සෞඛ්ය අමාත්යංශයේ අසාර්ථකභාවයෙන් වෛද්ය ස්ථානමාරු ක්රියාත්මක කරවීම අකර්මන්ය වෙලා.. ස්ථානමාරු ලබා ගැනීමට ඉල්ලීම් කළ වෛද්යවරුන් දැඩි අසාධාරණයකට ලක් වෙලා - GMOA කියයි
රජයේ වෛද්ය නිලධාරීන්ගේ සංගමය නිකුත්කර ඇති මාධ්ය නිවේදයක් පහළින් දැක්වේ..
මාධ්ය නිවේදනය
සෞඛ්ය අමාත්යංශයේ අසාර්ථකභාවය තුල වෛද්ය ස්ථානමාරු ක්රියාත්මක කරවීම අකර්මන්ය වී තිබිම පිළිබඳවයි.
රජයේ වෛද්ය නිලධාරීන්ගේ සංගමය ලෙස ස්ථානමාරු සම්බන්ධව අප දරණ මතය වනුයේ සියලුම වෛද්ය කාණ්ඩයන්හි ස්ථානමාරු නිසි පිළිගත් ක්රමවේදය ඔස්සේ ස්ථානමාරු මණ්ඩල වල අනුමැතිය ඇතිව නියමිත කාලරාමුවක් තුල සිදු විය යුතු බවයි.
නමුත්, 2026 වර්ෂය ආරම්භ වන විට වාර්ෂික ස්ථානමාරු 7000 කට ආසන්න ප්රමාණයක් සෞඛ්ය අමාත්යංශයේ පරිපාලන දුර්වලතා නිසා ක්රියාත්මක කර ගැනීමට නොහැකි තත්ත්වයකට පත් වී තිබුණි. මේ පිළිබදව සෞඛ්ය අමාත්යවරයා, සෞඛ්ය අමාත්යංශ බලධාරීන් සහ රජයේ වෛද්ය නිලධාරීන්ගේ සංගමය අතර සිදු වු සාකච්ඡාවන්හිදි වෛද්යවරුන්ගේ ස්ථානමාරු නිසි පරිදි ක්රියාත්මක කරවීම තුලින් රට පුරා ඇති රෝහල් සියල්ල සැලකිමට ලක් කරමින් සේවා බිඳ වැටීමකින් තොරව රෝගී සත්කාර කටයුතු පවත්වා ගැනීම පිළිබඳව එකඟතාවයන්ට එළඹෙන ලදී.
මෙම ස්ථානමාරු ක්රියාත්මක කරවීම සඳහා විද්යාත්මක ක්රමවේදයක්ද රජයේ වෛද්ය නිලධාරීන්ගේ සංගමය පාර්ශවයෙන් යෝජනා කරන ලදී. නමුත් සෞඛ්ය අමාත්යංශයේ ඇතැම් බලධාරීන්ගේ නොහැකියාව සහ දුර්වලතාවයන් නිසාත්, සෞඛ්ය සේවා අධ්යක්ෂ ජනරාල්වරයාගේ නියෝග වලට පවා අවනත නොවීම නිසාත් මේ වන විට ස්ථානමාරු ක්රියාත්මක කරවීම නියාමාකාරයෙන් සිදු නොවේ.
මේ වන විට ඉහත කී 7000 තට ආසන්න වාර්ෂික ස්ථානමාරු ප්රමාණයෙන් ස්ථානමාරු යෑම සඳහා ලිඛිත නියෝග ලබා දීම සිදු කර ඇත්තේ 650 කට ආසන්න වෛද්යවරුන් ප්රමාණයකට පමණක් වන අතර දළ වශයෙන් එය 9% ක් වැනි ඉතා අඩු ප්රතිශතයකි. එම 9% න්ද ස්ථානමාරු ක්රියාත්මක වී ඇත්තේ ලිපි නිකුත් කල වෛද්යවරුන් 2/3 ක එසේත් නැතිනම් 400 කට ආසන්න වෛද්යවරුන් ප්රමාණයකගේ පමණි. ස්ථානමාරු ක්රියාත්මක කරවීම සඳහා සෞඛ්ය සේවා අධ්යක්ෂ ජනරාල්වරයාගේ ප්රධානත්වයෙන් යුතුව ලිඛිත නියෝගයකින් ස්ථානමාරු සිදු කිරීමේ සතියක් ප්රකාශයට පත් කර තිබුනද (2026 පෙබරවාරි මස 2 වැනිදායින් ආරම්භ වූ සතිය) එම සතියද ඉකුත් වි දැන් බොහෝ කල් ගතව ඇත.
වාර්ෂික ස්ථානමාරු ලබා ගැනීම සඳහා ඉල්ලීම් කර ඇති වෛද්යවරුන් සියලුම දෙනා මේ තුලින් දැඩි අසාධාරණයකට ලක් වී තිබෙන අතර සමහරක් වාර්ෂික ස්ථානමාරු අදාල ලිඛිත නියෝග ලැබුනද ආයතන ප්රධානින්ගේ අභිමතය පරිදි ක්රියාත්මක නොකරමින් පවත්වා ගෙන ඇත.
සෞඛ්ය අමාත්යවරයා මුලින් ප්රකාශ කර සිටියේ වාර්ෂික ස්ථානමාරු ලද සියලුම වෛද්යවරුන්ගේ ස්ථානමාරු ක්රියාත්මක කරවන බවයි. නමුත්, සෞඛ්ය අමාත්යංශයේ පරිපාලනයේ අකාර්යක්ෂමතාව, ප්රමාණවත් අනුප්රාප්තිකයන් නොමැති වීම සහ මානව සම්පත් කළමනාකරණයේ දුර්වලතාවයන් නිසා ස්ථානමාරු ක්රියාවලිය මුලුමනින්ම බිඳවැටීමට පටන්ගෙන ඇත. සෞඛ්ය අමාත්යංශ නිලධාරීන්ගේ වැරදි දත්ත හා බොරු උපෙදස් නිසා සෞඛ්ය අමාත්යවරයාගේ ප්රකාශ පවා නැවත වෙනස් කරන්නට එතුමාට සිදුවීම දෛවයේ සරදමකි.
ස්තූතියි.
මීට විශ්වාසී,
වෛද්ය ප්රභාත් සුගතදාස,
ලේකම්.
සම්බන්ධිත පුවත් | Related News
ප්රධාන පුවත්
ආසියානු අපරාධ කල්ලිවල නව පාරාදීසය ශ්රී ලංකාව ද?..
ඉන්දු-ලංකා නිදහස් වෙළඳ ගිවිසුම තර කිරීමට එකඟවේ...
විනිසුරුවන්ගේ විශ්රාම වයස සහ ධුර කාලය වෙනස් කරන ව්යවස්ථා සංශෝධනයට ජනමත විචාරණයක් අවශ්යයි.. - ශ්රේෂ්ඨාධිකරණ තීන්දුවක් හෙළි කරයි
NLDB ගොවිපළ 32න් 26ක්ම පුද්ගලික සමාගම්වලට!.. විද්වතුන් සහ වෘත්තීය සමිති නිහඬයි..
ජාතික ජනබලවේගයට ලැබුනේ අතීත ජනතා විමුක්ති පෙරමුණට ලැබී තිබුණු වටිනාකම.. බෙදුම්වාදය පරාජය කිරීම වෙනුවෙන් එදා පෙරට ආ ජවිපෙ අද නෑ.. - වෛද්ය වසන්ත බණ්ඩාර
කන්කසන්තුරේ තිස්ස රජමහා විහාරය දෙකට කරමින් මැදින් පාරක්.. අමරපුර නිකායේ දැඩි විරෝධය..
''මේ රටේ ගෝඨාභය මරාදමා හෝ විදේශ මැදිහත් වීමෙන් අන්තර්කාලීන පාලනයක් ගොඩනගන්න හැදුවා.. ආණ්ඩුව පවාදීම් රැසක් මේ වන විට කර අවසන්.." - වෛද්ය වසන්ත බණ්ඩාර
සම්බුද්ධ ශාසනයේ ප්රධාන අංගයක් වන පෙරහැර විකාරයක් බව අගමැතිනිය කියන්නේ කොහොමද?.. - වෛද්ය වසන්ත බණ්ඩාර
සවුදිය, තුර්කිය සහ පාකිස්ථානය 'නේටෝ' වැනි යුද සංවිධානයකට අවතීර්ණ වෙයි.. 'මක්කා ඒකාබද්ධ ආරක්ෂක ගිවිසුම' අත්සන් තබයි..
විනිසුරුවන්ගේ විශ්රාම යෑමේ වයස අවුරුදු 67 දක්වා දිගු කිරීමට ජනමත විචාරණයක් අවශ්යයි.. - ශ්රේෂ්ඨාධිකරණය 2022 වසරේදී තීන්දු කරලා..
22වන ව්යවස්ථා සංශෝධන පනත් කෙටුම්පත ගැසට් කෙරේ..
වර්තමාන අර්බුද හමුවේ නාට්යකරුවන් අපේක්ෂාභංගත්වයට පත්වෙලා.. – නාට්යවේදී අඛිල සපුමල්
ලොවටම සහන සැලසූ චීනයේ ගෝලීය සංවර්ධන මුලපිරුමට වසර 5යි: ගෝලීය දකුණේ අනාගතය වෙනුවෙන් චීනයෙන් නව පොරොන්දුවක්..
බන්ධනාගාර කොමසාරිස් තුෂාර උපුල්දෙණියව අයින් කරන්න ආණ්ඩුවට අවශ්ය වුනා.. ආණ්ඩුව දේශපාලනිකව පොලිසිය මෙහෙයවනවා ද යන්න ගැටළුවක්.. - නීතිඥ සංජීව වීරවික්රම
බෞද්ධ සභ්යත්වයට එරෙහිව දියත්වන ප්රහාර උච්ඡතම ස්ථානයකට පැමිණිලා.. ෂානක්කියන්ලා, සුමන්තිරන්ලාගෙන් බෞද්ධ උරුමය විනාශ කරන්න පුරාවිද්යා දෙපාර්තුමේන්තුවටත් බලපෑම්.. දළදා පෙරහැරේ කරඬුව වඩම්මන ඇතුන්ටත් තහංචි වැටෙන ලකුණු!
මැගසින් බන්ධනාගාරය තුළ නොසන්සුන්තාවක්..