින ලද සිද්ධියක් හේතුවෙන් හා කථානායකවරයා විසින් සිදුකරනු ලබන්නේ යැයි කියන නීතිවිරෝධී හා දූෂණ ක්‍රියා පිළිබඳව නියෝජ්‍ය මහ ලේකම්වරයා විසින් තම අප්‍රසාදය පළ කිරීම හේතුවෙන් කථානායක වරයා විසින් නීතිවිරෝධී හා ද්වේශ සහගත ලෙස කාර්ය මණ්ඩල ප්‍රධානී හා නියෝජ්‍ය මහ ලේකම් චමින්ද කුලරත්න සම්බන්ධයෙන් විමර්ශනයක් කිරීමට ඒ සඳහා සුදුසුකම් නොමැති විශ්‍රාමික අතිරේක ලේකම්වරයෙකු වූ එස්.කේ. ලියනගේ යන අය පත් කරන ලද බව මෙම පෙත්සම මඟින් දක්වා ඇත.
කථානායකතුමාගේ සංවේදී තොරතුරු බාහිර පාර්ශ්වයන් අතට පත්වීම සම්බන්ධයෙන් කථානායකවරයාගේම දැනුම්දීම මත පාර්ලිමේන්තුවේ මහ ලේකම් විසින් විමර්ශනයක් සිදුකර වාර්තාවක් සකස් කර ඇති බවත්, එම වාර්තාව ගරු අධිකරණය වෙත කැඳවන ලෙසත් නියෝජ්‍ය මහ ලේකම්වරයා විසින් මෙම පෙත්සම මඟින් ඉල්ලා ඇත.
කථානායකවරයා විසින් නීතිවිරෝධී ආකාරයට තමාට නැති බලයක් ආරෝපණය කර ගෙන, එනම්, පාර්ලිමේන්තුවේ මහ ලේකම්වරයාගේ බලය කථානායකවරයා විසින් ක්‍රියාත්මක කරමින් විමර්ශන නිලධාරී එස්.කේ. ලියනගේ ගේ පත්වීම සිදුකර ඇති බවත්, එස්.කේ. ලියනගේ විසින් සාවද්‍ය හා ද්වේශ සහගත කරුණු මත පදනම් වූ වාර්තාවක් ඉදිරිපත් කර ඇති බවත්, එකී වාර්තාව ස්වාභාවික යුක්තියේ හා නීතියේ මූලධර්ම වලට පටහැනිව සකස් කර ඇති බවත්, එකී වාර්තාව මත පදනම්ව නියෝජ්‍ය මහ ලේකම්වරයාගේ වැඩ තහනම සිදුකර ඇති බවත්, එබැවින් එකී සාවද්‍ය හා නීතිවිරෝධී වාර්තාව මත පදනම්ව සිදුකරනු ලබන සියලු කටයුතු බල රහිත කරන මෙන් මෙම පෙත්සම මඟින් ඉල්ලා ඇත.
ජනාධිපති නීතීඥ සංජීව ජයවර්ධන ඇතුළු නීතීඥ මණ්ඩලයක් කුලරත්න වෙනුවෙන් පෙනී සිටීමට නියමිතය.
චමින්ද කුලරත්න විසින් මීට පෙර වර්තමාන කථානායක වෛද්‍ය ජගත් වික්‍රමරත්න විසින් සිදුකර ඇතැයි කියන නීතිවිරෝධී දූෂණ ක්‍රියා 8ක් සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව වෙත පැමිණිල්ලක් ද ඉදිරිපත් කර ඇත.
බලයේ සිටින කථානායකවරයෙකුට විරුද්ධව පාර්ලිමේන්තුවේ දෙවන ජ්‍යෙෂ්ඨතම නිලධාරීයා වශයෙන් කටයුතු කල නියෝජ්‍ය මහ ලේකම්වරයෙකු විසින් මෙවැනි පැමිණිල්ලක් සිදුකර ඇත්තේ ඉතිහාසයේ ප්‍රථම වතාවට වන අතර, එමෙන්ම, කථානායකවරයෙකුගේ නීතිවිරෝධී හා ද්වේශ සහගත ක්‍රියාකාලාපය සම්බන්ධයෙන් පාර්ලිමේන්තුවේ නිලධාරියෙකු විසින් ඉහල අධිකරණයක් හමුවේ පෙත්සමක් ගොනු කොට ඇත්තේ ද ඉතිහාසයේ ප්‍රථම වතාවට වේ.
සම්බන්ධිත පුවත් | Related News
ප්‍රධාන පුවත්
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..