වෛද්‍යවරු සටන දැඩි කරයි..
රජයේ වෛද්‍ය නිලධාරීන්ගේ සංගමය විසින් නිකුත් කරන ලද මාධ්‍ය නිවේදනයක් මෙහි දැක්වෙයි.
මාධ්‍ය නිවේදනය
රෝහල් පද්ධතියේ සහ වෛද්‍යවරුන්ගේ ගැටලු විසඳීම වෙනුවෙන් එළඹි ලිඛිත එකඟතා දිගින් දිගටම උල්ලංඝණය කරන රජයේ සහ සෞඛ්‍ය අමාත්‍යංශයේ ප්‍රතිපත්තිය හමුවේ රජයේ වෛද්‍ය නිලධාරීන්ගේ සංගමයේ වෘත්තීය සමිති ක්‍රියාමාර්ග තිව්‍ර කිරීම.
රෝගී ජනතාවට සිදුවන අපහසුතා අවම වන පරිදි සහ රජයට අවශ්‍ය වන බලපෑම එල්ල කිරීමේ අරමුණින් රජයේ වෛද්‍ය නිලධාරින්ගේ සංගමය විසින් මේ වන විට දීපව්‍යාප්ත වෘත්තීය සමිති ක්‍රියාමාර්ග මාලාවක් දියත් කර ඇති අතර ඒ සඳහා හේතු වී ඇත්තේ රෝහල් පද්ධතියේ සහ වෛද්‍යවරුන්ගේ ගැටලු විසඳීම සම්බන්ධයෙන් සෞඛ්‍ය අමාත්‍යවරයා විසින් ලබා දුන් ලිඛිත පොරොන්දු කඩ කිරීමත්, මෙම ගැටලු සාකච්ඡාමය ප්‍රවේශයෙන් විසඳීම ප්‍රතික්ශේප කරමින් රජය පාර්ශවයෙන් දක්වන උද්ධච්ච ස්වභාවයත් වේ.
දිවයින පුරා වෛද්‍යවරුන් තම රාජකාරි කාලය තුලදී ඉතා විශාල ගැටලු සහ දුෂ්කරතා ප්‍රමාණයකට මුහුණපාමින් සේවා සපයමින් සිටියි. මානව සම්පත් හිඟය, භෞතික සම්පත් සහ යටිතල පහසුකම් වල උග්‍ර ගැටලු මේ සඳහා සෘජුව බලපා තිබේ. එමෙන්ම වැටුප් වල නොවිසඳුණු ගැටලු, දීමනා සහ පහසුකම් වල තවදුරටත් සිදුවෙමින් යන කප්පාදු මෙම ගැටලු තව තවත් උග්‍ර අතට පත් කර ඇත.
ඉහත ගැටලු විසඳීම සඳහා සාධනීය මැදිහත්වීමක අවශ්‍යතාවය සෞඛ්‍ය අමාත්‍යංශයටත්, දේශපාලන අධිකාරියටත් රජයේ වෛද්‍ය නිලධාරීන්ගේ සංගමය විසින් සාක්ෂි පදනම් කරගත් තර්කානුකූල වාර්තා හරහා ඔප්පු කර පෙන්වා තිබේ. ඒ පිළිබඳ සාකච්ඡා කර මෙම ගැටලු විසඳීම සඳහා පියවර ගන්නා බවට 2025 දෙසැම්බර් මාසයේදි සෞඛ්‍ය අමාත්‍යවරයා වෛද්‍ය ප්‍රජාවම වෙනුවෙන් රජයේ වෛද්‍ය නිලධාරින්ගේ සංගමය හා ලිඛිතව එකඟ වී තිබුණි. එමෙන්ම එම එකඟතාවය පාර්ලිමේන්තුවේ ද ප්‍රකාශයට පත් කල අතර හැන්සාඩ් වාර්තාවේ ද අඩංගු වී ඇත.
නමුත් අවාසනාවන්ත ලෙස එම එකඟතා සියල්ල 2026 වසර ආරම්භයේදීම බිඳදැමීම සෞඛ්‍ය අමාත්‍යවරයාගේ පාර්ශවයෙන් සිදු වූ අතර මේ පිලිබඳ දැඩි අප්‍රසාදයක් මුලුමහත් වෛද්‍ය ප්‍රජාවේම මේ වන විට ඇති වී තිබේ.
23000 කට අධික සාමාජිකත්වයක් සහිතව මෙරට වෛද්‍යවරුන්ගේ එකම නියෝජිතයා වන රජයේ වෛද්‍ය නිලධාරින්ගේ සංගමයේ මධ්‍යම කාරක සභා සහ විධායක සභා තීරණ අනුව මේ වන විට වෘත්තීය සමිති ක්‍රියාමාර්ග ගණනාවක් දීපව්‍යාප්තව සිදු වෙමින් පවතී.
සෞඛ්‍ය දර්ශක අතින් ශ්‍රී ලංකාව අන්තර්ජාතිකව ඉහළ තලයකට ඔසවා තැබිමෙහිලා මෙරට රෝග නිවාරණ අංශය ප්‍රමුඛ කාර්යභාරයක් සිදු කරමින් පවති. එම කාර්යභාරය තුල තීරණාත්මකම භූමිකාව සිදු කරනුයේ මෙරට සෞඛ්‍ය වෛද්‍ය නිලධාරීන්ගේ (MOH) නායකත්වයෙන් යුත් සෞඛ්‍ය වෛද්‍ය නිලධාරී කාර්යාල පද්ධතියයි.
නමුදු ඔවුන් එදිනෙදා රාජකාරියේ නිරත වීමේදි මුහුණ දෙන ගැටලු කිසිවක් හරියාකාරව විසඳීමට හෝ විසඳීම සඳහා ආරම්භයක් ගැනීමටවත් සෞඛ්‍ය අමාත්‍යංශයේ සහ රජයේ උද්ධච්ච ප්‍රතිපත්තින් නිසා සිදු වී නොමැත.
එම නිසා රෝග නිවාරණ සහ මහජන සෞඛ්‍ය අංශය නියෝජනය කරමින් රට පුරා විහිදී ඇති සියලුම සෞඛ්‍ය වෛද්‍ය නිලධාරි කාර්යාල නියෝජනය කරමින් සෞඛ්‍ය වෛද්‍ය නිලධාරීන් රජයේ වෛද්‍ය නිලධාරින්ගේ සංගමයේ ප්‍රධාන කාර්යාලයට පසුගිය 2026.02.11 වැනි දින රැස් වූ අතර ඔවුන් මේ වන විට මුහුණ පා ඇති ගැටලු සම්බන්ධයෙන් දීර්ඝ ලෙස සාකච්ඡා කරන ලදී.
එමෙන්ම පවතින වෘත්තීය ක්‍රියාමාර්ග වඩා ශක්තිමත් කිරීම සඳහා සෞඛ්‍ය වෛද්‍ය නිලධාරී පද්ධතියේ දායකත්වය ලබා දීමට ද ඒකමතිකව තීරණය කරන ලදී.
එහිදි සාකච්ඡා වූ කරුණු පාදක කරගනිමින් මේ වන විට රජයේ වෛද්‍ය නිලධාරින්ගේ සංගමය සිදුකරගෙන යනු ලබන වෘත්තීය සමිති ක්‍රියාමාර්ග තවත් තීව්‍ර කිරීමට විධායක සභාව ඒකමතිකව තීරණය කර ඇත.
ඒ අනුව මේ වන විට සිදු කරගෙන යනු ලබන වෘත්තීය සමිති ක්‍රියාමාර්ග වන,
- රෝහල තුල නොමැති ඖෂධ සහ උපකරණ බාහිරින් ලබා ගැනීම සඳහා රෝගීන්ට නිර්දේශ කර තුණ්ඩු නිකුත් කිරීම අත්හිටුවීම.
- රෝහල තුල නොමැති රසායනාගාර පරීක්ෂණ බාහිරින් සිදු කරගැනීම සඳහා රෝගීන්ට නිර්දේශ කර තුණ්ඩු නිකුත් කිරීම අත්හිටුවීම.
- දේශපාලන කණ්ඩායම් විසින් සංවිධානය කරනු ලබන සෞඛ්‍ය කදවුරු සහ සායන සඳහා ස්වෙච්ඡාවෙන් සහභාගිවිමෙන් ඉවත් වීම.
- අනුමත වෛද්‍යවරුන් සංඛ්‍යාව නොමැතිව රෝහල් පද්ධතිය තුල විවෘත කරන නව රෝහල් වාට්ටු සහ ඒකක වලට වෛද්‍යවරුන් අනුයුක්ත කිරීම අත්හිටුවීම.
- රෝගීන්ගේ ආරක්ෂාව සහ පෞද්ගලිකත්වය සුරැකීමට අවශ්‍ය ප්‍රමාණවත් පහසුකම් සහ සහායක කාර්යමණ්ඩලය නොමැතිව රෝගීන් පරීක්ෂා කිරීමෙන් ඉවත් වීම.
- සියලු විශේෂඥ වෛද්‍යවරුන් තම ආවරණ රාජකාරි වලින් ඉවත් වීම.
තවදුරටත් අඛණ්ඩව ක්‍රියාත්මක කිරීමත් ඊට අමතරව 2026.02.18 වැනි දින සිට ක්‍රියාත්මක වන පරිදි,
සෞඛ්‍ය වෛද්‍ය නිලධාරීන්ගේ මැදිහත්වීමෙන් සහ ඍජු අධික්ෂණයෙන් සිදු වන ප්‍රජා සෞඛ්‍ය පිලිබඳ නිල දත්ත සෞඛ්‍ය අමාත්‍යංශයට සහ අදාල කාර්යාල සඳහා ලබා දීමෙන් ඉවත් වීමට තීරණය කරන ලදී.
ඒ අනුව,
දිනපතා
- ශීතකරණයේ ශීත දාමය පවත්වාගෙන යාම සම්බන්ධ වාර්තාව
- ඩෙංගු රෝගීන් වාර්තා කිරීම
සතිපතා
- බෝවන රෝග සම්බන්ධ සතිපතා වාර්තාව (WRCD - Weekly Return of Communicable Diseases)
මාසිකව
- පවුල් සෞඛ්‍ය සේවා නිලධාරීන්ගේ මාසික වාර්තාව සහ මහජන සෞඛ්‍ය පරීක්ෂක මාසික වාර්තාව
- පාසල් සෞඛ්‍ය කටයුතු පිලිබඳ මාසික වාර්තාව
- එන්නත් අතුරු ආබාධ වාර්තාව (AEFI)
- ජල සාම්පල් වාර්තාව
- මුඛ සෞඛ්‍ය සම්බන්ධ මාසික වාර්තාව
- මාසික එන්නත් වාර්තාව
- රසායනික ද්‍රව්‍ය භාවිතය පිලිබඳව මාසික වාර්තාව
- සෞඛ්‍ය අධ්‍යාපනික කටයුතු සම්බන්ධ මාසික වාර්තාව
කාර්තු වශයෙන්
- ත්‍රෛමාසික මාතෘ හා ළමා සායනික වාර්තාව
- ත්‍රෛමාසික පාසල් සෞඛ්‍ය වාර්තාව
- මුඛ සෞඛ්‍ය පිලිබඳව ත්‍රෛමාසික වාර්තාව
ඇතුලු අදාල දත්ත සහ වාර්තා නිල වශයෙන් ලබා දීමෙන් වෘත්තීය සමිති ක්‍රියාමාර්ගයක් ලෙස සෞඛ්‍ය වෛද්‍ය නිලධාරීන් ඉවත් වෙනු ඇත.
ගැටලු විසඳීම සඳහා රජයේ වෛද්‍ය නිලධාරීන්ගේ සංගමය දිගින් දිගටම සාකච්ඡාමය ප්‍රවේශයෙන් කටයුතු කිරීම සඳහා නම්‍යශිලි වෙමින් තිබියදිත්, රජය සහ සෞඛ්‍ය අමාත්‍යවරයා ගැටලු විසදීම හෝ සාකච්ඡා කිරීම මගහරිමින් උද්ධච්ච ලෙස හැසීරිම හරහා සිදු වනුයේ නිදහස් සෞඛ්‍ය සේවාව තවත් අර්බුදයකට ගමන් කිරීම පමණි.
උද්ධච්ච ප්‍රතිපත්තිය ඉවතලමින් එළඹුනු එකඟතා ක්‍රියාත්මක කරමින් කාලරාමුවක් තුල රෝහල් පද්ධතියේ ගැටලු විසඳීම සඳහා රජය සහ සෞඛ්‍ය අමාත්‍යංශය අවශ්‍ය මූලික පියවර ගැනීමෙන් දිගින් දිගටම විතැන් වන්නේ නම් වෘත්තීය සමිති ක්‍රියාමාර්ග මින් ඉදිරියටත් විවිධ පැතිකඩ ඔස්සේ තවත් තිව්‍ර විය හැකි බව අවධාරණය කරමු.
සම්බන්ධිත පුවත් | Related News
ප්‍රධාන පුවත්
ඥානසාර හිමි උදෙසා කොළඹ බලා එන පාගමනේ තෙවන දිනය අද..
"ජේවීපී එකෙන් මගෙ සිවුර ගලවනවා.. සිරගත වුනත් කවදාවත් මෙහෙම දෙයක් වෙලා නෑ මහත්තයෝ.." - අත්අඩංගුවට ගැනීමට පෙර ඥානසාර හිමි පැවසූ කතාව නීතිඥ සංජීව වීරවික්‍රම හෙළිකරයි..
අනුරාධපුර පූජා නගරය ගොඩනැගීමට ඉන්දියාවෙන් විශාල ආධාරයක් ලැබෙනවා.. - ජනපති ඉබ්බාගමුවේදී පවසයි
මමත් මාලිමාවට රැවටුනා.. ඥානසාර හාමුදුරුවෝ හිරේ ඉන්නකොට ගැටුමක් ඇතිකරලා කරන්න හදපු දේත් අපිට ආරංචි වුනා.. - මහාචාර්ය පූජ්‍ය පාතේගම ඤානිස්සර හිමිගෙන් ප්‍රබල අනාවරණයක්..
රුසියාවෙන් ඇමරිකාවට ඩීසල්.. ට්‍රම්ප් සහ පුටින් අතර ඓතිහාසික ගිවිසුමක්.. - යුක්රේනයට අලුත් ජනපති කෙනෙක් පත් කරගන්නැයි ට්‍රම්ප් කියයි
2022න් පස්සෙ ළමා රෝහලට ඩොනේෂන් ගත්තේ නැතිනම් ලැබිච්ච දේවල් වලට මොකද වුනේ?.. 2026 ඔක්තෝබර් වෙනකල් තොරතුරු වෙබ් අඩවියේ තිබුනා.. ඒත් දැන් නෑ.. - වෛද්‍ය චමල් සංජීවගෙන් බරපතළ හෙළිදරව්වක්..
ඥානසාර හිමිට දුන් ජනපති සමාව ගැන රනිල් හෙළි කරයි..
මාලිමා ආණ්ඩුව බටහිර "ප්‍රොක්සි" ආණ්ඩුවක්.. - ඥානසාර හිමි සිද්ධිය සහ රටේ වත්මන් තත්ත්වය ගැන වෛද්‍ය වසන්ත බණ්ඩාරගෙන් විශේෂ හෙළිදරව්වක්..
බලවත් ජාතීන්ගේ වුවමනා එපාකම් මත සිදුවන ගමන ආපසු හැරවිය නොහැකි බියකරු අන්තයකින් අවසන් විය හැකියි.. - මොහාන් සමරනායක අනතුරු අඟවයි
ඥානසාර හිමියන් වෙනුවෙන් "නිදහසේ පාද යාත්‍රාව" මහනුවර ශ්‍රී දළදා මාලිගාව අබියසින් ඇරඹෙයි..
බටහිර ද්විත්ව ප්‍රමිතිය හෙළි කළ ජාත්‍යන්තර නාටකය: ICC තහංචි සහ නවනීදන් පිල්ලේට නොබෙල් හිමිවීම..
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි