අයවැය මගින් වෛද්‍යවරුන් සහ සෞඛ්‍ය සේවාවට සිදු වී ඇති අගතිය ගැන සාකච්ඡා කරන්න රට පුරා සිටින විශේෂඥ වෛද්‍යවරුන් කැඳවයි..
2026 වර්ෂය යෝජිත අයවැය තුලින් වෛද්‍යවරුන් සහ සෞඛ්‍ය සේවාවට සිදු වී ඇති අගතිය සම්බන්ධව සාකච්ඡා කිරීම සඳහා විශේෂඥ වෛද්‍යවරුන් රජයේ වෛද්‍ය නිලධාරීන්ගේ සංගමයේ ප්‍රධාන කාර්යාලයට කැඳවා තිබේ.
මේ සම්බන්ධව එම සංගමය විසින් නිකුත් කළ මධ්‍ය නිවේදනය පහළින්..
මාධ්‍ය නිවේදනය
2026 වර්ෂය යෝජිත අයවැය තුලින් වෛද්‍යවරුන් සහ සෞඛ්‍ය සේවාවට සිදු වී ඇති අගතිය සම්බන්ධව සාකච්ඡා කිරීමේ සහ තීරණ ගැනීමේ දිගුවක් ලෙස රට පුරා සිටින විශේෂඥ වෛද්‍යවරුන් රජයේ වෛද්‍ය නිලධාරීන්ගේ සංගමයේ ප්‍රධාන කාර්යාලයට කැඳවීම.
2026 වර්ෂයට යෝජිත අය වැය ප්‍රකාශ කිරීමත් සමඟම ශ්‍රී ලාංකීය සෞඛ්‍ය සේවාව කබලෙන් ලිපට “තල්ලු” කිරීමට යන ආකාරයක් අප හට දිස්වෙමින් පවති. මෙම අයවැය යෝජනා තුලින් සෞඛ්‍ය සේවාව තුල ඇති ප්‍රධානතම ගැටළු කිසිවක් ප්‍රමුඛතාවයට අනුව හඳුනාගන්නට රජය අපොහොසත් වී ඇති බව දක්නට ලැබීම ඉතා කනගාටුදායක සිදු වීමකි.
ශ්‍රී ලංකාවේ සමාජීය, ආර්ථික වැනි අංශ සියල්ලටම ඍජුවම බලපාන රටේ කොදු නාරටිය වන් නිදහස් සෞඛ්‍ය සේවාවේ මානව සම්පතේ, ඖෂධ වල සහ රෝගී සත්කාරක සේවාවේ ඇති ගැටළු අමතක කර දමමින් අයවැය යෝජනා වලදි කටයුතු කිරීම ඉතා බරපතල ගැටළුවක් ලෙස අපි සලකන්නෙමු.
වෛද්‍යවරුන්ගේ පාර්ශවයෙන් ගත් කල මේ වන විට ඔවුන්ගේ වැටුපට බලපාන ලෙස කප්පාදු කිරීම් රැසකට මෙම අයවැයේදීත්, පසුගිය අයවැයේදිත් ඔහුන් මුහුණ දෙමින් සිටියි. රජයේ මෙම අදූරදර්ශි තිරණ නිසා විශේෂඥ වෛද්‍යවරුන් සහ වෛද්‍යවරුන්ගේ බුද්ධිගලනය තවදුරටත් වැඩි වෙන අවදානමක් ඇති වෙමින් පවති.
විශේෂඥ වෛද්‍යවරුන්ගේ ගැටළු අතින් ගත් කලද මෙම අයවැය ඔස්සේ ඔවුනට කිසිඳු සාධාරණයක් ඉටු වී නොමැත. විශේෂඥ වෛද්‍යවරුන් අධික අවදානමක් සහ වගකීමක් දරමින් දීපව්‍යාප්ත සේවාවක නියැලෙන තවත් වෛද්‍ය කාණ්ඩයක් වේ. ඔවුන් අතුරින් විශාල පිරිසක් වෛද්‍ය හිඟය නිසා එක් රෝහලකට වඩා වැඩි රෝහල් ප්‍රමාණයක් විශේෂ වැටුපක් හෝ ආවරණ රාජකාරි දීමනාවක් නොමැතිව මේ වන විට දැඩි පරිශ්‍රමයක් දරමින් ආවරණය කරමින් රෝගී සත්කාර සේවා අඩාල වීමට නොදි පවත්වාගෙන යාමට කටයුතු කරමින් සිටියි.
අනෙකුත් සමාන්තර ශ්‍රේණි වල රාජ්‍ය නිලධාරීන් සඳහා ලැබෙන ප්‍රවාහන දීමනා සහ පහසුකම්, ඉන්ධන දීමනා ද නොමැතිව සිය වැටුපෙන් භාගයකටත් වඩා වැඩිපුර ප්‍රවාහනය සඳහා වියදම් කරමින් පර්යන්තයේ පවතින දුෂ්කර රෝහල් වල රාජකාරියේ නිරත වෙන මෙම විශේෂඥ වෛද්‍යවරුන් සඳහා ද පසුගිය වැටුප් සහ දීමනා කප්පාදු කිරීම් වලට අමතරව මෙවර තිරුබදු සහන සහිත බලපත්‍රය අහෝසි කිරීමට කටයුතු කිරීම නිසාත් ඔවුන්ගේ වැටුප් සහ රෝගී සත්කාර සේවාවේදි අවශ්‍ය වෙන පහසුකම් පිළිබඳව ද මෙම අයවැය තුලින් නිසියාකාරව විසදුම් ලබා නොදීම නිසාත් දැඩි නොසන්සුන්කාරි තත්ත්වයක් විශේෂඥ වෛද්‍යවරුන් අතර ද මේ වන විට ඇති වී තිබේ.
තවදුරටත් වෛද්‍යවරුන් සහ විශේෂඥ වෛද්‍යවරුන් හට අදාල වැටුප් සහ දීමනා කප්පාදු කිරීමට රජය තීරණය කරමින්, සෞඛ්‍ය අමාත්‍යවරයා විදෙස්ගත විශේෂඥ වෛද්‍යවරුන් සහ ශ්‍රේණි වෛද්‍යවරුන් හට මෙරටට නැවත පැමිණ රාජකාරි කිරීම සඳහා ඉල්ලීම් කිරීම ඉතා පරස්පර සහ හාස්‍යජනක සිදු වීමක් ලෙස අප දකින්නට කැමැත්තෙමු. එපමණක් නොව මේ වන විට විශේෂඥ වෛද්‍යවරයෙක් ඔහුගේ විදේශ අධ්‍යාපනය අවසන් කොට මෙරටට පැමිණිමෙන් පසු තම දරුවන් රජයේ පාසලකට ඇතුලත් කරගැනීමේ අවස්ථාවටද ඉඩ ඇහිරී ඇත.
මෙවැනි අදූරදර්ශී ක්‍රියාකලාපයන්ට අනුගත වෙමින් සෞඛ්‍ය සේවාවේ සත්‍ය ගැටළුව වන මානව සම්පත රඳවා ගැනීම පිළිබඳව නොසලකා හරිමින් රජය දිගින් දිගටම කටයුතු කරන්නේ නම් ඉන් සිදු වන්නේ දැනට ලොක්යේ දියුණු රටවල් හා උරෙන් උර ගැටෙමින් ඉතා අනර්ඝ සේවයක් සපයන ශ්‍රී ලාංකීය නිදහස් සෞඛ්‍ය සේවාව පරිහානියට පත් වීමයි.
ශ්‍රී ලාංකාවේ නිදහස් සෞඛ්‍ය සුරකිමින් වෛද්‍යවරුන්ගේ අයිතිවාසිකම්ද රැකගනිමින් කටයුතු කිරීම රජයේ වෛද්‍ය නිලධාරීන්ගේ සංගමයේ ඒකායාන අභිප්‍රාය වේ. එම නිසා 2026 වර්ෂයේ අයවැය තුලින් සෞඛ්‍ය සේවාවේ සහ වෛද්‍යවරුන්ගේ ගැටළු නිසියාකාරව විසඳිමට අපොහොසත් වීමට විරෝධතාවය පාමින් වෘත්තීය සමිති ක්‍රියාමාර්ග මාලාවක් ආරම්භ කිරීමට ඊයේ දිනයේ පැවැත්වුණු මධ්‍යම කාරක සභාවේදි තීරණය කෙරුණු අතර රජයේ පාර්ශවයෙන් සාධණීය ප්‍රතිචාරයක් නොලැබිණි නම් ලබන සඳුදා සිට එම වෘත්තීය සමිති ක්‍රියාමාර්ග ආරම්භ වනු ඇත.
එහි තවත් එක් පෙර සාකච්ඡාවක් ලෙස 2025.11.14 වැනි සිකුරාදා දින දිවයින පුරා සිටින සියලු විශේෂඥ වෛද්‍යවරුන් කොළඹ රජයේ වෛද්‍ය නිලධාරීන්ගේ සංගමයේ මුලස්ථානයට කැඳවීමට තීරණය කර ඇති අතර එහිදි ඔවුන් මුහුණ දී ඇති ගැටළු සම්බන්ධවත්, එම ගැටළු සඳහා සාධනීය විසඳුම් නොලැබෙන්නේ නම් සේවා පවත්වාගෙන යාම පිළිබඳව සහ ඉදිරි වෘත්තීය සමිති ක්‍රියාමාර්ග සඳහා බලපාන තින්දු තීරණ රැසක් සාකච්ඡා වීමට නියමිත වේ.
ස්තූතියි.
මීට විශ්වාසී,
වෛද්‍ය ප්‍රභාත් සුගතදාස,
ලේකම්.
සම්බන්ධිත පුවත් | Related News
ප්‍රධාන පුවත්
මාලිමා ආණ්ඩුව බටහිර "ප්‍රොක්සි" ආණ්ඩුවක්.. - ඥානසාර හිමි සිද්ධිය සහ රටේ වත්මන් තත්ත්වය ගැන වෛද්‍ය වසන්ත බණ්ඩාරගෙන් විශේෂ හෙළිදරව්වක්..
බලවත් ජාතීන්ගේ වුවමනා එපාකම් මත සිදුවන ගමන ආපසු හැරවිය නොහැකි බියකරු අන්තයකින් අවසන් විය හැකියි.. - මොහාන් සමරනායක අනතුරු අඟවයි
ඥානසාර හිමියන් වෙනුවෙන් "නිදහසේ පාද යාත්‍රාව" මහනුවර ශ්‍රී දළදා මාලිගාව අබියසින් ඇරඹෙයි..
බටහිර ද්විත්ව ප්‍රමිතිය හෙළි කළ ජාත්‍යන්තර නාටකය: ICC තහංචි සහ නවනීදන් පිල්ලේට නොබෙල් හිමිවීම..
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්