එක්සත් රාජධානියේ අන්ත දරිද්‍රතා අනුපාතය ඉහළ යයි - අධ්‍යයනයක් පවසයි

Jan 29, 2026 at 04:12 PM

|

Lanka Leader

ප්‍රමුඛ පුණ්‍යායතනයක් විසින් කරන ලද විශ්ලේෂණයකට අනුව, එක්සත් රාජධානියේ දරිද්‍රතාවය තවත් නරක අතට හැරී ඇති අතර, වාර්තාගත සංඛ්‍යාවක් දැඩි දුෂ්කරතාවයන්ගෙන් පෙළෙන අතර ඔවුහු මූලික අවශ්‍යතා සපුරා ගැනීමට නොහැකිව ජීවත් වෙති.

පසුගිය කොන්සර්වේටිව් රජයේ අවසන් වසර සහ නිල සංඛ්‍යාලේඛන ලබා ගත හැකි නවතම වසර වන 2023/24 දී එක්සත් රාජධානියේ පුද්ගලයින් පස් දෙනෙකුගෙන් එක් අයෙකුට වඩා එනම් මිලියන 14.2 ක් පමණ දරිද්‍රතාවයෙන් ජීවත් වූ බව ජෝසප් රොන්ට්‍රී පදනම (JRF) පසුගිය 27 වනදා පලකළ වාර්තාවක සඳහන් විය. මෙයින් අඩක් පමණ එනම් මිලියන 6.8 ක ජනතාවක් "ඉතා දැඩි" දුෂ්කරතා අත්විඳිමින් සිටි අතර එය වසර 30 කට පසු වාර්තා වූ ඉහළම අගයයි.

ළමුන්, කුලී නිවැසියන්, ආබාධිත පුද්ගලයින් සහ අනාරක්ෂිත රැකියාවල නියුතු අය වඩාත් පීඩාවට පත් කණ්ඩායම් අතර විය. 2023/24 දී ළමුන් මිලියන 4.5 කට ආසන්න සංඛ්‍යාවක් දරිද්‍රතාවයේ පහල රේඛාවේ ජීවත් වූ අතර, එය කෝවිඩ් වසංගත කාලයට වඩා 600,000 කින් පමණ  වැඩිවී ඇති අතර එය අඛණ්ඩව තුන්වන වසර වැඩිවීම සනිටුහන් කරයි. පිඩාවට පත් වූ ළමුන්ගෙන් 44% ක් සාමාජිකයන් ගණන ඉහළ අගයක් ගන්න පවුල්වල වීම විශිෂත්වයකි. කුලී නිවාස වල වෙසෙන පුද්ගලයින් නිවාස හිමියන්ට වඩා වැඩි අවදානම්වලට මුහුණ දුන් අතර, ආබාධිත පුද්ගලයින් සහ අවිධිමත් රැකබලා ගන්නන් ද අසාමාන්‍ය ලෙස පීඩාවට පත්ව ඇති බව එම වාර්තාව සඳහන් කළේය.

වඩාත්ම දරුණු තත්වයන්ට මුහුණ දෙන පිරිස් වල තත්වය වඩාත් උග්‍ර බවද වාර්තාව පවසයි. ඒ අනුව මිලියනයක් පමණ ළමුන් ඇතුළුව මිලියන 3.8 ක් පමණ ජනතාව අසරණභාවයට පත්ව ඇති අතර, උණුසුම, ඇඳුම් පැළඳුම් සහ ආහාර වැනි මූලික අවශ්‍යතා ලබා ගැනීමට නොහැකි වී ඇත.

“එක්සත් රාජධානියේ දරිද්‍රතාවය ඉතාමත් පුළුල්ව පැතිරී ඇතිවා පමණක් නොව, එය පසුගිය වසර 30 තුළ ඕනෑම අවස්ථාවකට වඩා ගැඹුරු හා හානිකර ය.” Jර්‍F හි ප්‍රධාන විශ්ලේෂක පීටර් මැටෙජික් පැවසීය. “දරිද්‍රතාවයෙන් පෙළෙන ජනතාවගෙන් අඩක් පමණ දරිද්‍රතා රේඛාවට වඩා බෙහෙවින් පහළින් ජීවත් වීම සුභසාධන පද්ධතිය ජනතාව හානියෙන් ආරක්ෂා කිරීමට අපොහොසත් වන බවට අනතුරු ඇඟවීමේ ලකුණකි.” පීටර් මැටෙජික් වැඩිදුරටත් පැවසීය.

සමස්ත එක්සත් රාජධානිය සැලකීමේදී දරිද්‍රතා අනුපාත වෙනස් වූ අතර, වාර්තාවට අනුව ලන්ඩන් සහ බටහිර මිඩ්ලන්ඩ්ස් දැඩි ලෙස පීඩාවට පත් ප්‍රදේශ අතර වේ.

ජීවන වියදම් ඉහළ යාම සහ වැටුප් එකතැන පල්වීම දැඩි දරිද්‍රතාවයේ වැඩිවීමට දායක වී ඇති බව පුණ්‍යායතනය පැවසීය. මෑත වසරවලදී ආහාර, බලශක්තිය සහ නිවාස කුලිය වැනි අත්‍යවශ්‍ය ද්‍රව්‍ය සඳහා උද්ධමනය ඉහළ ගොස් ඇති අතර, අඩු ආදායම්ලාභී නිවාස සඳහා ඉපැයීම් යන්තම් වැඩි වී ඇති අතර, බොහෝ දෙනෙකුට මූලික අවශ්‍යතා සපුරාලීමට අරගල කිරීමටද සිදුවේ.

ස්වාධීන පර්යේෂණ උපදේශන ආයතනයක් වන සිල්ලර ආර්ථික විද්‍යාවේ නවතම දත්ත වලට අනුව, ජීවන තත්ත්වය ඉහළ නැංවීමේ පොරොන්දු තිබියදීත්, අගමැති කීර් ස්ටාර්මර්ගේ කම්කරු රජය යටතේ එක්සත් රාජධානියේ දුප්පත්ම කුටුම්භ දුප්පත් වී ඇත.