ඇමරිකානු බුද්ධි අංශ ප්‍රධානියා පවසන ලෙස වෙනිසියුලාව සම්බන්ධයෙන් ට්‍රම්ප්ගේ මැදිහත් වීම වෙනසක් වී නැහැ! රුසියාව ප්‍රමුඛ අධිරාජ්‍ය විරෝධී කඳවුරේ නිවැරදි මැදිහත් වීම හේතුවෙන් අමෙරිකාව අඩියක් පසු පසට තබා තිබෙනවා!- දේශ හිතෛෂී ජාතික ව්‍යාපාරයේ මහ ලේකම් වෛද්‍ය ව
නොවැම්බර් පළමුවනදා බහරේනයේ පැවති 21 වන මනමා සංවාදයේදී අදහස් දක්වමින් ඇමරිකානු බුද්ධි අංශ ප්‍රධානී තුල්සි ගැබාර්ඩ් ඉරානය සහ වෙනිසියුලාව සම්බන්ධයෙන් ඩොනල්ඩ් ට්‍රම්ප් පසුගිය කාලයේ දැක්වූ ප්‍රවේශයන් නොසලකා හරිමින් වොෂින්ටනයේ වෙනත් රටවල පාලන තන්ත්‍ර වෙනසකම් වෙනුවෙන් ලියවී තිබෙන ඉතිහාසය ජනාධිපති ඩොනල්ඩ් ට්‍රම්ප් යටතේ අවසන් වූ බව පැවසුවාය.
එහිදී ඇය, 2003 දී ඉරාකය සහ 2011 දී ලිබියාවේ සිට 2014 යුක්රේනයේ මයිඩාන් කුමන්ත්‍රණය වැනි “වර්ණ විප්ලව” සඳහා සහාය දැක්වීම දක්වා - ප්‍රජාතන්ත්‍රවාදය ප්‍රවර්ධනය කිරීමේ හෝ ජාතික අවශ්‍යතා ආරක්ෂා කිරීමේ ව්‍යාජ චෝදනා යටතේ ආණ්ඩු පෙරලා දැමීම අරමුණු කරගත් ප්‍රතිපත්ති අනුගමනය කිරීම සම්බන්ධයෙන් එක්සත් ජනපදය වෙත එල්ලවන විවේචන පසෙකට තබමින් ගැබාර්ඩ් කියා සිටියේ, අමෙරිකාවේ මින් පෙර සිටි ජනාධිපතිවරු මෙන් නොව, ට්‍රම්ප් පරිපාලනය කුමන්ත්‍රණවලට වඩා රාජ්‍ය තාන්ත්‍රික හා අන්‍යෝන්‍ය ගනුදෙනුවලට ප්‍රමුඛත්වය දෙන බව අවධාරණය කරන බවයි.
මේ සම්බන්ධයෙන් අප දේශ හිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහ්තාගෙන් එම සංවිධානයේ මතය විමසුනු ලැබුවා.
එහිදී අදහස් දක්වමින්, " අමෙරිකාව වෙනත් රටවල් වල පාලන තන්ත්‍ර ඔවුන්ගේ අවශ්‍යතාවයන් වෙනුවෙන් වෙනස් කිරීමට ගන්නා උත්සාහයන් අතහැර තිබෙන බවට ඇමරිකානු බුද්ධි අංශ ප්‍රධානී තුල්සි ගැබාර්ඩ් පවසන දේ එක්තරා ආකාරයක උපක්‍රමික පසු බැසීමක් මිස සත්‍ය නොවෙයි. අමෙරිකානු මැදිහත් වීම යටතේ සෘජු යුද්ධ, වර්ණ විප්පලව සහ වෙනත් කුමන්ත්‍රණ මගින් විවිධ රටවල ප්‍රජාතන්ත්‍රිකව පත්වූ පාලන තන්ත්‍රයන් වෙනස් කර තිබෙනවා. වර්ණ විප්ලව එක්තරා ආකාරයක කුමන්ත්‍රණ මාදිලියක්. එම මාදිලිය යොදා ගැනීමට බැරි වූ තැන් වලදී ආක්‍රමණය තෝරා ගන්නවා. ඔවුන් ඉරානය සම්බන්ධයෙන් මෙම උපක්‍රමය භාවිත කළා. නමුත් ඉරානයේදී ඔවුන්ගේ අපේක්ෂිත අරමුණු ඉෂ්ඨ වූවේ නැහැ. ඔවුන්ට ලතින් අමෙරිකානු කළාපයේ අතිශය වැදගත් භූමිය වෙනිසියුලාවයි. ඔවුන් වෙනිසියුලාව බිඳ වැට්ටවීමට වර්ණ විප්ලව සිවිල් ගැටුම් ආදී ලේ වැකි ක්‍රියා මාර්ග රාශියක් ගනු ලැබුවා. ඒවා සියල්ල පරාජයට පත් වූවා. ඔවුන් ඊළඟට උත්සහ කළේ ව්‍යාජ හේතු ඉදිරිපත් කරමින් වෙනිසියුලාව ආක්‍රමණය කිරීමටයි. නමුත් එය අපහසු වූ විට ඔවුන් ආක්‍රමණය සහ වර්ණ විප්පල යන උපක්‍රම දෙක දෙමුහුන් කිරීමේ උත්සාහයක නිරත වන බව සෘජුව පැවසූ අවස්ථා තිබුණා. නමුත් මදුරෝ පාලනය ඉතාම දක්ෂ ලෙස වර්ණ විප්ලව උපක්‍රමය පරාජය කළා. එලෙසම හොඳ ජාත්‍යන්තර මිත්‍රත්වයක් ගොඩ නගා ගැනීමට සමත් වුණා. එහි ප්‍රතිඵලයක් ලෙස මදුරෝ රුසියාව සමඟ හොඳ සබඳතාවයක් ගොඩ නගා ගත්තා.
ඒ වගේම රුසියාව තම ජාත්‍යන්තර වගකීම නිසියාකාරව ඉටු කරමින් වෙනිසියුලාවේ ආරක්ෂාව වෙනුවෙන් සෘජුවම පෙනී හිටියා. චීනය අමෙරිකාව සමඟ කළ වෙළෙඳ යුද්ධයේදී අමෙරිකාව දැවැන්ත පරාජයකට පත් කිරීම රුසියාව වෙනිසියුලාව සම්බන්ධයෙන් ගත් ආස්ථානය වඩාත් ශක්තිමත් වූවා. ච්හිනය අමෙරිකාව සමඟ පැටලී සිටින වෙළෙඳ යුද්ධයේදී සාර්ථක ප්‍රතිඵ්ල අත්කරගනිමින් සිටීම අධිරාජ්‍යවාදීන්ගේ වුවමනාව හිතන තරම් ලෙහෙසියෙන් ඉටු කර ගැන්නිමට නොහැකි වී තිබෙනවා. ප්‍රමුඛ චීන ජාත්‍යන්තර සබඳතා විශේෂඥයෙකු මෙන්ම චීනය සහ ගෝලීයකරණ මධ්‍යස්ථානයේ උප සභාපති වික්ටර් ගාඕ, සන්සුන් නමුත් ස්ථිර ස්වරයකින් කළ පසුගිය සැප්තැම්බර් මාසයේ දිනයක විශේෂ ප්‍රකාශයක් කළා. එහිදී ඔහු ප්‍රකාශ කළා, චීනය පළමු වෙඩිල්ල නොතබන නමුත් දෙවන වෙඩිල්ල තැබීමට චීනය ඉඩ නොදෙනවාය කියා. මෙය අධිරාජ්‍යවාදීන් සලිත කරවන දැඩි ප්‍රකාශයක්. බ්‍රසීලය වැනි ලතින් අමෙරිකානු කලාපයේ ප්‍රභල රටක් අමෙරිකාවට එරෙහි වීම මෙන්ම කියුබාව කොතරම් ආර්ථික අපහසුතා වලට මුහුණ දුන්නත් සිය ජාත්‍යන්තර වගකීම ඉටුකිරීමේදී දක්වන දායකත්වය අමෙරිකාවට මෙලෙස ජාත්‍යන්තරය ඉදිරියේ ව්‍යාජ පාපොච්චාරණයක් කිරීමට බලපෑවා. අනිත් අතට අධිරාජ්‍ය විරෝධී ලෝක ජනයා වෙනිසියුලාව තනි නොකිරීම අමෙරිකාවට තම සාම්ප්‍රදායික උපක්‍රම ඒ අයුරින්ම දියත් කිරීමට නොහැකිව තිබෙන ප්‍රභල කාරණයක්.ඒ වගේම අමෙරිකාව ඔවුන්ගේ කුමන්ත්‍රනකාරී උපක්‍රම ඇමරිකානු බුද්ධි අංශ ප්‍රධානී තුල්සි ගැබාර්ඩ්ගේ හුදු වචන වලින් ප්‍රකාශ කරන ආකාරයෙන්ම අත් හැර නැහැ. නේපාලයේ ප්‍රජාතන්ත්‍රවාදී ආණ්ඩු බිඳ වැට්ටුවේ ට්‍රම්ප් ජනාධිපතිගේ පාලන කාලය තුලමයි. අවසාන වශයෙන් කීමට ඇත්තේ, 'අමෙරිකාවේ සතුරකු වීම භායනකයි. මිතුරෙකු වීම මාරාන්තිකයි " යන කියමන මනාව තේරුම්ගත් වෙනිසියුලාව අමෙරිකාවේ සතුරෙකු වීමට තීරණය කිරීම වෙනිසියුලාවේ පැවැත්ම සහ දියුණුව සහතික කරනවා. එලෙසම වෙනිසියුලාවේ බොලිවේරියානු විප්ලවය ආරක්ෂා කිරීමේ වගකීම ලෝක අධිරාජ්‍යවිරෝධී ජනයා හමුවේ පවතිනවා. ලතින් අමෙරිකාවේ තිබෙන ජාතික රාජ්‍යවලට වෙනිසියුලාවට සැතපුම් දහස් ගණනක් ඈතින් සිටින අපට වඩා එම වගකීම වැඩි බරකින් තම උර මත පැටවී තිබෙනවා."
සම්බන්ධිත පුවත් | Related News
ප්‍රධාන පුවත්
මාලිමා ආණ්ඩුව බටහිර "ප්‍රොක්සි" ආණ්ඩුවක්.. - ඥානසාර හිමි සිද්ධිය සහ රටේ වත්මන් තත්ත්වය ගැන වෛද්‍ය වසන්ත බණ්ඩාරගෙන් විශේෂ හෙළිදරව්වක්..
බලවත් ජාතීන්ගේ වුවමනා එපාකම් මත සිදුවන ගමන ආපසු හැරවිය නොහැකි බියකරු අන්තයකින් අවසන් විය හැකියි.. - මොහාන් සමරනායක අනතුරු අඟවයි
ඥානසාර හිමියන් වෙනුවෙන් "නිදහසේ පාද යාත්‍රාව" මහනුවර ශ්‍රී දළදා මාලිගාව අබියසින් ඇරඹෙයි..
බටහිර ද්විත්ව ප්‍රමිතිය හෙළි කළ ජාත්‍යන්තර නාටකය: ICC තහංචි සහ නවනීදන් පිල්ලේට නොබෙල් හිමිවීම..
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්