කියුබාවට එරෙහි සම්බාධක වහාම ඉවත් කරන ලෙස චීනය එක්සත් ජනපදයට අවධාරණය කරයි.

Nov 1, 2025 at 08:59 AM

|

Lanka Leader

ඊයේ(31),චීනය එක්සත් ජනපදය වෙත අවධාරණය කරමින් ඉල්ලා සිටියේ “ජාත්‍යන්තර ප්‍රජාවේ ඉල්ලීමට අවනත වී” කියුබාවට එරෙහි අමෙරිකානු අවහිර කිරීම් සහ සම්බාධක “වහාම” ඉවත් කරන ලෙසයි.

චීන විදේශ අමාත්‍යාංශයේ ප්‍රකාශක ගුඕ ජියාකුන් ඊයේ(31) බීජිං නුවර පැවැති මාධ්‍ය හමුවකදී පවසා සිටියේ “වසර 60 කට වැඩි කාලයක් තිස්සේ පැවති කුරිරු සම්බාධක” කියුබානු ජනතාවට “ගැඹුරු දුක් වේදනා” ඇති කර තිබෙන බවයි.

පසුගියදා පැවැති එක්සත් ජාතීන්ගේ මහා මණ්ඩල සැසිවාරයට කියුබාව අමෙරිකානු සම්බාධක ඉවත් කරන ලෙස ඉල්ලා ඉදිරිපත් කළ යෝජනාව අත්විශාල බහුතර ඡන්දයකින් අනුමත වීම මගින් “නැවත වරක් පිළිබිඹු කරන්නේ කියුබානුවන්ගේ ජාතික ස්වෛරීභාවය ආරක්ෂා කර ගැනීමට සහ විදේශ මැදිහත්වීම් සහ අවහිර කිරීම්වලට විරුද්ධව කියුබානු ජනතාව කරණු ලබන සාධාරණ අරගලය සඳහා ජාත්‍යන්තර ප්‍රජාවේ පුළුල් සහයෝගයය” පිළිබිඹු වීමක් බව ගුඕ පැවසීය.

“ඡන්දයෙන් අමෙරිකා එක්සත් ජනපදය පරාජය වීම නැවත වරක් ඒකපාර්ශ්විකත්වය සහ හිරිහැර කිරීම අසාධාරණ සහ ජනප්‍රිය නොවන බව පෙන්නුම් කරනවා.” යැයි පැවසූ ප්‍රකාශකයා තවදුරටත් සඳහන් කළේ චීනය “1992 සිට එක්සත් ජනපද සම්බාධක වලට විරුද්ධව ගෙන එන යෝජනාවලට පක්ෂව ඡන්දය දී ඇති” බවයි.

චීනය “ජාත්‍යන්තර යුක්තිය ආරක්ෂා කිරීමේදී ස්ථිරව සිටින අතර විදේශීය මැදිහත්වීම්වලට විරුද්ධ වීමේදී සහ ඔවුන්ගේ ජාතික තත්වයන්ට ගැලපෙන සංවර්ධනයක් සඳහා කියුබානු ජනතාවට දැඩි ලෙස සහාය දක්වනු ලබනවා.” ගුඕ පැවසීය.

එක්සත් ජාතීන්ගේ මහා මණ්ඩලයේදී, කියුබාවට එරෙහි එක්සත් ජනපද අවහිර කිරීම හෙළා දකින යෝජනාවකට පක්ෂව ඡන්ද 165 ක්ද, විරුද්ධව ඡන්ද හතක් සහ ඡන්දය දීමෙන් වැළකී සිටි ඡන්ද 12 ක් සමගින් සම්මත වීමෙන් පසුව චීනය මෙම ප්‍රකාශය නිකුත් කළේය.

1992 සිට වාර්ෂිකව කියුබාව ඉදිරිපත් කරන ලද අමෙරිකානු සම්බාධක ඉවත් කරන ලෙස ඉල්ල සිටින යෝජනාවට පසුගිය  වසරවලදී ජාත්‍යන්තර ප්‍රජාවෙන් ඒකමතික සහයෝගයක් ලැබී ඇත.යෝජනාව මගින් ප්‍රායෝගික බලපෑමක් නොමැති වුවද, එක්සත් ජාතීන්ගේ සංවිධානයෙන් වාර්ෂිකව ලැබෙන සහාය රාජ්‍ය තාන්ත්‍රික ජයග්‍රහණයක් ලෙස හවානා සලකයි.