යාපනයේ තිස්ස විහාරය ඉලක්ක කරගෙන පැවැත්වූ විරෝධතාව සහ දේශපාලන ප්‍රකෝප කිරීම හෙළාදකිමින් සිවිල් සමාජ සංවිධාන කිහිපයකින් ඒකාබද්ධ ප්‍රකාශයක්..
යාපනයේ තිස්ස විහාරය ඉලක්ක කරගෙන පැවැත්වූ විරෝධතාව සහ දේශපාලන ප්‍රකෝප කිරීම හෙළාදකිමින් සිවිල් සමාජ සංවිධාන කිහිපයක් විසින් ඒකාබද්ධ ප්‍රකාශයක් නිකුත් කර තිබේ.
එම නිවේදනය පහළින්..
2025 දෙසැම්බර් 21
ඒකාබද්ධ මාධ්‍ය නිවේදනය
නිකුත් කළේ:
සර්වජන බලය - යාපනය
යාපනය සිවිල් සමාජ මධ්‍යස්ථානය
යාපනය කාන්තා පෙරමුණ
යාපනය තරුණ පිරිමි බෞද්ධ සංගමය
යාපනය අම්බෙඩ්කාර් ව්‍යාපාරය
යාපනය පෙරියාර් අධ්‍යයන මධ්‍යස්ථානය
ඓතිහාසික කන්කසන්තුරෙයි තිස්ස විහාරයට එරෙහිව අද දින පවත්වන ලද නීති විරෝධී විරෝධතාව, ඉහත සඳහන් සංවිධාන සියල්ල ඒකාබද්ධව හෙළා දකී.
මෙම විරෝධතාවය සමස්ත ලංකා දෙමළ කොංග්‍රසයට (ACTC) අනුබද්ධ වලිකාමම් උතුරු ප්‍රාදේශීය සභාවේ ඇතැම් සාමාජිකයින් විසින් සිදු කරන ලද අතර, ෆෙඩරල් පක්ෂ පාර්ලිමේන්තු මන්ත්‍රී සිවඥානම් ශ්‍රීධරන් මහතා සහ හින්දුත්ව අන්තවාදී පූජක වේලන් “ස්වාමිගල්” මහතාගේ සහභාගීත්වයෙන් සිදු කරන ලදී.
ගජේන්ද්‍රකුමාර් පොන්නම්බලම්ගේ ACTC ට අයත් වලිකාමම් උතුරු ප්‍රාදේශීය සභාවේ සාමාජිකයින් විසින් තිස්ස විහාරය "නීති විරෝධී විහාරස්ථානයක්" ලෙස ප්‍රකාශ කරමින් පුවරු සවි කිරීමට ගත් උත්සාහය හිතාමතා සිදුකරන ලද දේශපාලන ප්‍රකෝප කිරීමක් මෙන් ම, නීතිය පැහැදිලිව උල්ලංඝනය කිරීමකි. එම පක්ෂයේ නායකයා ඉන්දියාවේ දේශපාලන සංචාරයක යෙදී සිටින අවස්ථාවක, ශ්‍රී ලංකාවේ ඓතිහාසික වශයෙන් වැදගත් බෞද්ධ විහාරස්ථානයකට එරෙහිව සංවිධානය කරන ලද මෙම විරෝධතාව, ශ්‍රී ලංකාවේ, උතුරේ ජීවත්වන දෙමළ ජනතාවට වෙනස්කම් සිදුවන බවට තමිල්නාඩු සහ ඉන්දියානු දේශපාලන ක්‍රියාකාරීන්ට පෙන්වීම අරමුණු කරගත් ඉලක්කගත දේශපාලන න්‍යාය පත්‍රයක් හෙළිදරව් කරයි.
මෙම බෞද්ධ විහාරස්ථානය සම්බන්ධයෙන් ඇති ඕනෑම සැබෑ ඉඩම් ගැටලුවක් වලංගු සහ නීත්‍යානුකූල ඔප්පු ඉදිරිපත් කිරීමෙන් අධිකරණ හරහා පමණක් විසඳා ගත යුතු බව තමිල්නාඩුවේ සහ ඉන්දියාවේ දේශපාලන නායකයින්ට අපි පැහැදිලිව පෙන්වදීමට කැමැත්තෙමු. ශ්‍රී ලංකාවේ අධිකරණ පද්ධතිය ස්වාධීන සහ අපක්ෂපාතී ය. උතුරු පළාතේ, අධිකරණ කටයුතු දෙමළ භාෂාවෙන් පවත්වනු ලබන අතර, අධිකරණ තීන්දුවකින් පසුව යාපනයේ කෝපායි හි පෞද්ගලික ඉඩමක පිහිටුවා තිබූ ශ්‍රී ලංකා පොලිසිය එතැනින් ඉවත් කිරීම වැනි මෑත කාලීන අධිකරණ තීන්දු මගින් අධිකරණයේ විශ්වසනීයත්වය සහ සාධාරණත්වය පැහැදිලිව පෙන්නුම් කෙරේ.
එහෙත්, ACTC සාමාජිකයින්ගේ, ෆෙඩරල් පක්ෂ පාර්ලිමේන්තු මන්ත්‍රීවරයෙකුගේ සහ අන්තවාදී පූජකයෙකුගේ ක්‍රියාව, ශ්‍රී ලංකා අධිකරණයේ ස්වාධීනත්වය පිළිබඳ මහජන විශ්වාසය බිඳ දැමීමට සහ ජාත්‍යන්තර ප්‍රජාව ඉදිරියේ අධිකරණ ක්‍රියාවලියේ විශ්වසනීයත්වයක් නොමැති බව ව්‍යාජ ලෙස නිරූපණය කිරීම සඳහා නිර්මාණය කර ඇති බව පෙනේ.
එසේම යුක්තිය පසිඳලීමෙහි ලා මෙම කණ්ඩායමේ දෙබිඩි ස්ථාවරය කෙරෙහි ද අපි ඔබේ අවධානය යොමු කරවමු. මුලතිව් දිස්ත්‍රික්කයේ පුදුකුඩිඉරිප්පු හි (MU/38 - GS අංශය) ‘ප්‍රමුඛ හින්දු කුල’ යැයි කියනු ලබන, කණ්ඩායම්වලට අයත් පුද්ගලයින් විසින් අක්කර තුනකට ආසන්න වැවක් ඇතුළුව, මන්තුවිල් මනල්කුලම් නම් පොදු ජල සම්පතක් නීති විරෝධී ලෙස අත්පත් කරගෙන ඇති අතර එහි, නීති විරෝධී ලෙස සිවන් කෝවිලක් ඉදිකර පුළුල් කිරීම දිගටම කරගෙන ගොස් ඇත. මෙම කාරණය දැනට කිලිනොච්චි මහාධිකරණය ඉදිරියේ පවතී (නඩු අංකය KN/2023/ලිපි අංකය 4) ශ්‍රී ලංකා මානව හිමිකම් සංවිධාන, පුදුකුඩිඉරිප්පු ප්‍රාදේශීය සභාව, මන්තුවිල් ගොවි සංවිධානය සහ මුලතිව් ගොවිජන සංවර්ධන දෙපාර්තමේන්තුව යන සියල්ලම මෙම ඉදිකිරීම අනවසර හා නීතිය උල්ලංඝනය කරන්නක් බවට නිල වශයෙන් ප්‍රකාශ කර ඇත.
එසේ තිබියදී කිසිදු දෙමළ දේශපාලන නායකයෙකු, හින්දු පූජකයෙකු හෝ පාර්ලිමේන්තු මන්ත්‍රීවරයෙකු මේ පිළිබඳව කිසිදු විරෝධතාවක් මතු කර නැත. එයට හේතුව වන්නේ ‘පීඩිත' කුළ ප්‍රජාවන් අදාල ජල සම්පත වී වගාව සඳහා යොදවාගන්නා බැවිනි.
ප්‍රමුඛ හින්දුත්ව-වෙල්ලාල ප්‍රභූන් විසින් පීඩිත කුලවලට එරෙහිව සිදුකරන අසාධාරණය නොසලකා හරිනු ලබන අතර, ප්‍රභූ දේශපාලන අවශ්‍යතා සඳහා මෙහෙයවනු ලබන මෙවන් නීති විරෝධී, ආක්‍රමණශීලී ක්‍රියා අනුමත කර, දිරිමත් කරනු ලැබේ.
මෙම රටාව උතුරු පළාතේ සියවස් ගණනාවක් තිස්සේ පැවතුන අතර යාපනයේ සහ උතුරේ දෙමළ සමාජ ඉතිහාසයේ කණගාටුදායක සහ ප්‍රතික්ෂේප කළ නොහැකි විභේදනයක් නිර්මාණය කර ඇත.
මෙහිදී ශ්‍රී ලංකා පොලිසිය විසින් අදාළ නීති විරෝධී විරෝධතාකරුවන් පස් දෙනෙකු අත්අඩංගුවට ගෙන මහේස්ත්‍රාත්වරයා වෙත ඉදිරිපත් කිරීම අපි අගය කරමු.
එසේ ම අනාගතයේදී, දේශපාලන මැදිහත්වීම් හෝ බිය ගැන්වීම් වලින් තොරව , නීතිය හා සාමය අපක්ෂපාතීව ක්‍රියාත්මක කරනු ඇති බව හා ශ්‍රී ලංකාවේ උතුරේ වෙසෙන බෞද්ධයන්ගේ ආරක්ෂාව සහ ආගමික නිදහස සම්පූර්ණයෙන්ම සුරක්ෂිතකර තහවුරු කරනු ඇතැයි ද අපි අපේක්ෂා කරමු.
ස්තූතියි.
අරුන් සිද්ධාර්ථ්
සර්වජන බලය - (යාපනය දිස්ත්‍රික් සංවිධායක)
සහ ඉහත සියළු සංවිධාන වෙනුවෙන්.
සම්බන්ධිත පුවත් | Related News
ප්‍රධාන පුවත්
බටහිර ද්විත්ව ප්‍රමිතිය හෙළි කළ ජාත්‍යන්තර නාටකය: ICC තහංචි සහ නවනීදන් පිල්ලේට නොබෙල් හිමිවීම..
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල