පෞද්ගලික රෝහල්වලට රජයේ රෝහල් තුළ ව්‍යාපාර අවස්ථා දීම නිදහස් සෞඛ්‍ය සේවාවට එල්ල කරන බරපතළ අභියෝගයක් - වෛද්‍ය චමල් සංජීව
රජයේ රෝහල් පද්ධතියේ කාර්යක්ෂමතාව ඉහළ නැංවීම වෙනුවට, පෞද්ගලික අංශයට රජයේ රෝහල් තුළ සේවා සැපයීමට අවස්ථාව ලබාදීම සඳහා සෞඛ්‍ය අමාත්‍යාංශය ඉදිරිපත් කර ඇති නව කැබිනට් පත්‍රිකාව මෙරට නිදහස් සෞඛ්‍ය සේවාවට එල්ල කරන බරපතළ අභියෝගයක් බව වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තීය සමිති සන්ධානය පවසයි.
එම සන්ධානයේ සභාපති විශේෂඥ වෛද්‍ය චමල් සංජීව මහතා පෙන්වා දෙන්නේ, මෙමගින් රජයේ රෝහල් වෙත පැමිණෙන රෝගීන්ට නොමිලේ සෞඛ්‍ය පහසුකම් සැලසීමට රජය අසමත් වී ඇති බව තහවුරු වන බවයි.
වත්මන් සෞඛ්‍ය පද්ධතිය තුළ පවතින පරිපාලනමය සහ මූල්‍යමය අකාර්යක්ෂමතාව වර්තමාන සෞඛ්‍ය අමාත්‍යවරයා විසින්ම මෙම කැබිනට් පත්‍රිකාව හරහා වක්‍රව පිළිගෙන ඇති බව වෛද්‍යවරයා සඳහන් කරයි.
සෞඛ්‍ය ආර්ථික විද්‍යා විශ්ලේෂණවලට අනුව රාජ්‍ය අංශය මගින් සේවා සැපයීමේ පිරිවැය අවම වුවද, පෞද්ගලික අංශය සම්බන්ධ කරගැනීමේදී එම පිරිවැය බෙහෙවින් ඉහළ යන බවත්, ඒ පිළිබඳව විෂය ප්‍රවීණයන්ගේ අධ්‍යයනයකින් තොරව මෙවැනි තීන්දු ගැනීම ප්‍රශ්න සහගත බවත් ඔහු පෙන්වා දෙයි.
රට තුළ පවතින ප්‍රමුඛ සෞඛ්‍ය ගැටලු රැසකට විසඳුම් සෙවීමට රජය අසමත් වී ඇති බව පවසන විශේෂඥ වෛද්‍ය චමල් සංජීව මහතා දිවයින පුරා පවතින උග්‍ර ඖෂධ හිඟය , CT සහ MRI වැනි විකිරණ තාක්ෂණ පරීක්ෂණ සිදුකිරීමේ අර්බුදය, ශල්‍යකර්ම සඳහා පවතින දීර්ඝ පොරොත්තු ලේඛන, ජාතික රෝහල ඇතුළු ප්‍රධාන රෝහල්වල රසායනාගාර පරීක්ෂණ අඩාල වීම, වෛද්‍යවරුන් ඇතුළු සෞඛ්‍ය වෘත්තිකයන් විශාල වශයෙන් රට හැර යාම ගැටළුවලට විසදුම් නැති බවත් පැවසුවේය.
සෞඛ්‍ය පද්ධතියේ මෙම බිඳ වැටීමට වගකිවයුතු නිලධාරීන් තවදුරටත් ඉහළ තනතුරුවල රඳවාගෙන සිටීම සම්බන්ධයෙන් ජනාධිපතිවරයා මෙතෙක් අවධානය යොමු නොකිරීම කනගාටුවට කරුණක් බව හෙතෙම සඳහන් කළේය.
එබැවින්, අදාළ කැබිනට් පත්‍රිකාව ක්‍රියාත්මක කිරීම වහාම අත්හිටුවන ලෙසත්, ඒ පිළිබඳව විධිමත් ඇගයීමක් සිදුකිරීම සඳහා තාක්ෂණික කමිටුවක් පත් කරන ලෙසත් වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තීය සමිති සන්ධානය ජනාධිපතිවරයාගෙන් ඉල්ලා සිටියි.
සම්බන්ධිත පුවත් | Related News
ප්‍රධාන පුවත්
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්