ජපානයේ ආක්‍රමණශීලීත්වය ප්‍රතික්ෂේප කිරීමට, මිලිටරිවාදයේ පුනර්ජීවනයට හෝ ඛේදවාචක නැවත ඇතිවීමට කිසි විටෙකත්ස චීනය ඉඩ දෙන්නේ නැහැ- එක්සත් ජාතීන්ගේ සංවිධානයේ චීනයේ නිත්‍ය නියෝජිත ෆු කොං

Dec 19, 2025 at 11:27 AM

|

Lanka Leader

තායිවාන ඉතිහාසයේ අඳුරුතම පිටුව තුළ තායිවාන් දූපතේදී ජපන් ආක්‍රමණිකයන් සිදු කළ අති විශාල අපරාධ සහ කුරිරුකම් සනිටුහන් වී ඇති බව එක්සත් ජාතීන්ගේ සංවිධානයේ චීනයේ ස්ථිර නියෝජිත ෆු කොං අවධාරණය කළේය. ආක්‍රමණශීලී ඉතිහාසය ප්‍රතික්ෂේප කිරීමට හෝ විකෘති කිරීමට අප කිසි විටෙකත් ඉඩ නොදිය යුතු බවත්, මිලිටරිවාදයේ පුනර්ජීවනයට කිසි විටෙකත් ඉඩ නොදිය යුතු බවත්, ඓතිහාසික ඛේදවාචක නැවත ඇතිවීමට කිසි විටෙකත් ඉඩ නොදිය යුතු බවත් ෆු කොං එක්සත් ජාතීන්ගේ මහා මණ්ඩලය හමුවේ වැඩිදුරටත් පැවසුවේය.

යටත් විජිතවාදයට එරෙහි පළමු ජාත්‍යන්තර දිනය සැමරීම සඳහා එක්සත් ජාතීන්ගේ මහා මණ්ඩලයේ ඉහළ මට්ටමේ පූර්ණ රැස්වීමේදී ෆු මෙලෙස අදහස් දැක්වීය.

යටත් විජිත ආක්‍රමණය අවසන් වී යටත් විජිත ක්‍රමයේ බිඳවැටීම පැහැදිළිව පෙනෙන්නට තිබියදීත්, ලෝකය තවමත් යටත් විජිතවාදයේ සෙවනැල්ලෙන් එපිටට ගොස් නැති බව පෙන්වා දුන් ෆු යටත් විජිතවාදයේ උරුමයන් ලෙස ආධිපත්‍යය, ඒකපාර්ශ්විකවාදය සහ බල දේශපාලනය බහුලව පවතින බව ද සඳහන් කළේය.

ජාත්‍යන්තර ප්‍රජාව දෘෂ්ටිවාදාත්මක, දේශපාලනික, ආර්ථික, සංස්කෘතික සහ අධ්‍යාපනික ක්ෂේත්‍රවල යටත් විජිත මානසිකත්වයට එරෙහි විය යුතු බවත්, යටත් විජිතවාදයේ නටබුන් මුලිනුපුටා දැමිය යුතු බවත්, ජාත්‍යන්තර සාධාරණත්වය සහ යුක්තිය තහවුරු කළ යුතු බවත්, ජාත්‍යන්තර සබඳතාවලදී වැඩි ප්‍රජාතන්ත්‍රවාදය සහ නීතියේ ආධිපත්‍යය ප්‍රවර්ධනය කළ යුතු බවත් ෆු වැඩිදුරටත් පැවසීය.

ඉතිහාසයේ දී, ජපානය චීනය, කොරියානු අර්ධද්වීපය සහ අග්නිදිග ආසියාව ආක්‍රමණය කළ අතර, බිහිසුණු යටත් විජිත පාලනයක් පැනවූ බව ෆු පෙන්වා දුන්නේය. ජපන් ආක්‍රමණිකයන් තායිවානයේ අති විශාල අපරාධ සහ කුරිරුකම් සිදු කළ පෙන්වා දුන් ෆු තායිවාන ස්වදේශිකයන් 650,000 කට වැඩි පිරිසක් මරා දමා තායිවාන තරුණයින් 200,000 ක් පමණ හමුදාවට බඳවා ගෙන, තායිවාන කාන්තාවන් 2,000 කට වැඩි පිරිසක් “ගණිකාවන්” බවට පත් කිරීමට කටයුතු කළ බවද පෙන්වා දුන්නේය. එලෙසම ජපන් ආක්‍රමණිකයන් තායිවානයේ භූමියෙන් සියයට 70 ක් අත්පත් කර ගැනීමට සහ ගල් අඟුරු සහ රන් පතල් ඇතුළු ස්වාභාවික සම්පත් විනාශකාරී ලෙස සූරාකෑමට ලක් කළ බවද ෆු වැඩිදුරටත් පැවසීය.

ජපන් ආක්‍රමණයට සහ ලෝක ෆැසිස්ට් විරෝධී යුද්ධයට එරෙහි චීන මහජන ප්‍රතිරෝධ යුද්ධයේ ජයග්‍රාහී ප්‍රතිඵල අපි අධිෂ්ඨානශීලීව ආරක්ෂා කළ යුතු අතර, පශ්චාත් යුධ ජාත්‍යන්තර පිළිවෙල අධිෂ්ඨානශීලීව ආරක්ෂා කළ යුතු බවත්  ෆු රැස්වීමේදී පැවසීය.

"පශ්චාත් යුධ ජාත්‍යන්තර පිළිවෙලට අභියෝග කරන හෝ කඩාකප්පල් කිරීමට උත්සාහ කරන ඕනෑම වචනයක් හෝ ක්‍රියාවක් ලෝකයේ අස්ථාවරත්වයක් ඇති කළ හැකි අතර පොදු අනාගතයක් සහිත ප්‍රජාවක් ලෙස මනුෂ්‍යත්වයට අතිමහත් දුක් වේදනා ගෙන දිය හැකියි. අපි ඉතා සුපරීක්ෂාකාරීව සිටිය යුතු අතර ඒවාට දැඩි ලෙස විරුද්ධ විය යුතුයි" ෆු පැවසීය.

"දෙවන ලෝක යුද්ධයේදී පරාජිත රටක් ලෙස, ජපානය තමන්ගේ ඓතිහාසික අපරාධ සම්බන්ධයෙන් ගැඹුරු ආත්ම පරීක්ෂණයක් කළ යුතු අතරම තායිවාන් ප්‍රශ්නය සම්බන්ධයෙන් ජපානය කළ දේශපාලන කැපවීම්වලට අනුකූල විය යුතුයි. ජපානය කරනු ලබන සීමාව ඉක්මවා යන ප්‍රකෝපකාරී ක්‍රියා වහාම නතර කළ යුතු අතරම ජපානය කළ වැරදි ප්‍රකාශ ඉල්ලා අස්කර ගත යුතුයි" යනුවෙන් ෆු දැඩිව අවධාරණය කළේය.