ලංවිම සාකච්ඡාව එකඟතාවකින් තොරව අවසන්..

Feb 17, 2026 at 08:31 AM

|

Lanka Leader

විදුලි බල මණ්ඩලය ඈවර කිරීමට පෙර සිදුකළ යුතු කටයුතු සම්බන්ධයෙන් ඊයේ (පෙබ. 16) විදුලි බල මණ්ඩල සභාපතිවරයා හා වෘත්තීය සමිති අතර පැවති සාකච්ඡාව කිසිදු එකඟතාවකින් තොරව අවසන් වූ බව ඒකාබද්ධ විදුලි සේවක සංගමය සඳහන් කරයි.

පවතින ගැටලු විසඳන තුරු ලංවිම අහෝසි කිරීම අත්හිටුවන ලෙස වෘත්තීය සමිති දිගින් දිගට ම ඉල්ලීම් කළ ද සභාපතිවරයා එය ප්‍රතික්ෂේප කර ස්ථීර වශයෙන් ම ලබන 28 වන දා ලංවිම අහෝසි කිරීමේ ගැසට්ටුව නිකුත් කරන බව පැවැසී යැයි ද එම සංගමයේ සභාපති චරිත ශ්‍රී චින්තක පැවසීය.

එහිදී වෘත්තීය සමිති නායකයන් අත්තනෝමතික ලෙස වෘත්තීය සමිති හා සේවක හඬට කන් නොදී ගැසට්ටුව නිකුත් කළ හොත් ස්ථීර ලෙස වැඩ වර්ජනයකට යන බවට සභාපතිවරයාට දැන්  වූ බව ද ඔහු පැවසීය.

මෙම සාකච්ඡාවේදී  මුලින් ම අදහස් දක්වමින් සභාපතිවරයා සඳහන් කරනු ලැබුවේ, වෘත්තීය සමිති ලබා දුන් ලිපිය පිළිබඳ මූලික කරුණු සාකච්ඡා කළ ලෙස බලශක්ති අමාත්‍යවරයා තමන්ට ලබා දුන් උපදෙස් අනුව මෙම සාකච්ඡාව සිදු කරන බවට සභාපතිවරයා පැවැසූ බව ද ඒකාබද්ධ විදුලි සේවක සංගමයේ සභාපති චරිත ශ්‍රී චින්තක සඳහන් කළේ ය.

ඒ අනුව, සාමූහික ගිවිසුම පිළිබඳ සාකච්ඡා කළ බව ත් සාමූහික ගිවිසුමක යෝජනාවලියක් අමාත්‍යාංශය මගින් ලබා දුන් බව ත්ය.

එහෙත් ලබා දුන් සාමූහික ගිවිසුමට වෘත්තීය සමිති එකඟ නොවන බවත් ඉන් පසුව මේ පිළිබඳව දීර්ඝ ලෙස සාකච්ඡා කිරීමෙන් පසු වෘත්තීය සමිති එක්ව සාමූහික ගිවිසුමක් සකස් කර භාර දෙන ලෙස සභාපතිවරයා ඉල්ලා සිටි බව ත් ඒ අනුව සාමූහික ගිවිසුමක් සකස් කිරීමට වෘත්තීය සමිති එකඟ වූ බව ත් සභපතිවරයා පැවසීය.

- මව්බිම