අධ්‍යාපන ප්‍රතිසංස්කරණ කියා කරන්නේ අහසේ යන ප්ලේන් එකකට පොළොවේ සිට තෙල් ගහනවා වගේ වැඩක්.. පෙරටුගාමීන්ගෙන් චෝදනා..
අධ්‍යාපන ප්‍රතිසංස්කරණ කියා ආණ්ඩුව සිදු කරන්නේ අහසේ යන ප්ලේන් එකකට පොළොවේ සිට තෙල් ගහනවා වැනි වැඩක් යැයි පෙරටුගාමී සමාජවාදී පක්ෂයේ මධ්‍යම කාරක සභික රවීන්ද්‍ර මුදලිගේ මහතා ඊයේ පැවසීය.
අධ්‍යාපන ප්‍රතිසංස්කරණ දුටු – නොදුටු පැති මැයෙන් පෙරටුගාමී සමාජවාදී පක්ෂය සංවිධානය කළ සම්මන්ත්‍රණයක් ඊයේ (23දා) සවස 3.00ට කොළඹ මහජන පුස්තකාලයේදී පැවැති අවස්ථාවේදී ඔහු මේ බව කීවේය.
එහිදී රවීන්ද්‍ර මුදලිගේ මහතා මෙසේද පැවසීය.
“මේ ආණ්ඩුව මේ වෙද්දි කටයුතු කරමින් ඉන්නේ තමන්ගේ අතීත වටිනාකම්වල බලය පාවිච්චි කරමින් කියන එක දැන් හොඳටම පැහැදිලියි. බලය ගන්න කලින් විපක්ෂයේ ඉන්නකොට දිනාගෙන තිබුණු මහජන විස්වාසය අමු අමුවේ පාවිච්චි කරල ආණ්ඩුව දැන් සියලු පාවාදීම් කරන්න සූදානම් වෙලා ඉන්නවා. මේකට හොඳම උදාහරණය තමයි මේ වෙද්දි සාකච්ඡා වෙන නව අධ්‍යාපන ප්‍රතිසංස්කරණ සම්බන්ධ වැඩපිළිවෙළ. ජනතාව ඉල්ලපු අධ්‍යාපනයේ බරපතළ වෙනස වෙනුවට රනිල් වික්‍රමසිංහලා රාජපක්ෂලා අරං එන්න උත්සහ කරලා ජන බලයෙන් පරද්දවපු නව ලිබරල් අධ්‍යාපන ප්‍රතිපත්තියට එන්.පී.පී. සීල් එක ගහලා ක්‍රියාත්මක කරන්න තමයි ආණ්ඩුව උත්සහ කළේ. අඩුම තරමින් මේ ප්‍රතිසංස්කරණ යෝජනා කරන අධ්‍යාපන අමාත්‍යවරියවත් දන්නේ නෑ මේ කරන්න යන ප්‍රතිසංස්කරණ මොනතරම් බරපතළ ද සහ එහි ප්‍රතිඵලය කෙබඳු වෙයිද කියලා.
අධ්‍යාපනයේදී අනිවාර්යෙන් භෞතික සහ මානව සම්පත් සංවර්ධනය කිරීම අත්‍යවශ්‍යයි. ඒ සඳහා ප්‍රතිපාදන වෙන් නොකර අධ්‍යාපනයේ ප්‍රතිසංස්කරණයක් ගැන කතා කරලා වැඩක් නැහැ. මොකද අපි දන්නවා ලංකාවේ පාසල් අතර තියෙන්නේ අහසට පොළොව වගේ විශාල ඇති නැති පරතරයක්.
ලංකාවේ සමස්ත පාසල්වලින් 38%කට විශාල ඩෙස් පුටු හිඟයක් තියනවා. මේ සංඛ්‍යාව වතුකරයේදී 60%කට වැඩියි. බීමට සුදුසු පානීය ජලය නොමැති පාසල් තියනවා සමස්ත පාසල්වලින් 27%කට වැඩියි. විදුලිය නැති පාසල් ප්‍රමාණය 35%කට වැඩියි. මෙහෙම විෂමතාවක් සහිත පාසල් පද්ධතියකට තමයි ආණ්ඩුව නව ප්‍රතිසංස්කරණ ගේන්න සූදානම් වෙන්නේ. ලංකාවේ සමස්ත ගුරු හිඟය 38,000කට වැඩියි. අපි දන්නවා හැත්තෑ අටේ ආණ්ඩුක්‍රම ව්‍යවස්ථාවේ 27 සහ 28 පරිච්ඡේදවල රජයේ වගකීම සහ නන්වැදෑරුම් නිදහස කියන කොටසේ පැහැදිලිව තියනවා අධ්‍යාපනයට ප්‍රවේශ වීම සඳහා සියලු දෙනාට සමාන අයිතිය තියෙන්න ඕන කියලා. මෙහෙම විෂමතාවක් තියෙද්දි කොහොමද අධ්‍යාපනයේ සමාන අවස්ථා ලැබෙන්නේ.
අපි දන්නවා ලංකාවේ අධ්‍යාපන අමාත්‍යංශයම පිළිගන්නවා මේ සම්පත් විෂමතාව ලංකාවේ පාසල්වල ශිෂ්‍යයන්ගේ කුසලතා ඇගයීමේදී බලපානවා කියලා. එක ජාතික ඇගයීමකින් සියලු දෙනාව ඇගයීමට ලක් කරලා විශ්වවිද්‍යාල ප්‍රවේශය සඳහා අවස්ථාව ලබාදෙන්න පුළුවන් කමක් නෑ. ඒ නිසා තමයි කටවුට් මාර්ක් සඳහා දිස්ත්‍රික් කෝටා ක්‍රමයක් හදලා තියෙන්නේ. අපි අහන්නේ ඇයි ආණ්ඩුවට බැරි මෙන්න මේ විෂමතාව නැති කිරීම සඳහා සියලු පාසල් සංවර්ධනය කරන වැඩපිළිවෙළක් හදන්න. ආණ්ඩුව මේ කරන්නේ අහසේ යන ප්ලේන් එකකට බිම ඉඳල තෙල් ගහනවා වගේ තේරුමක් නැති වැඩක්. ආණ්ඩුවට අමතකවෙලා මේ ප්ලේන් එක අහසේ යන්නේ ළමයි ලක්ෂ 40ක ජීවිත අතේ තියාගෙන කියන කාරණය.
- අනුරාධ හිරිපිටියගේ
දිවයින
සම්බන්ධිත පුවත් | Related News
ප්‍රධාන පුවත්
නේපාලයට යළිත් මහා ගංවතුරක් – නිවාස හා පාලම් ගසාගෙන යයි (වීඩියෝ)
හිටපු ජනපති මහින්ද රාජපක්ෂ රෝහල්ගත කෙරේ..
ඔන්ටාරියෝ ව්‍යවස්ථාදායකය 'දෙමළ ජන සංහාරයක්' නිල වශයෙන් පිළිගෙන නැහැ.. කොටි හිතවාදීන් ගොතන ලද ජන සංහාරක ප්‍රබන්ධය බිඳ වැටිලා.. - ආචාර්ය නෙවිල් හේවගේ
ඥානසාර හිමි උදෙසා කොළඹ බලා එන පාගමනේ තෙවන දිනය අද..
"ජේවීපී එකෙන් මගෙ සිවුර ගලවනවා.. සිරගත වුනත් කවදාවත් මෙහෙම දෙයක් වෙලා නෑ මහත්තයෝ.." - අත්අඩංගුවට ගැනීමට පෙර ඥානසාර හිමි පැවසූ කතාව නීතිඥ සංජීව වීරවික්‍රම හෙළිකරයි..
අනුරාධපුර පූජා නගරය ගොඩනැගීමට ඉන්දියාවෙන් විශාල ආධාරයක් ලැබෙනවා.. - ජනපති ඉබ්බාගමුවේදී පවසයි
මමත් මාලිමාවට රැවටුනා.. ඥානසාර හාමුදුරුවෝ හිරේ ඉන්නකොට ගැටුමක් ඇතිකරලා කරන්න හදපු දේත් අපිට ආරංචි වුනා.. - මහාචාර්ය පූජ්‍ය පාතේගම ඤානිස්සර හිමිගෙන් ප්‍රබල අනාවරණයක්..
රුසියාවෙන් ඇමරිකාවට ඩීසල්.. ට්‍රම්ප් සහ පුටින් අතර ඓතිහාසික ගිවිසුමක්.. - යුක්රේනයට අලුත් ජනපති කෙනෙක් පත් කරගන්නැයි ට්‍රම්ප් කියයි
2022න් පස්සෙ ළමා රෝහලට ඩොනේෂන් ගත්තේ නැතිනම් ලැබිච්ච දේවල් වලට මොකද වුනේ?.. 2026 ඔක්තෝබර් වෙනකල් තොරතුරු වෙබ් අඩවියේ තිබුනා.. ඒත් දැන් නෑ.. - වෛද්‍ය චමල් සංජීවගෙන් බරපතළ හෙළිදරව්වක්..
ඥානසාර හිමිට දුන් ජනපති සමාව ගැන රනිල් හෙළි කරයි..
මාලිමා ආණ්ඩුව බටහිර "ප්‍රොක්සි" ආණ්ඩුවක්.. - ඥානසාර හිමි සිද්ධිය සහ රටේ වත්මන් තත්ත්වය ගැන වෛද්‍ය වසන්ත බණ්ඩාරගෙන් විශේෂ හෙළිදරව්වක්..
බලවත් ජාතීන්ගේ වුවමනා එපාකම් මත සිදුවන ගමන ආපසු හැරවිය නොහැකි බියකරු අන්තයකින් අවසන් විය හැකියි.. - මොහාන් සමරනායක අනතුරු අඟවයි
ඥානසාර හිමියන් වෙනුවෙන් "නිදහසේ පාද යාත්‍රාව" මහනුවර ශ්‍රී දළදා මාලිගාව අබියසින් ඇරඹෙයි..
බටහිර ද්විත්ව ප්‍රමිතිය හෙළි කළ ජාත්‍යන්තර නාටකය: ICC තහංචි සහ නවනීදන් පිල්ලේට නොබෙල් හිමිවීම..
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..