වගකිවයුත්තන් සොයන්න මුජිබුර් රහුමාන් තේරීම් කාරක සභාවක් ඉල්ලයි..

Dec 4, 2025 at 06:02 AM

|

Lanka Leader

රටට බලපෑ ව්‍යසනකාරී තත්ත්වය හේතුවෙන් සිදුවූ හානිය අවම කර ගැනීමට කටයුතු නොකළේ කවුරුන්ද යන්න සොයා බැලීම සඳහා තේරීම් කාරක සභාවක් පත්කළ යුතු බව කොළඹ දිස්ත්‍රික් මන්ත්‍රී මුජිබර් රහුමාන් මහතා පාර්ලිමේන්තුවේ දී අද (03) ප්‍රකාශ කළේය.

අයවැය කාරක සභා අවස්ථාවේ විවාදයට එක්වෙමින් ඒ මහතා මේ බව සඳහන් කළේය. වැවිලි හා ප්‍රජා යටිතල පහසුකම් අමාත්‍යාංශයල වෙළඳ වාණිජ ආහාර සුරක්ෂිතතා හා සමූපකාර සංවර්ධන අමාත්‍යාංශය සහ මුදල් ක්‍රම සම්පාදන හා ආර්ථික සංවර්ධන අමාත්‍යාංශවල වැය ශීර්ෂය සම්බන්ධයෙන් මෙම විවාදය පැවැත්විණි.

එහිදී’වැඩිදුරටත් අදහස් පළකළ මුජිබර් රහුමාන් මහතා – ආපදා තත්ත්වයෙන් මරණ 465 ක් ද අතුරුදන් පිරිස 300 ට වැඩි පිරිසක් ද වාර්තා වෙනවා. ඒ් සියලු දෙනාට අපේ ශෝකය පළකරනවා. මේ කාර්යයට මැදිහත්ව සිටින සියලු දෙනාට අපි ස්තුතිවන්ත වෙනවා. මේ ගැන යම් යම් කරුණු මාධ්‍යවල පළවෙනවා. තවම මේක කලින් දැනගෙන සිටියාද නැද්ද යන්න ප්‍රශ්නයක් තිබෙනවා. කාළගුණ විද්‍යා දෙපාර්තමේන්තුවේ අධ්‍යක්ෂවරයා මාධ්‍යයට යම් ප්‍රකාශයක් කළා. විශාල වර්ෂාපතනයක් ලැබෙන්න පුළුවන් කිවුවා. ආණ්ඩුව මෙය දැනගෙන සිටියා ද නැද්ද යන්න ප්‍රශ්නයක් තිබෙනවා. ආණ්ඩුව මේ ගැන නිල වශයෙන් පිළිතුරක් දෙන්නේ නැහැ. ජනාධිපතිවරයාගේ කාලය දෙස බලනවිට 27 දක්වා ගත්ත ක්‍රියාමාර්ගයක් නැහැ. නොයෙක් සාකච්ඡාවල ජනාධිපතිවරයා සිටියා. නමුත් මේ තත්ත්වය ගැන ඊට පෙර සූදානමක් ගැන කතා කළේ නැහැ. මෙවැනි ස්වාභාවික විපත් අපිට නතර කරන්න බැහැග දියුණු තාක්ෂණය තිබෙන රටවලත් ඒහෙමයි.

මෙය නතර කරන්න බැහැග මේ වෙච්ච හානිය අවම කරගන්න සැලසුමක් ආණ්ඩුවට තිබුණේ නැහැ. මේ ගැන තේරීම් කාරක සභාවක් පත්කරන්නග අනාගයේ මෙවැන්නක් සිදුනොවන්න කටයුතු කළයුතු වෙනවා. ඒ් නිසා මේක බරපතල තත්ත්වයක් වෙනවාග මේකට වගකිව යුතු පුද්ගලයන් කවුද කියා ජනතාවට දැන ගන්න අයිතියක් තිබෙනවා. මේ රටේ ව්‍යසන කළමනාකරණ පනතක් තිබෙනවා. ඒ් පනතේ මුදල් ඒකතු කිරීම හා වියදම් කිරීම සම්බන්ධයෙන් දක්වා තිබෙනවා. ආපදා කළමනාකරණ සභාවේ සිටිය යුතු පුද්ගලයන් කවුද කියා දක්වා තිබෙනවා. එවැන්නක් තිබිය දී ජනාධිපතිවරයා අරමුදලක් පිහිටුවා කණ්ඩායමක් පත්කර තිබෙනවා. ජනාධිපතිවරයා තමන්ගේ විධායක බලය පාවිච්චි කර මේ පනතට පිටින් ගිහින් තමන්ගේ උපදේශකයන් ව්‍යාපාරිකයන් පත්කර තිබෙනවා. මේ සම්බන්ධව දැනුමත් තිබෙන විශේෂඥයන් ඒ් කණ්ඩායමට නැහැ. ඒ් සංයුතිය දෙස බලන්න. විගණකාධිපති ඉන්න ඔ්න.

- දිවයින