මේ ආණ්ඩුව බලයට පත්වූ පසු උතුරු සහ නැගෙනහිර බෞද්ධ උරුමය අන්තවාදීන්ගේ ග්‍රහණයට ලක්වීම ශීඝ්‍රයෙන් වැඩි වෙලා.. උතුරේදී කළ ප්‍රකාශයට ජනපති ජාතියෙන් සමාව ගත යුතුයි - මහාචාර්ය පූජ්‍ය මැදගොඩ අභයතිස්ස හිමි

Jan 23, 2026 at 09:43 AM

|

Lanka Leader

උතුරු සහ නැගෙනහිර පළාත්වල බෞද්ධ උරුමය විනාශවී ඇති ආකාරය පිළිබඳව මහානායක හිමිවරුන් මුණගැසී කරුණු පැහැදිලි කිරීමට තීරණය කර ඇති බවත්, මෙම බෞද්ධ ජාතික උරුමයන් විනාශවීමට හේතුවන අත්පත්කර ගැනීම් රාශියක් දැකගත හැකි බවත් මහාචාර්ය පූජ්‍ය මැදගොඩ අභයතිස්ස හිමියෝ පවසති.

මෑත කාලිීනව සිදුවූ සිද්ධියක් ලෙස වඩුන්නාගල පවතින ලෙන් සංකීර්ණය කඩා ශිව ලිංගයක් ඒ මත තැන්පත් කර එම ස්ථානය කෝවිලක් ලෙස නම් කිරීමට පවා කටයුතු කර ඇති බවත් පවසන උන්වහන්සේ සමලන්කුලම බෞද්ධ නටඹුන් මත මේවන විට කොවිලක් ද ඉදිකර ඇති බවත් සඳහන් කරති.

මේ වන විට බෞද්ධ නටඹුන් සහිත ස්ථාන විවිධ අය විසින් අත්පත් කරගනිමින් පවතින බවත් සඳහන් කරන උන්වහන්සේ මෙම තත්ත්වය වර්තමාන ආණ්ඩුව බලයට පත්වූ පසුව ඉතා ශීඝ්‍රයෙන් සිදුවන බවත් පෙන්වා දෙති.

ජනාධිපති අනුර කුමාර දිසානායක මහතා උතුරට ගොස්  උතුරට බෞද්ධයෝ පැමිණෙන්නේ සිල් ගැනීමට නොව වෛරය වැපිරීමට බවට  පැවසූ ප්‍රකාශය මගින් මෙම තත්ත්වයන් පිළිබඳව විග්‍රහකර ගැනීමක් සිදුකළ හැකි බවත්, උතුරේ තිස්ස විහාරයට බෞද්ධයන් යන්නේ බෞද්ධයාගේ අයිතිය සලකා බවත්, තමන්ට නැති අයිතියක් ප්‍රකාශ කරමින් ඇතැම් ද්‍රවිඩ අන්තවාදී කොටස් එතනට පැමිණෙන්නේ එම ස්ථාන අත්පත් කරගැනීමේ අරමුණෙන් බවත් උන්හසන්සේ පවසති.

අත්පත් කරගන්නාගේ අරමුණ සහ හිමිකරු තමන්ගේ හිමිකම ආරක්ෂාකර ගැනීමට ක්‍රියාකිරීම යන කාරණා එකිනෙකට සමාන නැති බවත් උන්වහන්සේ මෙහිදී පෙන්වා දෙති.

මෙම සිදුවීම් සමාන කර දක්වමින් ජනාධිපතිවරයා උතුරේදී සිදුකළ ප්‍රකාශය සම්බන්ධයෙන් ජාතියෙන් සමාව ගතයුතු බවද උන්වහන්සේ පවසති.

සවිස්තරාත්ම වීඩියෝව නරඹන්න..