මොඩියුලයේ අසභ්‍ය වෙබ් අඩවියක සබැඳියක් ඇතුළත් වීමේ සිද්ධිය: සාක්ෂි පවතිනවා නම් අධ්‍යාපන ලේකම් සැකකරුවෙකු කරන්නැයි අධිකරණ නියෝගයක්..
නව අධ්‍යාපන ප්‍රතිසංස්කරණ යටතේ 6 වන ශ්‍රේණිය සඳහා ප්‍රකාශයට පත් කළ ඉංග්‍රීසි භාෂා මොඩියුල කිහිපයකට අසභ්‍ය වෙබ් අඩවියක සබැඳියක් ඇතුළත් වීමේ සිද්ධිය සම්බන්ධයෙන් සාක්ෂි පවතී නම්, අධ්‍යාපන අමාත්‍යාංශයේ ලේකම් නාලක කළුවැව මහතා සැකකරුවකු ලෙස නම් කර අධිකරණයට ඉදිරිපත් කරන ලෙස නුගේගොඩ මහේස්ත්‍රාත් රුවන්තිකා මාරසිංහ මහත්මිය අපරාධ පරීක්ෂණ දෙපාර්තමේන්තුවටනියෝග කළාය.
මෙම වෙබ් අඩවි ලිපිනය පෙළපොත්වලට ඇතුළත් වූයේ චේතනාන්විතවද, වැරදීමකින්ද නැතහොත් නොසලකා හැරීමකින්ද යන්න පිළිබඳව පුළුල් විමර්ශනයක් පවත්වන ලෙසද මහේස්ත්‍රාත්වරිය මෙහිදී නියෝග කළාය. එමෙන්ම, අදාළ වෙබ් අඩවි ලිපිනය ඇතුළත්ව තිබූ ගුරු පුහුණු අත්පොත සහ ශෝධ්‍ය පත්‍ර කියවීමෙන් පසු මුද්‍රණය කළ මොඩියුලය නඩු භාණ්ඩ ලෙස අධිකරණයට ඉදිරිපත් කිරීමටද පියවර ගන්නා ලෙස දැනුම් දෙන ලදී.
අධ්‍යාපන වෘත්තිකයන්ගේ සංගමය සහ ශ්‍රේණි විදුහල්පති සංගමය වෙනුවෙන් පෙනී සිටි නීතිඥවරුන් ඉදිරිපත් කළ කරුණු සලකා බැලීමෙන් අනතුරුව මහේස්ත්‍රාත්වරිය මෙම නියෝග නිකුත් කළාය.
නඩුව කැඳවූ අවස්ථාවේදී පෙනී සිටි ජනාධිපති නීතිඥ මෛත්‍රී ගුණරත්න මහතා කරුණු දක්වමින් කියා සිටියේ, අදාළ සිද්ධිය සම්බන්ධයෙන් මුලින්ම පැමිණිලි ඉදිරිපත් කළ පාර්ශ්වයන්ගේ ප්‍රකාශ නොසලකා හරිමින්, අපරාධ පරීක්ෂණ දෙපාර්තමේන්තුව වගකිව යුතු නිලධාරියකු වන අධ්‍යාපන ලේකම්වරයාගේ පැමිණිල්ල මත පමණක් විමර්ශන මෙහෙයවන බවයි.
සැබවින්ම සැකකරුවකු විය යුතු පුද්ගලයකුගේ පැමිණිල්ල මත මෙලෙස කටයුතු කිරීම වැරදිකරුවන් ආරක්ෂා කිරීමක් බවත්, මෙම පෙළපොත් මුද්‍රණය හේතුවෙන් රජයට රුපියල් මිලියන 60කට අධික පාඩුවක් සිදුව ඇති බවත් නීතිඥවරයා අවධාරණය කළේය.
මෙහිදී අධිකරණය හමුවේ කරුණු දැක්වූ අපරාධ පරීක්ෂණ දෙපාර්තමේන්තුවේ විශේෂ විමර්ශන ඒකකයේ ස්ථානාධිපති ප්‍රධාන පොලිස් පරීක්ෂක කැලුම් කරුණාරත්න මහතා ප්‍රකාශ කළේ, සිද්ධිය සම්බන්ධයෙන් පුද්ගලයන් 35 දෙනෙකුගෙන් ප්‍රකාශ සටහන් කරගෙන ඇති බවයි.
විශේෂයෙන් මෙම මොඩියුල සැකසීමට දායක වූ ජාතික අධ්‍යාපන ආයතනයේ කථිකාචාර්යවරුන් දෙදෙනෙකුගෙන් දීර්ඝ ලෙස ප්‍රශ්න කර ඇති බවත්, ඔවුන් සහ ජාතික අධ්‍යාපන ආයතනයේ ජ්‍යෙෂ්ඨ සහකාර අධ්‍යක්ෂවරයා අතර හුවමාරු වූ විද්‍යුත් තැපැල් පණිවිඩ සහ විද්‍යුත් උපකරණ සම්බන්ධයෙන් වෝහාරික පරීක්ෂණ පවත්වන බවත් ඔහු කියා සිටියේය.
කෙසේ වෙතත්, අපරාධ පරීක්ෂණ දෙපාර්තමේන්තුව මෙම විමර්ශන මන්දගාමීව සිදු කරන බවට චෝදනා කළ නීතිඥ මෛත්‍රී ගුණරත්න මහතා, එසේ කරන්නේ සාක්ෂි විනාශ කිරීමට ඉඩ ලබා දීම සඳහා නම් ඉදිරියේදී පෞද්ගලික නඩුවක් ගොනු කිරීමට කටයුතු කරන බවටද අනතුරු ඇඟවීය.
සම්බන්ධිත පුවත් | Related News
ප්‍රධාන පුවත්
ඔන්ටාරියෝ ව්‍යවස්ථාදායකය 'දෙමළ ජන සංහාරයක්' නිල වශයෙන් පිළිගෙන නැහැ.. කොටි හිතවාදීන් ගොතන ලද ජන සංහාරක ප්‍රබන්ධය බිඳ වැටිලා.. - ආචාර්ය නෙවිල් හේවගේ
ඥානසාර හිමි උදෙසා කොළඹ බලා එන පාගමනේ තෙවන දිනය අද..
"ජේවීපී එකෙන් මගෙ සිවුර ගලවනවා.. සිරගත වුනත් කවදාවත් මෙහෙම දෙයක් වෙලා නෑ මහත්තයෝ.." - අත්අඩංගුවට ගැනීමට පෙර ඥානසාර හිමි පැවසූ කතාව නීතිඥ සංජීව වීරවික්‍රම හෙළිකරයි..
අනුරාධපුර පූජා නගරය ගොඩනැගීමට ඉන්දියාවෙන් විශාල ආධාරයක් ලැබෙනවා.. - ජනපති ඉබ්බාගමුවේදී පවසයි
මමත් මාලිමාවට රැවටුනා.. ඥානසාර හාමුදුරුවෝ හිරේ ඉන්නකොට ගැටුමක් ඇතිකරලා කරන්න හදපු දේත් අපිට ආරංචි වුනා.. - මහාචාර්ය පූජ්‍ය පාතේගම ඤානිස්සර හිමිගෙන් ප්‍රබල අනාවරණයක්..
රුසියාවෙන් ඇමරිකාවට ඩීසල්.. ට්‍රම්ප් සහ පුටින් අතර ඓතිහාසික ගිවිසුමක්.. - යුක්රේනයට අලුත් ජනපති කෙනෙක් පත් කරගන්නැයි ට්‍රම්ප් කියයි
2022න් පස්සෙ ළමා රෝහලට ඩොනේෂන් ගත්තේ නැතිනම් ලැබිච්ච දේවල් වලට මොකද වුනේ?.. 2026 ඔක්තෝබර් වෙනකල් තොරතුරු වෙබ් අඩවියේ තිබුනා.. ඒත් දැන් නෑ.. - වෛද්‍ය චමල් සංජීවගෙන් බරපතළ හෙළිදරව්වක්..
ඥානසාර හිමිට දුන් ජනපති සමාව ගැන රනිල් හෙළි කරයි..
මාලිමා ආණ්ඩුව බටහිර "ප්‍රොක්සි" ආණ්ඩුවක්.. - ඥානසාර හිමි සිද්ධිය සහ රටේ වත්මන් තත්ත්වය ගැන වෛද්‍ය වසන්ත බණ්ඩාරගෙන් විශේෂ හෙළිදරව්වක්..
බලවත් ජාතීන්ගේ වුවමනා එපාකම් මත සිදුවන ගමන ආපසු හැරවිය නොහැකි බියකරු අන්තයකින් අවසන් විය හැකියි.. - මොහාන් සමරනායක අනතුරු අඟවයි
ඥානසාර හිමියන් වෙනුවෙන් "නිදහසේ පාද යාත්‍රාව" මහනුවර ශ්‍රී දළදා මාලිගාව අබියසින් ඇරඹෙයි..
බටහිර ද්විත්ව ප්‍රමිතිය හෙළි කළ ජාත්‍යන්තර නාටකය: ICC තහංචි සහ නවනීදන් පිල්ලේට නොබෙල් හිමිවීම..
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..