ආණ්ඩුව රාජ්‍ය සේවය විනාශ කරනවා.. පාලන ක්‍රමය වහා වෙනස් නොවුණහොත් රට දැවැන්ත අවුලක..- චන්ද්‍රිකා කියයි
වත්මන් රජය රාජ්‍ය සේවය විනාශ කරමින් සිටින බවටත්, පවත්නා පාලන ක්‍රමය වහා වෙනස් නොවුණහොත් රට දැවැන්ත අවුලකට ඇද වැටිය හැකි බවටත් හිටපු ජනාධිපතිනි චන්ද්‍රිකා බණ්ඩාරනායක කුමාරතුංග මහත්මිය අනතුරු අඟවයි.
ඇය සිය නිල සමාජ මාධ්‍ය ගිණුමෙහි සටහනක් තබමින් අවධාරණය කරන්නේ, දශක දෙකක කාලයක් තිස්සේ පැවති අයහපත් පාලනය හේතුවෙන් රට දැනටමත් විනාශයට පත්ව ඇති බවයි.
හිටපු ජනාධිපතිනිය පෙන්වා දෙන්නේ වෘත්තීය මට්ටමේ කාර්යක්ෂම සහ අවංක රාජ්‍ය සේවයකින් තොරව රජයකට ක්‍රියාත්මක විය නොහැකි බවයි. එහෙත් වත්මන් රජය රාජ්‍ය සේවය විනාශ කර, ඒ වෙනුවට සුදුසුකම් හා පළපුරුද්දක් නොමැති තම පක්ෂයේ සාමාජිකයන් සහ ආධාරකරුවන් පත් කිරීමට උත්සාහ කරන බවට ඇය චෝදනා කරයි.
"දේශපාලන නායකයන්ට වසර ගණනාවක පළපුරුද්දක් හෝ වෘත්තීයභාවයක් තිබීම අත්‍යවශ්‍ය නොවේ, නමුත් ඔවුන් නොසැලෙන අඛණ්ඩතාවයකින් (Integrity) යුක්ත විය යුතුය. ප්‍රජාතන්ත්‍රවාදී රටක පාලනය ගෙන යාමට දේශපාලන නායකයන් වෘත්තීය රාජ්‍ය සේවය මත යැපිය යුතුය."
හිටපු ජනාධිපති ලේකම් සමන් ඒකනායක මහතා පිළිබඳවද අදහස් දක්වමින් ඇය සඳහන් කර ඇත්තේ ඔහු අතිශයින්ම අවංක සහ ඉහළ වෘත්තීය මට්ටමක සිටින රාජ්‍ය නිලධාරියෙකු බවයි.
රටේ පාලනය බරපතල ලෙස පිරිහීම හේතුවෙන් ජනතාව "අරගලය" කරා යොමු වූ බවත්, ශ්‍රී ලාංකිකයන්ගේ දේශපාලන දැනුවත්භාවය මේ වන විට ඉහළ මට්ටමක පවතින බවත් කුමාරතුංග මහත්මිය පවසයි.
රට යළි ගොඩනැගීමේ විසඳුම පවතින්නේ ජනතාව අතේ බව පෙන්වා දෙන ඇය, පවතින තත්ත්වයේ බරපතලකම වටහාගෙන ප්‍රජාතන්ත්‍රවාදී ලෙස තීරණ ගැනීමට ජනතාව පෙළ ගැසිය යුතු බවත් අවධාරණය කර සිටියි.
සම්බන්ධිත පුවත් | Related News
ප්‍රධාන පුවත්
ඥානසාර හිමි උදෙසා කොළඹ බලා එන පාගමනේ තෙවන දිනය අද..
"ජේවීපී එකෙන් මගෙ සිවුර ගලවනවා.. සිරගත වුනත් කවදාවත් මෙහෙම දෙයක් වෙලා නෑ මහත්තයෝ.." - අත්අඩංගුවට ගැනීමට පෙර ඥානසාර හිමි පැවසූ කතාව නීතිඥ සංජීව වීරවික්‍රම හෙළිකරයි..
අනුරාධපුර පූජා නගරය ගොඩනැගීමට ඉන්දියාවෙන් විශාල ආධාරයක් ලැබෙනවා.. - ජනපති ඉබ්බාගමුවේදී පවසයි
මමත් මාලිමාවට රැවටුනා.. ඥානසාර හාමුදුරුවෝ හිරේ ඉන්නකොට ගැටුමක් ඇතිකරලා කරන්න හදපු දේත් අපිට ආරංචි වුනා.. - මහාචාර්ය පූජ්‍ය පාතේගම ඤානිස්සර හිමිගෙන් ප්‍රබල අනාවරණයක්..
රුසියාවෙන් ඇමරිකාවට ඩීසල්.. ට්‍රම්ප් සහ පුටින් අතර ඓතිහාසික ගිවිසුමක්.. - යුක්රේනයට අලුත් ජනපති කෙනෙක් පත් කරගන්නැයි ට්‍රම්ප් කියයි
2022න් පස්සෙ ළමා රෝහලට ඩොනේෂන් ගත්තේ නැතිනම් ලැබිච්ච දේවල් වලට මොකද වුනේ?.. 2026 ඔක්තෝබර් වෙනකල් තොරතුරු වෙබ් අඩවියේ තිබුනා.. ඒත් දැන් නෑ.. - වෛද්‍ය චමල් සංජීවගෙන් බරපතළ හෙළිදරව්වක්..
ඥානසාර හිමිට දුන් ජනපති සමාව ගැන රනිල් හෙළි කරයි..
මාලිමා ආණ්ඩුව බටහිර "ප්‍රොක්සි" ආණ්ඩුවක්.. - ඥානසාර හිමි සිද්ධිය සහ රටේ වත්මන් තත්ත්වය ගැන වෛද්‍ය වසන්ත බණ්ඩාරගෙන් විශේෂ හෙළිදරව්වක්..
බලවත් ජාතීන්ගේ වුවමනා එපාකම් මත සිදුවන ගමන ආපසු හැරවිය නොහැකි බියකරු අන්තයකින් අවසන් විය හැකියි.. - මොහාන් සමරනායක අනතුරු අඟවයි
ඥානසාර හිමියන් වෙනුවෙන් "නිදහසේ පාද යාත්‍රාව" මහනුවර ශ්‍රී දළදා මාලිගාව අබියසින් ඇරඹෙයි..
බටහිර ද්විත්ව ප්‍රමිතිය හෙළි කළ ජාත්‍යන්තර නාටකය: ICC තහංචි සහ නවනීදන් පිල්ලේට නොබෙල් හිමිවීම..
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි