විභාගයේ “ප්‍රශ්නපත්‍ර” හා උපකාරක පන්ති “අනුමාන ප්‍රශ්නපත්‍ර” සමානයි... උසස් පෙළ “ආර්ථික විද්‍යා ප්‍රශ්නපත්‍රය” සම්බන්ධයෙන් වහාම පරීක්ෂණයක් පවත්වන්න - ජාතික ගුරු ව්‍යාපාරය
මේ දිනවල පැවැත්වෙන 2025 අ. පො. ස. උසස් පෙළ විභාගයේ “ආර්ථික විද්‍යාව” (Economics) ප්‍රශ්න පත්‍රය සහ ඇතැම් උපකාරක පන්ති ගුරුවරුන් විසින් නිකුත් කරන ලද “අනුමාන ප්‍රශ්න පත්‍ර” අතර බරපතල ලෙස “සැක සහිත සමානකමක් ඇති බවට” චෝදනා කරමින්, ජාතික ගුරු ව්‍යාපාරය විසින් රජයෙන් වහාම විමර්ශනයක් ඉල්ලා සිටී. ජාතික ගුරු ව්‍යාපාරයේ ප්‍රධාන ලේකම් සඳුන් බණ්ඩාර බෝදරගම මහතා විසින් බත්තරමුල්ලේ පිහිටි පක්ෂ කාර්යාලයේ අද (22) පැවැත්වූ මාධ්‍ය සාකච්ඡාවේදී මෙම තීරණාත්මක හෙළිදරව්ව සිදු කරන ලදී.
බෝදරගම මහතා පෙන්වා දුන්නේ, උසස් පෙළ විභාගය යනු දරුවන්ගේ අනාගතය තීරණය කරන අතිශය තරඟකාරී විභාගයක් බවත්, මෙවැනි දෝෂයක් නිසා දශම ගණනක වෙනස්වීමකින් හෝ දරුවන් දහස් ගණනකට අසාධාරණයක් සිදුවිය හැකි බවත්ය. රජයේ පාසල් ගුරුවරුන්ගෙන් ලැබුණු තොරතුරු සහ සමාජ මාධ්‍ය ඔස්සේ සංසරණය වන තොරතුරු මත පදනම්ව, අදාළ ප්‍රශ්න පත්‍රය සහ “කිසියම් උපකාරක පන්ති ගුරුවරයෙක්ගේ අනුමාන පත්‍රය” අතර විශාල සම්බන්ධතාවයක් ඇති බවට තහවුරු වී ඇතැයි ගුරු ව්‍යාපාරය සඳහන් කරයි.
ජාතික ගුරු ව්‍යාපාරය විසින් හෙළි කරන ලද නිශ්චිත දත්තවලට අනුව, ආර්ථික විද්‍යා “බහුවරණ (MCQ) ප්‍රශ්න 50න් 27ක් පමණ” සහ “රචනා (Essay) ප්‍රශ්න 10න් පහක් හෝ ඊට වැඩි ප්‍රමාණයක්” එම උපකාරක පන්ති ගුරුවරයාගේ අනුමාන පත්‍රයේ සටහන් වී තිබේ.
බෝදරගම මහතා අවධාරණය කළේ, “විෂය ප්‍රවීණයන් නොවුනත්, මෙම ප්‍රශ්නවල සමානතාවය දෙස බලන විට, මෙය කිසිවෙකුටවත්” මේ විදිහට අනුමාන කළ නොහැකි බව පැහැදිලියි. අප විශ්වාස කරන්නේ, අදාළ ගුරුවරයා ප්‍රශ්න පත්‍රය දැකලා එම ප්‍රශ්න පත්‍රයට අනුව අනුමාන ප්‍රශ්න සකස් කර ඇති බවයි.”
මෙම බරපතල චෝදනාව සමාජ මාධ්‍ය තුළ පුළුල්ව සංසරණය වෙමින් තිබියදීත්, “විභාග දෙපාර්තමේන්තුව” හෝ “අපරාධ පරීක්ෂණ දෙපාර්තමේන්තුව (CID)” වැනි කිසිදු වගකිව යුතු ආයතනයක් මේ පිළිබඳව මෙතෙක් කිසිදු විමර්ශනයක් අරඹා නැති බවට ජාතික ගුරු ව්‍යාපාරය දැඩි කණස්සල්ලෙන් යුතුව විවේචනයක් එල්ල කරයි. සමහර ගුරුවරු ප්‍රසිද්ධියේ සමාජ මාධ්‍ය තුළ අදහස් ප්‍රකාශ කර තිබුණද, ඒවා සම්බන්ධයෙන්ද පරීක්ෂණයක් සිදුවී නැත.
“මෙම රජය පත්වූ පසු සමහර ආයතනවලට වැළඳුනු ලෙඩක් තමයි පැමිණිල්ලක් කරන තෙක් බලා සිටින එක,” යැයි ප්‍රධාන ලේකම්වරයා සඳහන් කළේය. මීට පෙර පැවැති පාලනය යටතේ මෙවැනි සිදුවීම් වූ විට වහාම ක්‍රියාමාර්ග ගත් බවත්, අසාධාරණයට ලක්වූ දරුවන්ට සාධාරණයක් කිරීම සඳහා යම් යම් පියවරයන් ගත් බවත් ඔහු සිහිපත් කළේය.
ඒ අනුව, ජාතික ගුරු ව්‍යාපාරය අද දින මාධ්‍ය සාකච්ඡාවේදී “රටම ඉදිරියේ ප්‍රසිද්ධියේ පැමිණිල්ලක්” කරමින්, මේ සම්බන්ධයෙන් වහාම විධිමත් පරීක්ෂණයක් ආරම්භ කරන ලෙස දැඩි ලෙස ඉල්ලා සිටියේය. මෙම විමර්ශනය සඳහා අවශ්‍ය සාක්ෂි තමන් සතුව ඇති බවද ඔවුහු පැහැදිලි කළහ.
අවසාන වශයෙන්, බෝදරගම මහතා රජයෙන් ඉල්ලා සිටියේ වහාම විමර්ශනයක් සිදුකර වගකිව යුත්තන්ට දඬුවම් දෙනවා මෙන්ම, මෙම සිදුවීමෙන් අසාධාරණයට ලක්වූ දහස් ගණනක් දරුවන්ට සාධාරණයක් ඉටු කිරීමට කටයුතු කරන ලෙසයි.
මෙම සාකච්ඡාවේදී සදුන් බණ්ඩාර බෝදරගම මහතා කරන ලද සම්පූර්ණ පැහැදිළි කිරීම මෙසේය.
“මම සඳුන් බණ්ඩාර බෝදරගම. ප්‍රධාන ලේකම්, ජාතික ගුරු ව්‍යාපාරය. විශේෂයෙන්ම අද දවසේ මේ මාධ්‍ය සාකච්ඡාව පැවැත්වීමේ අරමුණ, අපි කවුරුත් දන්නවා, මේ වෙනකොට 2025 වර්ෂයට නියමිත අපොස උසස් පෙළ විභාගය පැවැත්වීමින් තියෙන කාල සීමාවක්. එතකොට මේ විභාගයේ සාමාන්‍ය තත්ත්වය තමයි දැන් මේ වෙනකොට විභාගයේ ප්‍රශ්නපත්‍ර ගණනාවක් දරුවෝ උත්තර ලියලා තියෙනවා.
අපි දන්නවා උසස් පෙළ විභාගය කියලා කියන්නෙම දරුවන්ගේ විශ්වවිද්‍යාල සිහිනය සැබෑ කරන විභාගය. ඒ වගේම අපේ ලංකාවේ තියෙන තරඟකාරීම විභාගය. එතකොට මේ විභාගයේ සමහර වෙලාවට “ඉෂෙඩ් ස්කෝර්” වගේ දශම ගණනක වෙනස් වීමකින් දරුවෙක්ගේ අනාගතය තීරණය වෙන්න පුළුවන්. එවැනි විභාගයක අපි දකිනවා මේ වෙනකොට “එකෝන්” එහෙම නැත්නම් ආර්ථික විද්‍යාව ප්‍රශ්න පත්‍රය. ප්‍රශ්න පත්‍රය දරුවෝ උත්තර ලියලා දැනට දින ගණනාවක් වෙනවා.
මේ සම්බන්ධයෙන් සමාජ මාධ්‍ය තුළ දරුවෝ අතරේ යම් ආකාරයක තොරතුරු ප්‍රමාණයක් එළියට යමින් හිටියා, මේ ප්‍රශ්න පත්‍රයේ හා “කිසියම් උපකාරක පන්ති ගුරුවරයෙක්ගේ” උපකාරක පන්ති ගුරුවරයෙක් විසින් නිකුත් කරපු “අනුමාන ප්‍රශ්න පත්‍රයක්” සමග ප්‍රශ්න පත්‍රයේ විශාල සබන්තාවයක් තියෙනවා කියලා.
හැබැයි අපි ගුරු ව්‍යාපාරයක් විදිහට මේ පිළිබඳව ඉතාම සංවේදීව සහ සංයමයෙන් බලන් හිටියා. මේවා සමාජ මාධ්‍ය තුළ සංසරණය වෙද්දී මීට අදාළ වග කිව යුතු ආයතන, විභාග දෙපාර්තමේන්තුව වෙන්න පුළුවන්. එහෙම නැත්නම් අපරාධ පරීක්ෂණ දෙපාර්තමේන්තුව, මේ කිසිදු ආයතනයක් මේ පිළිබඳව කිසිදු හැලහොල්මනක් නැතුව ඉන්නවා අපි නිරීක්ෂණය කරා. එතකොට මේ වෙනකොට ඒ අදාල විෂය උගන්නන රජයේ පාසැල් ගුරුවරුන්ගෙන්, අපිට ලැබිලා තියෙන තොරතුරු අනුව ආර්ථික විද්‍යාව ප්‍රශ්න පත්‍රයේ බහුවර්ණ ප්‍රශ්න පත්‍රයේ, බහුවර්ණ ප්‍රශ්න 50න් ප්‍රශ්න 24කට ආසන්න ප්‍රමාණයක්. ඒ වගේම රචනා ප්‍රශ්න පත්‍රයේ ප්‍රශ්න 10 න් ප්‍රශ්න 5 කට හෝ ඊට වඩා වැඩි ප්‍රමාණයක් කිසියම් මේ “විෂය ක්ෂේත්‍රයේ ජ්‍යෙෂ්ඨ ගුරුවරයෙකුගේ” අනුමාන ප්‍රශ්න පත්‍රයක සටහන් වෙලා තිබිලා තියෙනවා.
එතකොට අපි විශ්වාස කරනවා ඒ ප්‍රශ්න දිහා බැලුවහම අපි විෂය ප්‍රවීණයෝ නොවුනට, අපිටත් හොඳටම තේරෙන කාරණයක් තමයි, මේ ප්‍රශ්න අපි ළඟ තියෙනවා. අද දිනයේ අපි මේවා මාධ්‍යට නිකුත් කරනවා. මේ දිහා බැලුවාම අපිටත් හොඳටම තේරෙන කාරණයක් තමයි, මේක “අනුමාන වෙන්න” බැහැ. මේක “දිවැසිවරයෙකුටවත්” මේ විදිහට අනුමාන කරන්න බැහැ ප්‍රශ්න පත්‍රය. මේක අපි දකින්නේ, මේක අනුමාන කරලා තියෙන්නේ නියම ප්‍රශ්න පත්‍රය දැකලා. ඒ ප්‍රශ්න පත්‍රයට අනුව අනුමාන කරලා තියෙනවා. මේ අදාල ගුරුවරයා. දැන් අපිට තියෙන කාරණය එකක්. ඒක හින්දා අපි දැඩිව රජයට බලපෑම් කරලා කියනවා මේ පිළිබඳව, මේ පිළිබඳව “වහාම විමර්ශනයක් ආරම්භ කරන්න”. වහාම විමර්ශනයක් ආරම්භ කරන්න.
මොකද මේකේ දරුවන්ගේ අනාගතය හා සම්බන්ධ ප්‍රශ්නයක්. එතකොට අපි මුලදිත් පැහැදිලිව කිව්වා උසස් පෙළ විභාගයේ “ඉසඩ් ස්කෝර්” වගේ දශම ගණනකින් දරුවෙක් ගේ අනාගතයේ තීරණ වෙන්න පුළුවන් විභාගයක්. එතකොට මේක අපි දකින විදිහට, වෙනදා මෙහෙම දෙයක් වුනහම අපි දන්නවනේ.... මීට කලිනුත් මේවගේ දේවල් වෙලා තියෙනවා. මෙවර විතරක් නෙවෙයි. මීට කලිනුත් පැවති පාලනයන් යටතෙත් මේ දේවල් වුණා.
ඒ කාල සීමාවල මෙන්න මේ අද පාලනයේ ඉන්න පිරිස තමයි මේවා අරගෙන එළියට බැහැලා දැඩි ලෙස මේවා විවේචනය කරේ. හැබැයි ඒ කාලවල අපි දැක්ක කාරණයක් තමයි අදාල ආයතන මැදිහත්ව ඒවට අවශ්‍ය නිසි ක්‍රියා මාර්ග ගත්තා. සමහර වෙලාවට ඒ අදාල අයට දඬුවම් පැමිණුවා විතරක් නෙවෙයි. ඒ ප්‍රශ්න පත්‍රය පිට වුනා නම් ඒකට සාධාරණයකුත් කරා.
සමහර වෙලාවට අපි දැක්කා සමහර ප්‍රශ්නවලට සියලු දෙනාට පිළිතුරු ලකුණු දුන්නා. ඒ විදිහට මේකට සාධාරණයක් කරා. හැබැයි මෙවර අපි දකින කාරණය මේ සියලු කරුණු හෙළි වෙලා තියෙද්දිත් මේ විෂයට අදාල සමහර ගුරුවරු ප්‍රසිද්ධියේ සමාජ මාධ්‍ය තුළ මේ පිළිබඳව අදහස් පළ කරලා තියෙනවා. ඒ කිසිවක් පිළිබඳව කිසිදු විමර්ශනයකින් තොරව ඉබේම මේක ගලාගෙන යන්න දීලා තියෙනවා.
ඒක නිසා අපිට ප්‍රශ්නයක් තියෙනවා දැන් මේ මේ රජය පත් වුණයින් පස්සේ මේ සමහර ආයතන වලට වැළඳුනු ලෙඩක් තියෙනවා. ඒගොල්ලෝ කියනවා “අපිට මේ ගැන එහෙම කවුරුත් ඇවිල්ලා පැමිණිල්ලක් කරලා නෑහැ” කියලා. ඒගොල්ලෝ බලන් ඉන්නවා “පැමිණිල්ලක්” කරනකන් මේවා විමර්ශනය කරන්න. අපිට මතකයිනේ එක විටක ඔය දැරිවියක් අතවරයට ලක්වෙලා. එතකොට කාන්තා හා ළමා කටයුතු ඇමතිතුමියගෙන් ඇහුවම එතුමිය කිව්වේ අපිට එහෙම පැමිණිල්ලක් ඇවිල්ලා නැහැ. කියලා විමර්ශනය කරන්න.
ඉතින් එහෙම ලෙඩක් තියෙනවා මේ ආණ්ඩුවට. ඒක නිසාදෝ දන්නේ නැහැ මේ කවුරු හරි පැමිණිලි කරනකම් බලන් ඉන්නවද දන්නේ නැහැ. අපි ඉතින් දැඩිව කියනවා අපි අද දවසේ ප්‍රසිද්ධිය මාධ්‍යට කියනවා. ජාතික ගුරු ව්‍යාපාරයක් විදිහට මේකේ වගකීම දරමින්. මොකද අපේ ළඟ ඒකට අදාල සාක්ෂි තියෙනවා. ඒ නිසා ඔන්න “අද පැමිණිල කරනවා රටම ඉදිරියේ” මේ පිළිබඳව වහාම විමර්ශනයක් ආරම්භ කරන්න.
විමර්ශනයක් ආරම්භ කරලා අදාල අයට දඬුවම් දෙනවා වගේම මේ විභාග ප්‍රශ්න පත්‍රය අපි දන්නවා 150ක් පිට වුණා කියලා කියන්නේ. මේකට සාධාරණයක් කරන්න හැකියාවක් තියෙයි කියලා අපි දන්නේ නැහැ. මේ ප්‍රශ්න පත්‍රයට එතකොට විමර්ශනයක් කරලා අපි අපි සැක පහළ කරලා විතරයි ඒක නිසා තමයි අද දවසෙත් “මේ ගුරුවරයාගේ නම” හෙළි කරන්නේ නැත්තේ. අපි ඒ “සදාචාරය” රකිනවා. එතකොට ඒ කාරණයේ අදාල වෙන්නේ අදාල වගකිව යුතු ආයතනවලට.
ඒක නිසා අපි කියනවා මේ පිළිබඳව විමර්ශනයක් කරන්න. විමර්ශනයක් කරලා මේ දරුවන්ට, මේ දහස් ගණනක් වෙච්ච දරුවන්ට සාධාරණයක් කරන්න කටයුතු කරන්න කියන කාරණය."
සම්බන්ධිත පුවත් | Related News
ප්‍රධාන පුවත්
මාලිමා ආණ්ඩුව බටහිර "ප්‍රොක්සි" ආණ්ඩුවක්.. - ඥානසාර හිමි සිද්ධිය සහ රටේ වත්මන් තත්ත්වය ගැන වෛද්‍ය වසන්ත බණ්ඩාරගෙන් විශේෂ හෙළිදරව්වක්..
බලවත් ජාතීන්ගේ වුවමනා එපාකම් මත සිදුවන ගමන ආපසු හැරවිය නොහැකි බියකරු අන්තයකින් අවසන් විය හැකියි.. - මොහාන් සමරනායක අනතුරු අඟවයි
ඥානසාර හිමියන් වෙනුවෙන් "නිදහසේ පාද යාත්‍රාව" මහනුවර ශ්‍රී දළදා මාලිගාව අබියසින් ඇරඹෙයි..
බටහිර ද්විත්ව ප්‍රමිතිය හෙළි කළ ජාත්‍යන්තර නාටකය: ICC තහංචි සහ නවනීදන් පිල්ලේට නොබෙල් හිමිවීම..
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්