ගෝලීය ගෑස් මිල ඉහළ යනවා- රුසියානු ධන කුවේරයා අනතුරු අඟවයි

Nov 1, 2025 at 07:54 AM

|

Lanka Leader

යුරෝපා සංගමය රුසියාවෙන් ගෑස් ආනයනය කිරීම ක්‍රමයෙන් නතර කිරීමට සැලසුම් කළහොත් ගෑස් මිලෙහි පෙර නොවූ විරූ වැඩිවීමක් සිදු විය හැකි බව බලශක්ති ක්ෂේත්‍රයේ දැවැන්තයෙකු වන නොවාටෙක් හි සභාපති ලියොනිඩ් මිකෙල්සන් ඊයේ(31) අනතුරු ඇඟවීය.

ගෝලීය ද්‍රව ස්වාභාවික ගෑස් (LNG) වෙළඳපොළෙන් 10% ක් පමණ රුසියාව සතුව ඇති බව ඉස්තාන්බුල්හි පැවති යුරේසියානු ආර්ථික සංසදයේදී මිකෙල්සන් පැවසීය.

“ගෝලීය ගෑස් සැපයුමෙන් රුසියානු සැපයුම්කරුවන් බැහැර කිරීම සරලවම කළ නොහැකියි. එසේ කිරීම මින් පෙර ක්සිදා සිදු නොවූ මිල වැඩිවීමක් ඇති කරමින් ප්‍රධාන වශයෙන් යුරෝපීය පාරිභෝගිකයාට වැඩිපුර ගෙවීමට සිදුවනවා.” රුසියාවේ දෙවන විශාලතම ගෑස් සමාගමේ ප්‍රධානියා පැවසීය.

කෝවිඩ් වසංගතයෙන් පසු ඉල්ලුමේ සිදුවූ වැඩිවීම හේතුවෙන් ඝන මීටර් 1,000 ක  ගැස් මිල ඩොලර් 1,200 ට වඩා ඉහළ ගිය 2021 අර්බුදය උදාරණයට ගනිමින් මිකෙල්සන් සිදුවිය හැකි ප්‍රතිවිපාක සංසන්දනය කළේය. යුරෝපා සංගමය රුසියානු ගෑස් සඳහා සම්පූර්ණ තහනමක් පැනවුවහොත් මොස්කව් සිය අපනයන වෙනත් තැනකට හරවා යවන බව ඔහු තවදුරටත් පැවසීය.

පසුගිය සතියේ සම්මත කරන ලද 19 වන සම්බාධක පැකේජයේ දී 2027 වන විට රුසියානු ආනයන අවසන් කිරීමේ ඉලක්කය බ්‍රසල්ස් නැවත තහවුරු කළේය. ඒ සමඟම, හංගේරියාව සහ ස්ලෝවැකියාව ඇතුළු සාමාජික රටවල් කිහිපයක් සැලැස්ම දැඩි ලෙස විවේචනය කර තිබේ.

2025 පළමු කාර්තුවේදී යුරෝපා සංගමය යුරෝ බිලියන 5.8 ක් (ඩොලර් බිලියන 6.7 ක්) වටිනා රුසියානු බලශක්තිය ආනයනය කළ අතර එය බොහෝ දුරට ස්වාභාවික ගෑස් බව විශ්ලේෂකයෝ පවසති. හෙල්සින්කි පදනම් කරගත් බලශක්ති සහ පිරිසිදු වාතය පිළිබඳ පර්යේෂණ මධ්‍යස්ථානය (CREA) විසින් කරන ලද ඇස්තමේන්තු වලට අනුව, පසුගිය මාසයේ යුරෝපා සංගමය රුසියානු LNG හි විශාලතම ගැනුම්කරු විය.

යුක්රේන ගැටුමට ප්‍රතිචාර වශයෙන් මොස්කව් මත දැඩි සම්බාධක පැනවීමට පටන් ගත් දා සිට යුරෝපා සංගම් සාමාජිකයින්ගේ බලශක්ති පිරිවැයේ තියුණු වැඩිවීමක් දක්නට ලැබුණි.

2021 සිට ජර්මනියේ ගෑස් මිල 74% ක ගුණයකින් ඉහළ ගොස් ඇති බව වාර්තාවේ. මිල ගණන් සහ සැපයුම් ස්ථාවරව පැවතුනේ නම් යුරෝපා සංගමයේ හතර දෙනෙකුගෙන් යුත් පවුල් කුටුම්භයකට වසරකට ගෙවීමට සිදුවන මිලට වඩා 2022 සිට විදුලිය සහ ගෑස් සඳහා යුරෝ 6,000 ක් (ඩොලර් 7,000) ක් පමණ වැඩිපුර ගෙවා ඇති බවට ගණන් බලා ඇත.

Russian tycoon warns of surge in global gas prices