සියලු ජාතීන්ගේ ස්වෛරී අයිතිවාසිකම් ආරක්ෂා කරන ලෙස ජාත්‍යන්තර ප්‍රජාවෙන් ඉල්ලා සිටිනවා – දේශපාලන පක්ෂ කිහිපයක් නිවේදනයක් නිකුත් කරමින් ඉල්ලා සිටියි
වෙනිසියුලා ජනාධිපති නිකොලස් මධුරෝ සහ ජනාධිපති ආර්යාව සිලියා ෆ්ලෝරස් පැහැරගැනීම ඇතුළුව, වෙනෙසියුලාවේ බොලිවේරියානු ජනරජයට එරෙහිව එක්සත් ජනපදය විසින් මෑතකදී ගනු ලැබූ ක්‍රියාමාර්ග සම්බන්ධයෙන් ශ්‍රී ලංකාවේ දේශපාලන පක්ෂ විසින් නිකුත් කරනු ලැබූ නිවේදනයක සඳහන් වන්නේ සියලු ජාතීන්ගේ ස්වෛරී අයිතිවාසිකම් ආරක්ෂා කරන ලෙසට ජාත්‍යන්තර ප්‍රජාවෙන් ඉල්ලා සිටින බවයි.
ජනාධිපති නිකොලස් මධුරෝ සහ ජනාධිපති ආර්යාව සිලියා ෆ්ලෝරස් පැහැරගැනීම ඇතුළුව, වෙනෙසියුලාවේ බොලිවේරියානු ජනරජයට එරෙහිව එක්සත් ජනපදය විසින් මෑතකදී ගනු ලැබූ ක්‍රියාමාර්ග සම්බන්ධයෙන් ශ්‍රී ලංකාවේ දේශපාලන පක්ෂ විසින් ඔවුන්ගේ ගැඹුරු කනස්සල්ල සහ දැඩි විරෝධය ප්‍රකාශ කරයි.
එහි මෙසේද සඳහන්ය.
"ජාත්‍යන්තර වරමකින් තොරව ගනු ලැබූ එම පියවර, ජාතික ස්වෛරීභාවය සහ ස්ථාපිත ජාත්‍යන්තර නීති සම්මතයන් කෙරෙහි ගරු කිරීම පිළිබඳව බරපතළ ප්‍රශ්න මතු කරයි. වෙනිසියුලාව තුළ මහජන පහසුකම්වලට එල්ල වූ ප්‍රහාර පිළිබඳ වාර්තාද අපි කනස්සල්ලෙන් යුතුව සටහන් කරමු.
මෙම සිදුවීම් අත්‍යවශ්‍ය සේවාවන්ට බලපා ඇති අතර සිවිල් ජනතාව සැළකිය යුතු දුෂ්කරතාවයන්ට ගොදුරු කොට ඇති බව පෙනේ. සිවිල් වැසියන්ට හානි කරන හෝ මූලික සේවාවන්ට බාධා කරන ඕනෑම ක්‍රියාවක් ජාත්‍යන්තර මානුෂීය මූල ධර්මවලට පැහැදිලිවම පටහැනි වන අතර එය යුද අපරාධ ලෙස සැළකිය හැකිය.
මෙම මැදිහත්වීම සඳහා පදනම වශයෙන් ප්‍රකාශිත “මත්ද්‍රව්‍ය විරෝධී මෙහෙයුම්” වටා සැකසුණු සාධාරණීකරණය දැඩි ලෙස ප්‍රශ්න සහගතය. එය හමුදා ක්‍රියාමාර්ග නීත්‍යානුකූල කිරීම සඳහා සනාථ නොකළ ප්‍රකාශ භාවිතා කළ පෙර අවස්ථාවන්ට – එනම්, ඉරාකයේ සමූල ඝාතක ආයුධ ඇති බවට නැගුනු චෝදනාවන්ට; සමානකම් දක්වයි. ශ්‍රී ලංකාවේ දේශපාලන පක්ෂ එවැනි තර්ක ප්‍රතික්‍ෂේප කරන අතර එවැනි හේතූන් වෙනත් ජාතියක ස්වෛරීභාවය උල්ලංඝනය කිරීම සඳහා ප්‍රමාණවත් පදනමක් ලෙස නොසළකයි.
ස්වෛරීභාවය, සාමකාමී සහජීවනය සහ බාහිර ආධිපත්‍යයට ප්‍රතිරෝධය දැක්වීම යන කරුණු මත පදනම් වූ නොබැඳි ජාතීන්ගේ අභිමානවත් සම්ප්‍රදායක් ශ්‍රී ලංකාව දිගු කලක් තිස්සේ පවත්වා ගෙන ගොස් ඇත. මෙම මූලධර්මවලට අනුකූලව, මෙම ක්‍රියාවන්ට අප්‍රසාදය පළ කරමින් සහ ගෝලීය බලවතුන්ගේ අනවශ්‍ය බලපෑම්වලින් තොර ස්වාධීන විදේශ ප්‍රතිපත්තියක් සඳහා රටේ කැපවීම නැවත තහවුරු කරමින්, පැහැදිලි සහ ප්‍රතිපත්තිමය ස්ථාවරයක් ගන්නා ලෙස අපි ශ්‍රී ලංකා රජයෙන් ඉල්ලා සිටිමු. වෙනිසියුලාවේ ජනතාව සමඟ අපගේ සහයෝගීතාව නැවත අවධාරණය කරන අතර, ජාත්‍යන්තර නීතිය අමු අමුවේ උල්ලංඝනයට එරෙහිව ක්‍රියා කරන ලෙසත්, සාමය, ස්ථාවරත්වය සහ සියලු ජාතීන්ගේ ස්වෛරී අයිතිවාසිකම් ආරක්ෂා කරන ලෙසත් ජාත්‍යන්තර ප්‍රජාවෙන් ඉල්ලා සිටිමු.
මෙම නිවේදනයට පහත පක්ෂ නායකයින් අත්සන් තබා ඇත.
හිටපු ජනාධිපති මෛත්‍රිපාල සිරිසේන, වාසුදේව නානායක්කාර (ප්‍රජාතන්ත්‍රවාදී වාමාංශික පෙරමුණ), දුමින්ද දිසානායක (ශ්‍රී ලංකා නිදහස් පක්‍ෂය), අසංක නවරත්න (ශ්‍රී ලංකා මහජන පක්‍ෂය), දයාසිරි ජයසේකර (ශ්‍රී ලංකා නිදහස් පක්‍ෂය), උදය ගම්මන්පිල (පිවිතුරු හෙළ උරුමය), වජිර අබේවර්ධන (එක්සත් ජාතික පක්‍ෂය), තිලංග සුමතිපාල (එක්සත් ජනතා නිදහස් සන්ධානය), රවුෆ් හකීම් (ශ්‍රී ලංකා මුස්ලිම් කොංග්‍රසය), තිස්ස ජයවර්ධන යාපා (මහජන එක්සත් පෙරමුණ), විමල් වීරවංශ (ජාතික නිදහස් පෙරමුණ), සුගීෂ්වර බණ්ඩාර (නව ජනතා පෙරමුණ), එස්. හපුආරච්චි (ලංකා සමසමාජ පක්‍ෂය), ප්‍රේමනාත් දොළවත්ත (නව ප්‍රජාතන්ත්‍රවාදී පෙරමුණ), ජී. වීරසිංහ (ශ්‍රී ලංකාවේ කොමියුනිස්ට් පක්‍ෂය).
සම්බන්ධිත පුවත් | Related News
ප්‍රධාන පුවත්
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්